ਸ਼੍ਰੀ ਹੇਮਕੁੰਟ ਸਾਹਿਬ ਯਾਤਰਾ ਦੌਰਾਨ ਕਿਸੇ ਨੂੰ ਵੀ ਨਿਸ਼ਾਨ ਸਾਹਿਬ ਉਤਾਰਨ ਦੀ ਆਗਿਆ ਨਹੀਂ ਦਿਤੀ: ਡੀ ਐਸ ਪੀ

ss1

ਸ਼੍ਰੀ ਹੇਮਕੁੰਟ ਸਾਹਿਬ ਯਾਤਰਾ ਦੌਰਾਨ ਕਿਸੇ ਨੂੰ ਵੀ ਨਿਸ਼ਾਨ ਸਾਹਿਬ ਉਤਾਰਨ ਦੀ ਆਗਿਆ ਨਹੀਂ ਦਿਤੀ: ਡੀ ਐਸ ਪੀ

ਜੰਡਿਆਲਾ ਗੁਰੂ/ਰਿਸ਼ੀਕੇਸ਼ 19 ਜੂਨ ਵਰਿੰਦਰ ਸਿੰਘ: ਬੀਤੇ ਦਿਨੀ ਸ਼੍ਰੀ ਹੇਮਕੁੰਟ ਸਾਹਿਬ ਯਾਤਰਾ ਤੇ ਜਾ ਰਹੇ ਮੋਟਰਸਾਈਕਲ, ਗੱਡੀਆਂ ਆਦਿ ਤੋਂ ਨਿਸ਼ਾਨ ਸਾਹਿਬ ਉਤਾਰਨ ਵਾਲੀ ਸ਼ੋਸ਼ਲ ਮੀਡੀਆ ਤੇ ਆਈ ਵੀਡੀਓ ਤੋਂ ਬਾਅਦ ਸਿੱਖ ਹਲਕਿਆਂ ਵਿਚ ਇਸਦਾ ਕਰੜਾ ਵਿਰੋਧ ਅਤੇ ਨਿੰਦਾ ਕੀਤੀ ਜਾ ਰਹੀ ਸੀ । ਰੋਜਾਨਾ ਆਨਲਾਈਨ ਨਿਰਪੱਖ ਆਵਾਜ ਅਖਬਾਰ ਵਲੋਂ ਇਸਨੂੰ ਪ੍ਰਮੁੱਖਤਾ ਨਾਲ ਛਾਪਕੇ ਸਿੱਖ ਕੌਮ ਨੂੰ ਜਾਗਰੂਕ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਸੀ । ਸ਼ੋਸ਼ਲ ਮੀਡੀਆ ਤੇ ਹੀ ਆ ਰਹੀ ਇਕ ਹੋਰ ਵੀਡੀਓ ਵਿੱਚ ਹੁਣ ਡੀ ਐਸ ਪੀ ਹਰਬੰਸ ਸਿੰਘ ਜਿਲ੍ਹਾ ਚਮੋਲੀ ਉਤਰਾਖੰਡ ਨੇ ਕਿਹਾ ਕਿ ਪ੍ਰਸ਼ਾਸ਼ਨ ਵਲੋਂ ਅਜਿਹਾ ਕੋਈ ਹੁਕਮ ਨਹੀਂ ਦਿੱਤਾ ਗਿਆ ਕਿ ਗੱਡੀਆਂ ਤੋਂ ਨਿਸ਼ਾਨ ਸਾਹਿਬ ਹਟਾਏ ਜਾਣ ।

ਉਹਨਾਂ ਕਿਹਾ ਕਿ ਪਹਾੜੀ ਰਸਤਾ ਹੋਣ ਕਰਕੇ ਸਿਰਫ ਮੋਟਰਸਾਈਕਲ ਵਾਲਿਆਂ ਨੂੰ ਵਾਰਨਿੰਗ ਦਿਤੀ ਜਾ ਰਹੀ ਸੀ ਕਿ ਉਹ ਆਪਣੇ ਆਪਣੇ ਮੋਟਰਸਾਈਕਲ ਤੇ ਟੇਢੇ ਮੇਢੇ ਨਿਸ਼ਾਨ ਸਾਹਿਬ ਨਾ ਲਗਾਉਣ ਜਿਸ ਨਾਲ ਪਹਾੜੀ ਰਸਤਿਆਂ ਵਿੱਚ ਮੋੜਾ ਤੇ ਸਾਹਮਣੇ ਪਾਸੇ ਤੋਂ ਆ ਰਹੀ ਗੱਡੀ ਨੂੰ ਮੁਸ਼ਕਿਲ ਆਉਂਦੀ ਹੈ ਜੋ ਕਿ ਹਾਦਸਿਆਂ ਦਾ ਕਾਰਨ ਬਣਦੇ ਹਨ । ਡੀ ਐਸ ਪੀ ਹਰਬੰਸ ਸਿੰਘ ਨੇ ਸਮੂਹ ਸਿੱਖ ਸੰਗਤ ਨੂੰ ਅਪੀਲ ਕੀਤੀ ਕਿ ਅਜਿਹੀ ਕੋਈ ਗੱਲ ਨਹੀਂ ਹੈ ਸਿਰਫ ਮੋਟਰਸਾਈਕਲ ਵਾਲੇ ਨੌਜਵਾਨ ਨਿਸ਼ਾਨ ਸਾਹਿਬ ਛੋਟਾ ਲਗਾਉਣ ਅਤੇ ਵੱਡਾ ਟੇਢਾ ਮੇਡਾ ਨਾ ਲਗਾਉਣ ।

Share Button

Leave a Reply

Your email address will not be published. Required fields are marked *