Sun. Sep 15th, 2019

ਸੰਗਰੂਰ ਸਿਵਲ ਹਸਪਤਾਲ ਦੇ ਪਖਾਨੇ `ਚੋਂ ਮਿਲਿਆ ਭਰੂਣ, ਮਾਮਲਾ ਦਰਜ

ਸੰਗਰੂਰ ਸਿਵਲ ਹਸਪਤਾਲ ਦੇ ਪਖਾਨੇ `ਚੋਂ ਮਿਲਿਆ ਭਰੂਣ, ਮਾਮਲਾ ਦਰਜ

ਸਨਿੱਚਰਵਾਰ ਨੂੰ ਸੰਗਰੂਰ ਦੇ ਸਿਵਲ ਹਸਪਤਾਲ ਦੇ ਪਖਾਨੇ `ਚੋਂ ਇੱਕ ਭਰੂਣ ਮ੍ਰਿਤਕ ਅਵਸਥਾ `ਚ ਪਿਆ ਮਿਲਿਆ। ਇੱਕ ਸਫ਼ਾਈ-ਸੇਵਕਾ ਜਦੋਂ ਸੀਵਰੇਜ ਦੇ ਬੰਦ ਪਏ ਪਾਈਪ ਨੂੰ ਸਾਫ਼ ਕਰਨ ਲੱਗੀ, ਤਾਂ ਉਸ ਨੇ ਉਹ ਭਰੂਣ ਵੇਖਿਆ। ਉਸ ਨੇ ਤਦ ਹਸਪਤਾਲ ਦੇ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ ਤੇ ਜਾਂਚ ਸ਼ੁਰੂ ਹੋ ਗਈ।
ਸਫ਼ਾਈ ਸੇਵਕਾ ਕਿਰਨਾ ਨੂੰ ਲੈਬਾਰੇਟਰੀ ਦੀ ਇਮਾਰਤ `ਚ ਸਥਿਤ ਮਹਿਲਾ ਟੁਆਇਲਟ `ਚ ਭਰੂਣ ਮਿਲਿਆ। ਭਰੂਣ ਤਿੰਨ ਤੋਂ ਚਾਰ ਮਹੀਨਿਆਂ ਦਾ ਸੀ। ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ ਤੇ ਉਸ ਤੋਂ ਬਾਅਦ ਪੋਸਟਮਾਰਟਮ ਹੋਇਆ।
ਸਿਵਲ ਹਸਪਤਾਲ ਦੇ ਸੀਨੀਅਰ ਮੈਡੀਕਲ ਆਫ਼ੀਸਰ (ਐੱਸਐੱਮਓ) ਡਾ. ਕ੍ਰਿਪਾਲ ਸਿੰਘ ਬੱਚੇ ਦੀਆਂ ਹੱਡੀਆਂ ਦੇ ਕੁਝ ਸੈਂਪਲ ਲਏ ਗਏ ਹਨ, ਜਿਨ੍ਹਾਂ ਨੂੰ ਚੰਡੀਗੜ੍ਹ ਲੈਬਾਰੇਟਰੀ `ਚ ਭੇਜਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਮਾਮਲੇ ਦੀ ਜਾਂਚ ਲਈ ਚਾਰ ਡਾਕਟਰਾਂ ਦਾ ਇੱਕ ਬੋਰਡ ਬਣਾਇਆ ਗਿਆ ਹੈ।
ਪੁਲਿਸ ਨੇ ਧਾਰਾ 315 ਅਧੀਨ ਮਾਮਲਾ ਦਰਜ ਕਰ ਲਿਆ ਹੈ। ਜਾਂਾਚ ਅਧਿਕਾਰੀ ਸ੍ਰੀ ਗੁਰਤੇਜ ਸਿੰਘ ਨੇ ਦੱਸਿਆ ਕਿ ਹੁਣ ਡੀਐੱਨਏ ਰਿਪੋਰਟ ਦੀ ਉਡੀਕ ਕੀਤੀ ਜਾ ਰਹੀ ਹੈ।

Leave a Reply

Your email address will not be published. Required fields are marked *

%d bloggers like this: