Fri. Aug 23rd, 2019

2018 ਵਿਚ Google ਨੇ ਖ਼ਬਰਾਂ ਨਾਲ ਕਮਾਏ 33 ਹਜ਼ਾਰ ਕਰੋੜ ਰੁਪਏ

2018 ਵਿਚ Google ਨੇ ਖ਼ਬਰਾਂ ਨਾਲ ਕਮਾਏ 33 ਹਜ਼ਾਰ ਕਰੋੜ ਰੁਪਏ

ਵਾਸ਼ਿੰਗਟਨ: ਗੁਗਲ ਨੇ ਪਿਛਲੇ ਸਾਲ ਪੱਤਰਕਾਰਾਂ ਦੇ ਕੰਮ ਨਾਲ 4.7 ਅਰਬ ਡਾਲਰ ਦੀ ਕਮਾਈ ਕੀਤੀ ਹੈ। ਇਹ ਕਮਾਈ ਗੁਗਲ ਨੇ ਗੁਗਲ ਨਿਊਜ਼ ਜਾਂ ਗੁਗਲ ਸਰਚ ਦੇ ਰਾਹੀਂ ਕੀਤੀ ਹੈ। ਇਹ ਮੀਡੀਆ ਘਰਾਣਿਆਂ ਦੀ ਆਨਲਾਈਨ ਵਿਗਿਆਪਨ ਨਾਲ ਹੋਣ ਵਾਲੀ ਕਮਾਈ ਵਿਚ ਭਾਰੀ ਕਟੌਤੀ ਹੈ, ਜੋ ਕਿ ਉਹਨਾਂ ਦੀ ਆਮਦਨ ਦਾ ਮੁੱਖ ਸਰੋਤ ਹੈ।

ਨਿਊਜ਼ ਮੀਡੀਆ ਅਲਾਇੰਸ (ਐਨਆਮਏ) ਦੀ ਸੋਮਵਾਰ ਨੂੰ ਜਾਰੀ ਕੀਤੀ ਗਈ ਇਕ ਰਿਪੋਰਟ ਵਿਚ ਇਹ ਜਾਣਕਾਰੀ ਸਾਹਮਣੇ ਆਈ ਹੈ। ਐਨਐਮਏ ਅਮਰੀਕਾ ਦੇ 2 ਹਜ਼ਾਰ ਤੋਂ ਵੀ ਜ਼ਿਆਦਾ ਅਖ਼ਬਾਰਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਸੰਸਥਾ ਹੈ। ਗੁਗਲ ਦੇ ਕਾਰੋਬਾਰ ਵਿਚ ਖ਼ਬਰਾਂ ਦਾ ਅਹਿਮ ਯੋਗਦਾਨ ਹੈ। ਨਿਊਯਾਰਕ ਟਾਈਮਜ਼ ਨੇ ਐਨਐਮਏ ਦੇ ਪ੍ਰਧਾਨ ਅਤੇ ਮੁੱਖ ਕਾਰਜਕਾਰੀ ਡੇਵਿਡ ਸ਼ੇਵਰਨ ਦੇ ਹਵਾਲੇ ਤੋਂ ਕਿਹਾ ਕਿ ਜਿਨ੍ਹਾਂ ਪੱਤਰਕਾਰਾਂ ਦੇ ਲੇਖ ਅਤੇ ਵੀਡੀਓ ਤਿਆਰ ਕੀਤੇ ਗਏ, ਉਹਨਾਂ ਨੂੰ ਇਸ 4.7 ਅਰਬ ਡਾਲਰ ਦਾ ਕੁੱਝ ਹਿੱਸਾ ਮਿਲਣਾ ਚਾਹੀਦਾ ਹੈ।

ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਗੁਗਲ ਨੇ ਅਪਣੇ ਸਰਚ ਅਤੇ ਗੁਗਲ ਨਿਊਜ਼ ਦੇ ਮਾਧਿਅਮ ਰਾਹੀਂ 2018 ਵਿਚ ਅਖ਼ਬਾਰਾਂ ਅਤੇ ਪ੍ਰਕਾਸ਼ਨਾ ਦੇ ਕੰਮ ਤੋਂ ਇਹ ਕਮਾਈ ਕੀਤੀ ਹੈ। ਐਨਐਮਏ ਨੇ ਸਾਵਧਾਨ ਕੀਤਾ ਕਿ ਇਸ ਅਨੁਮਾਨ ਵਿਚ ਗੁਗਲ ਦੀ ਉਸ ਆਮਦਨ ਦਾ ਮੁੱਲ ਨਹੀਂ ਜੋੜਿਆ ਗਿਆ ਜੋ ਉਸ ਨੂੰ ਕਿਸੇ ਗਾਹਕ ਦੇ ਲੇਖ ਨੂੰ ਪਸੰਦ ਕਰਨ ਜਾਂ ਕਲਿੱਕ ਕਰਨ ‘ਤੇ ਹਰ ਵਾਰ ਇਕੱਠੀ ਕੀਤੀ ਗਈ ਨਿੱਜੀ ਜਾਣਕਾਰੀ ਨਾਲ ਹੁੰਦੀ ਹੈ।

Leave a Reply

Your email address will not be published. Required fields are marked *

%d bloggers like this: