ਕਰੋਨਾ ਵਾਇਰਸ ਸਬੰਧੀ ਜ਼ਰੂਰੀ ਜਾਣਕਾਰੀ ਕਰੋਨਾ ਵਾਇਰਸ ਇੱਕ ਮਹਾਂਮਾਰੀ ਹੈ, ਜਿਸ ਤੋਂ ਸਾਨੂੰ ਸਭ ਨੂੰ ਆਪਣਾ ਅਤੇ ਆਪਣੇ ਪਰਿਵਾਰ ਦਾ ਬਚਾਓ ਕਰਨਾ ਚਾਹੀਦਾ ਹੈ। ਸਰਕਾਰ ਵਲੋਂ ਜਾਰੀ ਕੀਤੀਆਂ ਜਾਂਦੀਆਂ ਹਦਾਇਤਾਂ ਦੀ ਪਾਲਣਾ ਕਰੇ। ਇਸ ਤਰ੍ਹਾਂ ਕਰਨ ਨਾਲ਼ ਤੁਸੀਂ ਆਪਣੀ, ਆਪਣੇ ਪਰਿਵਾਰ ਅਤੇ ਸਾਰੇ ਸਮਾਜ ਦੀ ਰਾਖੀ ਕਰੋ। ਜ਼ਿਆਦਾ ਜਾਣਕਾਰੀ ਲਈ ਕਲਿਕ ਕਰੋ
Tue. Jul 14th, 2020

ਵਾਸ਼ਿੰਗਟਨ ਦੇ ਸਿੱਖ ਭਾਰਤ ਵਿੱਚ 100 ਪਵਿੱਤਰ ਜੰਗਲ ਲਗਾਉਣਗੇ

ਵਾਸ਼ਿੰਗਟਨ ਦੇ ਸਿੱਖ ਭਾਰਤ ਵਿੱਚ 100 ਪਵਿੱਤਰ ਜੰਗਲ ਲਗਾਉਣਗੇ

ਵਾਸ਼ਿੰਗਟਨ, 11 ਦਸੰਬਰ ( ਰਾਜ ਗੋਗਨਾ )—ਅਮਰੀਕਾ ਦੇ ਸਿੱਖ ਭਾਈਚਾਰੇ ਦੇ ਮੈਂਬਰਾਂ ਨੇ ਪੰਜਾਬ ਅਤੇ ਭਾਰਤ ਦੇ ਹੋਰਨਾਂ ਹਿੱਸਿਆਂ ਵਿੱਚ ਈਕੋਸਿੱਖ ਸੰਸਥਾ ਨਾਂ ਦੀ ਸੰਸਥਾ ਵੱਲੋਂ ਗੁਰੂ ਨਾਨਕ ਪਵਿੱਤਰ ਜੰਗਲ ਲਗਾਉਣ ਦੇ ਕਾਰਜ ਦਾ ਸਮਰਥਨ ਦੇਣ ਦਾ ਕਦਮ ਚੁੱਕਿਆ ਹੈ। ਈਕੋਸਿੱਖ ਦੇ 7ਵੇਂ ਗਾਲਾ ਡਿਨਰ ਸਮਾਗਮ ਵਿੱਚ 250 ਤੋਂ ਵੱਧ ਲੋਕ ਸ਼ਾਮਲ ਹੋਏ ਅਤੇ ਸੰਗਠਨ ਦੀ 10ਵੀਂ ਵਰ੍ਹੇਗੰਢ ਮਨਾਉਂਦਿਆਂ ਪੰਜਾਬ ਅਤੇ ਵਿਸ਼ਵ ਦੇ ਹੋਰ ਥਾਵਾਂ ਤੇ ਜੰਗਲ ਲਗਾ ਕੇ ਮੌਸਮੀ ਤਬਦੀਲੀ ਦਾ ਮੁਕਾਬਲਾ ਕਰਨ ਲਈ ਇਸ ਸੰਸਥਾ ਦੇ ਏਜੰਡੇ ਦਾ ਸਮਰਥਨ ਕੀਤਾ। ਮਹਿਮਾਨਾਂ ਨੇ ਬੜੇ ਉਤਸ਼ਾਹ ਨਾਲ ਇਸ ਸੰਸਥਾ ਨੂੰ ਦਾਨ ਦਿੱਤਾ। ਈਕੋਸਿੱਖ ਨੇ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਜਨਮ ਦਿਵਸ ਦੇ ਸਨਮਾਨ ਵਿੱਚ 10 ਲੱਖ ਰੁੱਖ ਲਗਾਉਣ ਦਾ ਉਪਰਾਲਾ ਸ਼ੁਰੂ ਕੀਤਾ ਹੈ ਅਤੇ ਇਹ 550 ਦੇਸੀ ਜਾਤੀ ਦੇ ਰੁੱਖਾਂ ਦੇ ਮਿੰਨੀ ਜੰਗਲ ਲਗਾਏ ਜਾ ਰਹੇ ਹਨ। ਜਿੰਨਾਂ ਚ’ ਪੰਜਾਬ, ਹਰਿਆਣਾ, ਰਾਜਸਥਾਨ, ਮਹਾਰਾਸ਼ਟਰ, ਗੁਜਰਾਤ, ਦਿੱਲੀ, ਜੰਮੂ ਅਤੇ ਚੰਡੀਗੜ੍ਹ ਵਿੱਚ 120 ਜੰਗਲ ਪਿਛਲੇ ਦਸ ਮਹੀਨਿਆਂ ਚ ਲਗਾਏ ਹਨ।ਫੋਰੈਸਟ ਦੇ ਸ਼ੁਭੇਂਦੂ ਸ਼ਰਮਾ ਨੇ ਆਪਣੇ ਭਾਸ਼ਨ ਨਾਲ ਸਰੋਤਿਆਂ ਨੂੰ ਪ੍ਰਭਾਵਿਤ ਕੀਤਾ। ਤਰਲੋਕ ਸਿੰਘ ਚੁੱਘ ਦੇ ਮਜ਼ਾਕ ਭਰੇ ਚੁਟਕਲਿਆਂ ਨੇ ਲੋਕਾਂ ਨੂੰ ਮੋਹਿਆ। ਡੈਲਸ, (ਟੈਕਸਾਸ) ਦੀ ਇਕ ਗਾਇਕਾ ਗੁਰਲੀਨ ਕੌਰ ਨੇ ਸ਼ਾਮ ਦੀ ਸ਼ੁਰੂਆਤ ਗੁਰੂ ਨਾਨਕ ਦੇਵ ਜੀ ਦੇ ਸ਼ਬਦ ‘ਪਵਨ ਗੁਰੂ, ਪਾਣੀ ਪਿਤਾ’ ਨਾਲ ਕੀਤੀ ਅਤੇ ਆਪਣੇ ਗੀਤਾਂ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ।ਇਸ ਸਮਾਰੋਹ ਦੇ ਮੁੱਖ ਭਾਸ਼ਨ ਕਾਰ ਸ਼ੁਭੇੰਧੁ ਸ਼ਰਮਾ ਨੇ ਕਿਹਾ, “ਮੈਨੂੰ ਵਿਸ਼ੇਸ਼ ਅਧਿਕਾਰ ਹੈ ਕਿ ਮੈਂ ਇਸ ਪ੍ਰਾਜੈਕਟ ਨਾਲ ਜੁੜ ਕੇ ਪੰਜਾਬ ਅਤੇ ਭਾਰਤ ਦੇ ਹੋਰਨਾਂ ਹਿੱਸਿਆਂ ਵਿਚ ਪਵਿੱਤਰ ਜੰਗਲਾਂ ਲਗਾ ਕੇ ਕੁਦਰਤ ਦੀ ਅਸੰਤੁਲਨ ਨੂੰ ਬਹਾਲ ਕਰਾਂਗਾ। ਸਾਡੇ ਸਾਂਝੇ ਭਵਿੱਖ ਲਈ ਇਹ ਸਰਬੋਤਮ ਨਿਵੇਸ਼ ਹੈ। ”ਈਕੋਸਿੱਖ ਦੇ ਗਲੋਬਲ ਪ੍ਰਧਾਨ ਡਾ: ਰਾਜਵੰਤ ਸਿੰਘ ਨੇ ਕਿਹਾ, “ਮੌਸਮ ਵਿੱਚ ਤਬਦੀਲੀ ਹੋਣਾ ਵਿਸ਼ਵ ਦਾ ਸਭ ਤੋਂ ਵੱਡਾ ਖ਼ਤਰਾ ਹੈ ਅਤੇ ਇਸ ਸੰਕਟ ਦੇ ਹੱਲ ਲਈ ਵਿਸ਼ਵ ਧਰਮਾਂ ਦੀ ਵੱਡੀ ਭੂਮਿਕਾ ਹੈ। ਈਕੋਸਿੱਖ ਗੁਰੂ ਨਾਨਕ ਦੇਵ ਜੀ ਦੇ ਉਪਦੇਸ਼ਾਂ ਨੂੰ ਜਾਰੀ ਰੱਖਣ ਲਈ ਵਚਨਬੱਧ ਹੈ ਅਤੇ ਵਿਸ਼ਵ ਭਾਈਚਾਰੇ ਨਾਲ ਜਲਵਾਯੂ ਦੇ ਮੁੱਦਿਆਂ ‘ਤੇ ਕੰਮ ਕਰੇਗਾ। ਅਸੀਂ ਮਹਿਸੂਸ ਕਰਦੇ ਹਾਂ ਕਿ ਸਾਡੇ ਵਿਹੜੇ, ਸਕੂਲ, ਕਾਲਜ ਅਤੇ ਗੁਰਦੁਆਰਿਆਂ ਵਿਚ ਜੰਗਲ ਲਗਾਉਣਾ ਸਾਡੇ ਆਲੇ-ਦੁਆਲੇ ਨੂੰ ਸ਼ੁੱਧ ਕਰਨ ਵਿੱਚ ਸਹਾਈ ਹੋ ਸਕਦਾ ਹੈ ਅਤੇ ਕਾਰਬਨ ਵੱਖ-ਵੱਖ ਥਾਵਾਂ ‘ਤੇ ਘਟਾ ਸਕਦਾ ਹੈ ਜਿਸ ਕਾਰਨ ਤਾਪਮਾਨ ਵੱਧ ਰਿਹਾ ਹੈ। ”ਉਸਨੇ ਅੱਗੇ ਕਿਹਾ, “ਅਸੀਂ ਪਿਛਲੇ ਦਸ ਸਾਲਾਂ ਤੋਂ ਈਕੋਸਿੱਖ ਦਾ ਸਮਰਥਨ ਕਰਨ ਲਈ ਵਾਸ਼ਿੰਗਟਨ ਦੇ ਭਾਈਚਾਰੇ ਦੇ ਬਹੁਤ ਸ਼ੁਕਰਗੁਜ਼ਾਰ ਹਾਂ ਅਤੇ ਇਹ ਇਕੋ ਇਕ ਅਜਿਹਾ ਸ਼ਹਿਰ ਹੈ ਜਿਥੇ ਵਾਤਾਵਰਣ ਦੇ ਕੰਮਾਂ ਦਾ ਸਮਰਥਨ ਕਰਨ ਲਈ 7 ਵਾਰ ਫੰਡ ਇਕੱਠਾ ਕਰਨ ਵਾਲੇ ਸਮਾਗਮ ਹੋਏ ਹਨ।”ਈਕੋਸਿੱਖ ਵਾਸ਼ਿੰਗਟਨ ਟੀਮ ਦੀ ਮੈਂਬਰ ਅਮੀਤਾ ਵੋਹਰਾ ਨੇ ਹਾਜ਼ਰੀਨ ਲ਼ੋਕਾਂ ਦਾ ਧੰਨਵਾਦ ਕਰਦਿਆਂ ਕਿਹਾ, “ਈਕੋਸਿੱਖ ਵਾਸ਼ਿੰਗਟਨ ਭਾਈਚਾਰੇ ਨੂੰ ਯਕੀਨ ਦਿਵਾਉਣ ਚ ਸਫਲ ਹੋਇਆ ਹੈ ਕਿ ਕਿ ਕਲਾਇਮੇਟ ਇੱਕ ਵੱਡਾ ਮੁੱਦਾ ਹੈ ਅਤੇ ਪੰਜਾਬ ਤੇ ਵੀ ਇਸਦਾ ਮਾੜਾ ਅਸਰ ਪੈ ਰਿਹਾ ਹੈ।”
ਈਕੋਸਿੱਖ ਵਾਸ਼ਿੰਗਟਨ ਦੇ ਕੋਆਰਡੀਨੇਟਰ ਡਾ. ਗੁਣਪ੍ਰੀਤ ਕੌਰ ਨੇ ਕਿਹਾ, “ਸਾਨੂੰ ਬਹੁਤ ਉਮੀਦ ਹੈ ਕਿ ਅਸੀਂ ਨਵੰਬਰ 2020 ਤੱਕ ਆਪਣੇ ਟੀਚੇ ‘ਤੇ ਪਹੁੰਚਣ ਦੇ ਯੋਗ ਹੋਵਾਂਗੇ, ਜਦੋਂ ਅਸੀਂ ਗੁਰੂ ਨਾਨਕ ਦੇਵ ਜੀ ਦਾ 551 ਵਾਂ ਜਨਮਦਿਨ ਮਨਾਵਾਂਗੇ। ”ਈਕੋਸਿੱਖ ਟੀਮ ਦੀ ਮੈਂਬਰ, ਰਸਨਾ ਕੌਰ ਲਾਂਬਾ ਨੇ ਕਿਹਾ, “ਲੋਕਾਂ ਨੇ ਪ੍ਰੋਗਰਾਮ ਨੂੰ ਪਸੰਦ ਕੀਤਾ ਜੋ ਕਿ ਜਾਣਕਾਰੀ ਭਰਪੂਰ, ਪ੍ਰੇਰਣਾਦਾਇਕ, ਅਨੰਦਮਈ ਸੀ ਅਤੇ ਲੋਕਾਂ ਨੂੰ ਮਨੋਰੰਜਨ ਭਰਪੂਰ ਵੀ ਸੀ। ਇਸ ਯਾਦਗਾਰੀ ਸ਼ਾਮ ਦਾ ਹਿੱਸਾ ਬਣਨ ਲਈ ਲੋਕਾਂ ਨੇ ਦੂਰੋਂ ਤੋਂ ਯਾਤਰਾ ਕੀਤੀ। ”ਸਿੱਖਸ ਆਫ ਅਮਰੀਕਾ, ਗੁਰੂ ਗੋਬਿੰਦ ਸਿੰਘ ਫਾਉਂਡੇਸ਼ਨ, ਗੁਰਦੁਆਰਾ ਗਿਆਨ ਸਾਗਰ, ਅਤੇ ਕਈ ਵਿਅਕਤੀਆਂ ਨੇ ਪੰਜ ਜੰਗਲ ਲਗਾਉਣ ਨੂੰ ਸਪਾਂਸਰ ਕਰਨ ਲਈ ਅੱਗੇ ਆਏ। ਗੁਰਦੁਆਰਾ ਰਾਜ ਖਾਲਸਾ ਅਤੇ ਸਿੱਖ ਹਿਯੂਮਨ ਡਿਵੈਲਪਮੈਂਟ ਫਾਉਂਡੇਸ਼ਨ ਦੇ ਮੈਂਬਰ ਈਕੋਸਿੱਖ ਦੀ ਹਮਾਇਤ ਕਰਨ ਪਹੁੰਚੇ।ਈਕੋਸਿੱਖ ਟੀਮ ਦੇ ਮੈਂਬਰ ਮੀਨੂੰ ਨੰਦਰਾ ਨੇ ਕਿਹਾ, “ਬਹੁਤ ਸਾਰੇ ਵਲੰਟੀਅਰਾਂ ਦਾ ਧੰਨਵਾਦ ਜਿਨ੍ਹਾਂ ਨੇ ਇਸ ਸ਼ਾਮ ਨੂੰ ਇੱਕ ਵੱਡੀ ਸਫਲਤਾ ਬਣਾਉਣ ਲਈ ਦਿਨ ਰਾਤ ਮਿਹਨਤ ਕੀਤੀ। ਅਸੀਂ ਅਮਰੀਕੀ ਜੰਗਲਾਤ, ਜੋ ਅਮਰੀਕਾ ਦੀ ਸਭ ਤੋਂ ਪੁਰਾਣੀ ਵਾਤਾਵਰਣ ਸੰਸਥਾ, ਵੱਲੋਂ ਈਕੋਸਿੱਖ ਨੂੰ ਸਮਰਥਨ ਦੇਣ ਲਈ ਉਨ੍ਹਾਂ ਦਾ ਧੰਨਵਾਦ ਕਰਦੇ ਹਾਂ।

......................................Disclaimer.................................... We do not guarantee/claim that the information we have gathered is 100% correct. Many of the Images used in Articles are not our property. Most of the images used in articles are collected from social media profiles of Celebrities and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing. ..... For articles, the authors are sole responsible. ......... ਹਰ ਖ਼ਬਰ ਜਾਂ ਵਿਚਾਰ ਜਾਂ ਰਚਨਾ ਲਈ ਸਬੰਧਿਤ ਪੱਤਰਕਾਰ ਜਾਂ ਲਿਖਾਰੀ ਜਿੰਮੇਵਾਰ ਹੈ। ਅਦਾਰੇ ਦਾ ਉਸ ਨਾਲ਼ ਸਹਿਮਤ ਹੋਣਾ ਜ਼ਰੂਰੀ ਨਹੀਂ।

Leave a Reply

Your email address will not be published. Required fields are marked *

%d bloggers like this: