Thu. Feb 27th, 2020

ਸੰਗੀਤ ਦੀ ਇਬ਼ਾਦਤ ਕਰਨ ਵਾਲਾ ਫਨਕਾਰ ‘ਦਰਸ਼ਨਜੀਤ’

ਸੰਗੀਤ ਦੀ ਇਬ਼ਾਦਤ ਕਰਨ ਵਾਲਾ ਫਨਕਾਰ ‘ਦਰਸ਼ਨਜੀਤ’

ਪੰਜਾਬੀ ਗੀਤ-ਸੰਗੀਤ ਦੀ ਦੁਨੀਆਂ ਵਿੱਚ ਦਰਸ਼ਨਜੀਤ ਸਿੰਘ ਦਾ ਨਾਂ ਕਿਸੇ ਜਾਣ ਪਛਾਣ ਦਾ ਮੁਥਾਜ਼ ਨਹੀਂ ਹੈ । ਇੰਨ੍ਹਾਂ ਦੀ ਗਾਇਕੀ ਦੀ ਮਿੱਠੀ ਖੁਸ਼ਬੋ ਦੇ ਸ੍ਰੋਤੇ ਦੀਵਾਨੇ ਹੋ ਜਾਂਦੇ ਹਨ । ਉਸ ਦੇ ਸੰਗੀਤ ਦੇ ਸੰਘਰਸ਼ੀ ਸਫ਼ਰ ’ਚ ‘ਭੋਲਾ ਯਮਲਾ’ ਜੀ ਦਾ ਕਾਫੀ ਮਹੱਤਵ ਰਿਹਾ ਹੈ । ਉਹ ਉਸਨੂੰ ਆਪਣਾ ਮਾਰਗ ਦਰਸ਼ਕ ਵੀ ਮੰਨਦਾ ਹੈ । ਹੁਣ ਤੱਕ ਦੀ ਗਾਇਕੀ ਵਿਚ ਦਰਸ਼ਨਜੀਤ ਦਾ ਸੰਘਰਸ਼ ਹੀ ਉਸਦੀ ਤਾਕਤ ਰਿਹਾ ਹੈ । ਭਾਵੇਂ ਅਜੋਕੀ ਗਾਇਕੀ ਕਾਫੀ ਗੰਧਲੀ ਹੋ ਚੁੱਕੀ ਹੈ ਪਰ ਸੁਰੀਲਾ ਗਾਉਣ ਵਾਲੇ ਫਨਕਾਰਾਂ ਨੂੰ ਸਰੋਤੇ ਅੱਜ ਵੀ ਬਹੁਤ ਚਾਅ ਨਾਲ ਸੁਣਦੇ ਹਨ ।
ਬਹੁਤ ਹੀ ਸੁਰੀਲੀ ਆਵਾਜ਼ ਦੇ ਮਾਲਕ ਦਰਸ਼ਨਜੀਤ ਦਾ ਜਨਮ ਜ਼ਿਲ੍ਹਾ ਫਰੀਦਕੋਟ ਦੇ ਅੰਦਰ ਪੈਂਦੇ ਪਿੰਡ ਝੱਖੜਵਾਲਾ ਵਿਖੇ ਪਿਤਾ ਸ.ਪੂਰਨ ਸਿੰਘ ਅਤੇ ਮਾਤਾ ਸ੍ਰੀ.ਹਰਬੰਸ ਕੌਰ ਦੇ ਘਰ ਹੋਇਆ । ਬਚਪਨ ਤੋਂ ਹੀ ਉਨ੍ਹਾਂ ਦਾ ਸੰਗੀਤ ਨਾਲ ਬਹੁਤ ਪਿਆਰ ਰਿਹਾ ਹੈ । ਸ਼ੁਰੂਆਤੀ ਪੜਾਈ ਪਿੰਡ ਦੇ ਸਰਕਾਰੀ ਹਾਈ ਸਕੂਲ ਤੋਂ ਪ੍ਰਾਪਤ ਕਰਨ ਉਪਰੰਤ ਉਨ੍ਹਾਂ ਨੇ ਪ੍ਰਾਚੀਨ ਕਲਾ ਕੇਂਦਰ ਚੰਡੀਗੜ੍ਹ ਵਿਖੇ ਸੰਗੀਤ ਨਾਲ ਸੰਬੰਧਿਤ ਪੜ੍ਹਾਈ ਕੀਤੀ । ਉਨ੍ਹਾਂ ਨੇ ਬਚਪਨ ਤੋਂ ਹੀ ਸਕੂਲ ਵਿੱਚ ਹੁੰਦੀਆਂ ਸੰਗੀਤਕ ਗਤੀਵਿਧੀਆਂ, ਬਾਲ ਸਭਾਵਾਂ ਵਿੱਚ ਹਿੱਸਾ ਲੈ ਕੇ ਆਪਣੀ ਇਸ ਗਾਇਕੀ ਦੇ ਸਫ਼ਰ ਨੂੰ ਜਾਰੀ ਰੱਖਿਆ ਹੈ । ਉਨ੍ਹਾਂ ਨੇ ਸਨ 2002 ਵਿੱਚ ਸਕੂਲ ’ਚ ਮਨਾਏ ਗਏ ਗਣਤੰਤਰਤਾ ਦਿਵਸ ਵਿੱਚ ਹਿੱਸਾ ਲਿਆ । ਜਿਸ ਦੋਰਾਨ ਇੰਨਾਂ ਦੀ ਗਾਇਕੀ ਨੇ ਸਾਰੇ ਸਰੋਤਿਆਂ ਨੂੰ ਕੀਲ ਲਿਆ ਅਤੇ ਦਰਸ਼ਨਜੀਤ ਨੂੰ ਬਹੁਤ ਹੀ ਸੁਰੀਲਾ ਗਾਉਣ ਕਾਰਨ ਸ਼ੀਲਡ ਨਾਲ ਸਨਮਾਨਿਤ ਕੀਤਾ ਗਿਆ । ਉਨ੍ਹਾਂ ਨੂੰ ਸਨ 2003 ਵਿੱਚ ਪਹਿਲੀ ਐਲਬਮ ‘ ਚਿੱਠੀਆਂ ’ ਰਾਹੀਂ ਸਰੋਤਿਆਂ ਤੋਂ ਕਾਫੀ ਪਿਆਰ ਮਿਲਿਆ ।
ਉਸਤਾਦ ਭੋਲਾ ਯਮਲਾ ਦੀ ਗਾਇਕੀ ਤੋਂ ਪ੍ਰਭਾਵਿਤ ਦਰਸ਼ਨ ਨੇ ਆਪਣੇ ਸੰਗੀਤਕ ਸਫ਼ਰ ਨੂੰ ਅੱਗੇ ਵਧਾਉਣ ਲਈ ਪੀਟੀਸੀ ਪੰਜਾਬੀ ਚੈਨਲ ਵੱਲੋਂ ਸ਼ੁਰੂ ਕੀਤੇ ਸੰਗੀਤਕ ਰਿਐਲਿਟੀ ਸੋਅ ‘ ਵਾਇਸ ਆਫ਼ ਪੰਜਾਬ ਸੀਜ਼ਨ-3 ’ ਵਿੱਚ ਹਿੱਸਾ ਲਿਆ । ਜਿੱਥੇ ਉਸਨੇ ਬਾਕਮੁਕਾਲ ਗਾਇਕੀ ਦਾ ਮੁਜ਼ਾਹਰਾ ਕਰਦਿਆਂ ਸ਼ੋਅ ਦਾ ਖਿਤਾਬ ਆਪਣੇ ਨਾਂ ਕੀਤਾ । ਇਹ ਸ਼ੋਅ ਜਿੱਤਣ ਕਾਰਨ ਉਸਦੀ ਇੱਕ ਵੱਖਰੀ ਪਛਾਣ ਬਣ ਗਈ । ਇਸ ਤੋਂ ਬਾਅਦ ਕਮਰਸ਼ੀਅਲ ਪੱਧਰ ਤੇ ਪਹੁੰਚਣ ਲਈ ਗੋਇਲ ਮਿਊਜ਼ਿਕ ਕੰਪਨੀ ਵੱਲੋਂ ਰਿਕਾਰਡ ਕੀਤੇ ਗਏ ਉਨ੍ਹਾਂ ਦੇ ਸਿੰਗਲ ਟਰੈਕ ‘ ਸੂਟਾ ’ ਨੂੰ ਸਰੋਤਿਆਂ ਨੇ ਖੂਬ ਪਸੰਦ ਕੀਤਾ । ਇਸ ਟਰੈਕ ਦੀ ਸਫ਼ਲਤਾ ਨੇ ਉਸਦੀ ਗਾਇਕੀ ਤੇ ਕਾਮਯਾਬੀ ਦਾ ਪੱਕਾ ਠੱਪਾ ਲਾ ਦਿੱਤਾ । ਫਿਰ ਆਏ ਗੀਤ ‘ ਦੋ ਕੁੜੀਆਂ ’ ਨੇ ਦਰਸ਼ਨਜੀਤ ਨੂੰ ਹੋਰ ਵੀ ਸਿਖਰਾਂ ਤੇ ਪਹੁੰਚਾ ਦਿੱਤਾ । ਇਨ੍ਹਾਂ ਗੀਤਾਂ ਤੋਂ ਇਲਾਵਾ ਆਏ ਉਸਦੇ ਸਿੰਗਲ ਟਰੈਕ ‘ ਇੱਕੀ ਪੌੜੀਆਂ ’, ਨਾ ਯਾਦ ਤੇਰੀ ਆਵੇ ’ , ਧਾਰਮਿਕ ਗੀਤ ‘ ਬਾਬਾ ਨਾਨਕ’ ਅਤੇ ‘ ਵਿਆਹ ’ ਆਦਿ ਵੀ ਸਰੋਤਿਆਂ ਨੇ ਬਹੁਤ ਪਸੰਦ ਕੀਤੇ । ਬੇਸ਼ੱਕ ਦਰਸ਼ਨਜੀਤ ਨੇ ਹਰ ਵੰਨਗੀ ਦੇ ਗੀਤ ਗਾਏ ਹਨ । ਪ੍ਰੰਤੂ ਉਸ ਨੇ ਹਥਿਆਰਾਂ ਅਤੇ ਭੜਕਾਊ ਗੀਤਾਂ ਤੋਂ ਪ੍ਰਹੇਜ਼ ਹੀ ਰੱਖਿਆ ਹੈ । ਸੂਫੀਆਨਾ ਗੀਤਾਂ ਨਾਲ ਵੀ ਦਰਸ਼ਨਜੀਤ ਨੂੰ ਸਰੋਤਿਆਂ ਦਾ ਖੂਬ ਪਿਆਰ ਮਿਲਦਾ ਹੈ ।
ਦਰਸ਼ਨਜੀਤ ਦਾ ਕਹਿਣਾ ਹੈ ਕਿ ਅਜੋਕੀ ਗਾਇਕੀ ਦਾ ਮਜ਼ਾਕ ਬਣਾਇਆ ਜਾ ਰਿਹਾ ਹੈ । ਸੁਰੀਲੇ ਤੇ ਸੂਫ਼ੀਆਣਾ ਗਾਉਣ ਵਾਲੇ ਫਣਕਾਰਾਂ ਨੂੰ ਨਾਪਸੰਦ ਕੀਤਾ ਜਾ ਰਿਹਾ ਹੈ ਅਤੇ ਬੇਸੁਰਿਆਂ ਨੂੰ ਮਸ਼ਹੂਰ ਕੀਤਾ ਜਾ ਰਿਹਾ ਹੈ । ਉਸ ਦੇ ਮੁਤਾਬਿਕ ਸਹੀ ਗਾਇਕੀ ਨੂੰ ਸਪੋਟ ਕਰਨਾ ਸਮੇਂ ਦੀ ਮੁੱਖ ਲੋੜ ਹੈ ਤਾਂ ਜੋ ਸੱਭਿਆਚਾਰਕ ਗਾਇਕੀ ਨੂੰ ਬਚਾਇਆ ਜਾ ਸਕੇ ।

ਪੈਰੀ ਪਰਗਟ
81461-02593

Disclaimer

We do not guarantee/claim that the information we have gathered is 100% correct. Most of the information used in articles are collected from social media and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing.

Leave a Reply

Your email address will not be published. Required fields are marked *

%d bloggers like this: