ਜਾਣੋ ਨਿਪਾਹ ਵਾਇਰਸ ਦੇ ਲੱਛਣ ਤੇ ਇਸ ਤੋਂ ਬਚਣ ਦੇ ਉਪਾਅ

ss1

ਜਾਣੋ ਨਿਪਾਹ ਵਾਇਰਸ ਦੇ ਲੱਛਣ ਤੇ ਇਸ ਤੋਂ ਬਚਣ ਦੇ ਉਪਾਅ

ਕੇਰਲ ਵਿੱਚ ਨਿਪਾਹ ਵਾਇਰਸ ਦੇ ਮਰੀਜ਼ਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਕੇਰਲ ਦੇ ਨਾਲ-ਨਾਲ ਕੰਨਿਆਕੁਮਾਰੀ ਤੇ ਨੀਲਗਿਰੀ ਵਿੱਚ ਵੀ ਇਸ ਵਾਇਰਸ ਸਬੰਧੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ। ਕੇਂਦਰ ਸਰਕਾਰ ਨੇ ਐਨਸੀਡੀਸੀ ਤੇ ਏਮਜ਼ ਦੀਆਂ ਟੀਮਾਂ ਨੂੰ ਕਾਰਲ ਭੇਜਿਆ ਹੈ।
ਕੇਰਲ ਵਿੱਚ ਨਿਪਾਹ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਬੁਖ਼ਾਰ ਦੇ ਮਰੀਜ਼ਾਂ ’ਤੇ ਨਜ਼ਰ ਰੱਖੀ ਜਾ ਰਹੀ ਹੈ। ਡਾਕਟਰਾਂ ਨੇ ਕੁਝ ਸਾਵਧਾਨੀਆਂ ਵਰਤਣ ਦੀ ਸਲਾਹ ਦਿੱਤੀ ਹੈ।
ਬੁਖ਼ਾਰ, ਸਿਰਦਰਦ, ਘੱਟ ਜਾਂ ਧੁੰਦਲਾ ਦਿਖਾਈ ਦੇਣਾ, ਸਾਹ ਲੈਣ ਵਿੱਚ ਦਿੱਕਤ ਤੇ ਤੇਜ਼ ਦਿਮਾਗ਼ੀ ਬੁਖਾਰ ਨਿਪਾਹ ਵਾਇਰਸ ਦੇ ਲੱਛਣ ਹਨ। ਅਜਿਹਾ ਹੋਣ ’ਚੇ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰੋ।
ਆਪਣੇ ਆਸ-ਪਾਸ ਦੀ ਸਫਾਈ ’ਤੇ ਧਿਆਨ ਦਿਓ। ਖਾਂਸੀ ਜਾਂ ਛਿੱਕ ਆਉਣ ’ਤੇ ਮੂੰਹ ’ਤੇ ਰੁਮਾਲ ਰੱਖੋ।
ਕੁਝ ਵੀ ਖਾਣ ਤੋਂ ਪਹਿਲਾਂ ਹੱਥ ਧੋ ਲਓ। ਗੰਦਗੀ ਵਾਲਾ ਕੰਮ ਕਰਨ ਤੋਂ ਬਾਅਦ ਤੁਰੰਤ ਹੱਥ ਧੋਵੋ।
ਭੀੜ ਵਾਲੇ ਇਲਾਕੇ ਵਿੱਚ ਜਾਣ ਤੋਂ ਬਚੋ।
ਕੱਟੇ ਹੋਏ ਜਾਂ ਦਾਗੀ ਫ਼ਲ਼ ਨਾ ਖਰੀਦੋ ਤੇ ਨਾ ਖਾਓ।
ਅੱਧ ਪੱਕਿਆ ਜਾਂ ਕੱਚਾ ਖਾਣ ਤੋਂ ਬਚੋ।
ਫਿਲਹਾਲ ਕੇਰਲ ਜਾਂ ਉਸ ਦੇ ਆਸ-ਪਾਸ ਦੇ ਇਲਾਕੇ ਵਿੱਚ ਜਾਣ ਤੋਂ ਬਚੋ।
ਡਾਕਟਰ ਵੀ ਮਰੀਜ਼ਾਂ ਦਾ ਇਲਾਜ ਕਰਦੇ ਸਮੇਂ ਮਾਸਕ ਦੀ ਵਰਤੋਂ ਕਰਨ ਤੇ ਆਪਣਾ ਖਿਆਲ ਰੱਖਣ।
ਨਿਪਾਹ ਵਾਇਰਸ ਚਮਗਿੱਦੜ ਦੇ ਥੁੱਕ ਤੋਂ ਫੈਲਦਾ ਹੈ। ਇਸ ਲਈ ਕੱਟੇ ਹੋਏ ਫਲ਼, ਦਰੱਖਤ ਤੋਂ ਡਿੱਗੇ ਹੋਏ ਫਲ਼ ਜਾਂ ਬਿਨਾਂ ਧੋਏ ਖਜੂਰ ਨਾ ਖਾਓ।
ਕੇਰਲ ਤੋਂ ਆਉਣ-ਜਾਣ ਵਾਲੇ ਲੋਕਾਂ ਨਾਲ ਮਿਲਣ-ਜੁਲਣ ਤੋਂ ਬਚਿਆ ਜਾਵੇ। ਬੁਖ਼ਾਰ ਹੋਣ ਤੋਂ ਤੁਰੰਤ ਬਾਅਦ ਦਵਾਈ ਲਉ।
ਇਸ ਵਾਇਰਸ ਦਾ ਪਤਾ 4 ਤੋਂ 18 ਦਿਨਾਂ ਅੰਦਰ ਲੱਗਦਾ ਹੈ। ਅਜਿਹੇ ’ਚ ਬਾਹਰ ਨਿਕਲਣ ਤੋਂ ਬਚੋ।
ਹਵਾਈ ਅੱਡੇ ’ਤੇ ਖ਼ਾਸ ਸਾਵਧਾਨੀ ਰੱਖੋ। ਕੋਈ ਵੀ ਪ੍ਰਭਾਵਿਤ ਵਿਅਕਤੀ ਦਿਖਦਾ ਹੈ ਤਾਂ ਤੁਰੰਤ ਡਿਊਟੀ ਰੂਮ ਵਿੱਚ ਇਤਲਾਹ ਦਿਓ।
ਫਿਲਹਾਲ ਐਨਸੀਡੀਸੀ ਵਿੱਚ ਇਸ ਵਾਇਰਸ ਦੀ ਟੈਸਟਿੰਗ ਚੱਲ ਰਹੀ ਹੈ। ਕੇਰਲ ਵਿੱਚ ਇਸ ਦੇ ਲੱਛਣਾਂ ਦੇ ਆਧਾਰ ’ਤੇ ਇਲਾਜ ਕੀਤਾ ਜਾ ਰਿਹਾ ਹੈ। ਹਾਲ਼ੇ ਤਕ ਇਸ ਬਿਮਾਰੀ ਲਈ ਕੋਈ ਖ਼ਾਸ ਟੀਕਾ ਜਾਂ ਦਵਾਈ ਤਿਆਰ ਨਹੀਂ ਹੋਈ ਹੈ।
ਜੇ ਇਹ ਵਾਇਰਸ ਦਿਮਾਗ਼ ਵਿੱਚ ਚਲਾ ਜਾਵੇ ਤਾਂ ਮਰੀਜ਼ ਕੋਮਾ ਵਿੱਚ ਵੀ ਜਾ ਸਕਦਾ ਹੈ। ਇਸ ਬਿਮਾਰੀ ਤੋਂ ਸਾਵਧਾਨੀ ਨਾਲ ਹੀ ਬਚਿਆ ਜਾ ਸਕਦਾ ਹੈ।

print

Share Button
Print Friendly, PDF & Email

Leave a Reply

Your email address will not be published. Required fields are marked *