ਕਵਿਤਾ

ss1

ਕਵਿਤਾ

ਮੇਰੀ ਜਿੰਦਗੀ ਦਾ
ਪਿਆਲਾ ਖਾਲੀ
ਤੂੰ ਭਰਦੇ ਇਹ ਜਾਮ ਸਾਕੀ
ਗੁਜ਼ਰ ਚੁੱਕਾ ਹੈ
ਦਿਨ ਜਿੰਦਗੀ ਦਾ
ਗੁਜ਼ਰਨੀ ਹੈ ਬਸ ਸ਼ਾਮ ਬਾਕੀ
ਗੁੰਮ ਹੋ ਕੇ ਰਹਿ ਗਈ ਹਾਂ
ਕੋਈ ਆਪਣੀ ਨਾ
ਪਹਿਚਾਣ ਬਾਕੀ
ਹਰ ਕਿਸੇ ਨੇ ਹੈ ਬਸ ਲੁੱਟਿਆ
ਕੋਈ ਖਾਸ ਨਾ
ਨਾ ਕੋਈ ਆਮ ਬਾਕੀ
ਪਹਿਲੂ ਜਿੰਦਗੀ ਦੇ ਸਭ
ਖੋਲ੍ਹ ਕੇ ਸਭ ਮੈਂ ਵੇਖੇ
ਕੋਈ ਛੁਪ ਕੇ ਵਾਰ ਕਰਦਾ
ਵਾਰ ਕੁਝ ਨੇ ਸ਼ਰੇਆਮ ਬਾਕੀ
ਮੇਰੀ ਖਾਹਿਸ਼ਾਂ ਦੀ ਬੋਲੀ
ਮੁੱਢ ਤੋਂ ਹੀ ਲੱਗ ਰਹੀ ਹੈ
ਨੀਲਾਮ ਮੈਂ ਨਾ ਹੋਈ
ਰਹਿ ਗਏ ਨੇ ਬੜੇ ਦਾਮ ਬਾਕੀ
ਸੂਰਤ ਦਾ ਤਾਂ ਛੱਡ ਤੂੰ ਕੀ ਏ
ਮਿੱਟੀ ਦਾ ਅੰਸ਼ ਮਿੱਟੀ
ਜੱਗ ਤੇ ਚਮਕਦਾ ਰਹਿ ਜੇ
ਬਸ ਇੱਕ ਹੀ ਨਾਮ ਬਾਕੀ
ਕੋਈ ਰਮਨਦੀਪ ਨੂੰ ਆਖੋ
ਜਿਆਦਾ ਵੀ ਸੱਚ ਨਾ ਬੋਲੇ
ਸੱਚ ਜਾਨ ਹੈ ਕੱਢ ਲੈਂਦਾ
ਪਰ ਕਿਸ ਵਿੱਚ ਹੈ ਜਾਨ ਬਾਕੀ?
ਡਿੱਗਣ ਤੋਂ ਜੇ ਡਰ ਲੱਗਦਾ
ਛੱਡਦੇ ਤੂੰ ਪਰਵਾਜ਼ ਭਰਨਾ
ਡਿੱਗ ਡਿੱਗ ਕੇ ਹੀ ਹੁੰਦੈ
ਬੰਦੇ ਦਾ ਨਿਰਮਾਣ ਬਾਕੀ।

ਰਮਨਦੀਪ ਕੌਰ ਨਿਰਮਾਣ

print
Share Button
Print Friendly, PDF & Email

Leave a Reply

Your email address will not be published. Required fields are marked *