ਗ਼ਜ਼ਲ

ss1

ਗ਼ਜ਼ਲ

ਰਾਹ ਅਣਜਾਨੀ ਫੜਦਾ ਕਿਉਂ ਏ?
ਨਾਲ ਨਸੀਬਾਂ ਲੜਦਾ ਕਿਉਂ ਏ?

ਸਾਥ ਕਿਸੇ ਨਾ ਦੇਣਾ ਤੇਰਾ,
ਤੰਗ ਗਲੀ ਵਿਚ ਵੜਦਾ ਕਿਉਂ ਏ?

ਕੰਮ ਕਰੀਂ ਜੋ ਵਸ ਵਿਚ ਤੇਰੇ,
ਖੰਬ ਬਿਨਾਂ ਤੂੰ ਉੜਦਾ ਕਿਉਂ ਏ?

ਹਿੰਮਤ ਹੈ ਤਾਂ ਜੁਰਮ ਕਬੂਲੀਂ ,
ਦੋਸ਼ ਕਿਸੇ ਤੇ ਮੜ੍ਹਦਾ ਕਿਉਂ ਏ?

ਵੇਖ ਤਰੱਕੀ ਦੂਜੇ ਦੀ ਤੂੰ,
ਅੰਦਰੋਂ ਏਨਾ ਸੜਦਾ ਕਿਉਂ ਏ?

ਸੋਚ ਵਿਚਾਰ ਤੂੰ ਮਸਲਾ ਪਹਿਲਾਂ,
ਪਾਰੇ ਵਾਂਗੂੰ ਚੜ੍ਹਦਾ ਕਿਉਂ ਏ?

ਯਾਰ ਕਿਸੇ ਨੂੰ ਡੇਗਣ ਖਾਤਿਰ,
ਨਿੱਤ ਸਕੀਮਾਂ ਘੜਦਾ ਕਿਉਂ ਏ?

ਪੜ੍ਹ ਕੇ ਵੇਖ ਕੀ ਲਿਖਿਆ ਚਿਹਰੇ?
ਸਿਰਫ ਕਿਤਾਬਾਂ ਪੜ੍ਹਦਾ ਕਿਉਂ ਏ?

ਦੱਸ ਬਿਸ਼ੰਬਰ ਮਾੜੇ ਦਾ ਹੀ,
ਕੰਮ ਵਿਚਾਲੇ ਅੜਦਾ ਕਿਉਂ ਏ?

ਬਿਸ਼ੰਬਰ ਅਵਾਂਖੀਆ,
ਮੋ-9781825255
ਪਿੰਡ/ਡਾ-ਅਵਾਂਖਾ,
ਜਿਲ੍ਹਾ/ਤਹਿ-ਗੁਰਦਾਸਪੁਰ

print
Share Button
Print Friendly, PDF & Email

Leave a Reply

Your email address will not be published. Required fields are marked *