ਕਰੋਨਾ ਵਾਇਰਸ ਸਬੰਧੀ ਜ਼ਰੂਰੀ ਜਾਣਕਾਰੀ ਕਰੋਨਾ ਵਾਇਰਸ ਇੱਕ ਮਹਾਂਮਾਰੀ ਹੈ, ਜਿਸ ਤੋਂ ਸਾਨੂੰ ਸਭ ਨੂੰ ਆਪਣਾ ਅਤੇ ਆਪਣੇ ਪਰਿਵਾਰ ਦਾ ਬਚਾਓ ਕਰਨਾ ਚਾਹੀਦਾ ਹੈ। ਸਰਕਾਰ ਵਲੋਂ ਜਾਰੀ ਕੀਤੀਆਂ ਜਾਂਦੀਆਂ ਹਦਾਇਤਾਂ ਦੀ ਪਾਲਣਾ ਕਰੇ। ਇਸ ਤਰ੍ਹਾਂ ਕਰਨ ਨਾਲ਼ ਤੁਸੀਂ ਆਪਣੀ, ਆਪਣੇ ਪਰਿਵਾਰ ਅਤੇ ਸਾਰੇ ਸਮਾਜ ਦੀ ਰਾਖੀ ਕਰੋ। ਜ਼ਿਆਦਾ ਜਾਣਕਾਰੀ ਲਈ ਕਲਿਕ ਕਰੋ
September 21, 2020

ਲੈਸਟਰ ਦਾ ਪੰਜਾਬੀ ਨੌਜਵਾਨ 56 ਮਹੀਨਿਆਂ ਲਈ ਪੁੱਜਾ ਜੇਲ੍ਹ

ਲੈਸਟਰ ਦਾ ਪੰਜਾਬੀ ਨੌਜਵਾਨ 56 ਮਹੀਨਿਆਂ ਲਈ ਪੁੱਜਾ ਜੇਲ੍ਹ

ਪੰਜਾਬੀ ਮੂਲ ਦੇ ਇੱਕ ਨੌਜਵਾਨ ਜਗਦੀਪ ਸਿੰਘ ਢੇਸੀ ਨੂੰ ਚਾਰ ਸਾਲ ਅੱਠ ਮਹੀਨੇ ਭਾਵ 56 ਮਹੀਨੇ ਕੈਦ ਦੀ ਸਜ਼ਾ ਹੋਈ ਹੈ। ਇਸੇ ਵਰ੍ਹੇ ਜਨਵਰੀ ਮਹੀਨੇ ਉਸ ਦੀ ਕਾਰ ਹੇਠਾਂ ਆ ਕੇ 18 ਸਾਲਾਂ ਦਾ ਇੱਕ ਵਿਦਿਆਰਥੀ ਪੌਲ ਰੈਡਕਲਿਫ਼ ਮਾਰਿਆ ਗਿਆ ਸੀ।

ਜਗਦੀਪ ਸਿੰਘ ਢੇਸੀ ਲੈਸਟਰਸ਼ਾਇਰ ਇਲਾਕੇ ਦਾ ਰਹਿਣ ਵਾਲਾ ਹੈ ਤੇ ਉਸ ਨੂੰ ਸਜ਼ਾ ਵੀ ਇੱਥੋਂ ਦੀ ਕ੍ਰਾਊਨ ਕੋਰਟ ਨੇ ਸੁਣਾਈ ਹੈ। ਉਸ ਉੱਤੇ 76 ਮਹੀਨਿਆਂ ਲਈ ਡ੍ਰਾਈਵਿੰਗ ਕਰਨ ਉੱਤੇ ਵੀ ਰੋਕ ਲਾਈ ਗਈ ਹੈ।

ਜਗਦੀਪ ਢੇਸੀ ਦੇ ਵਕੀਲ ਬਲਰਾਜ ਭਾਟੀਆ ਨੇ ਦੱਸਿਆ ਕਿ ਉਨ੍ਹਾਂ ਦੇ ਮੁਵੱਕਿਲ ਨੂੰ ਆਪਣੇ ਕੀਤੇ ਉੱਪਰ ਬਹੁਤ ਹੀ ਅਫ਼ਸੋਸ ਹੈ। ਉਸ ਨੇ ਸੁਣਵਾਈ ਦੇ ਸਮੇਂ ਦੌਰਾਨ ਚੈਰਿਟੀ ਦੇ ਬਹੁਤ ਸਾਰੇ ਕੰਮ ਕੀਤੇ ਹਨ।

ਦਰਅਸਲ, ਜਦੋਂ ਹਾਦਸਾ ਵਾਪਰਿਆ, ਤਦ ਸੜਕ ਉੱਤੇ ਲਾਗਿਓਂ ਪੁਲਿਸ ਦੀਆਂ ਕਾਰਾਂ ਲੰਘ ਰਹੀਆਂ ਸਨ। ਜਗਦੀਪ ਢੇਸੀ ਤੋਂ ਇਹੋ ਗ਼ਲਤੀ ਹੋਈ ਕਿ ਉਸ ਨੇ ਆਪਣੀ ਕਾਰ ਰੋਕੀ ਨਹੀਂ ਤੇ ਉਸ ਦੀ ਕਾਰ ਪੈਦਲ ਜਾ ਰਹੇ ਵਿਦਿਆਰਥੀ ਉੱਤੇ ਜਾ ਚੜ੍ਹੀ। ਪੌਲ ਰੈਡਕਲਿਫ਼ ਦੀ ਮੌਕੇ ਉੱਤੇ ਹੀ ਮੌਤ ਹੋ ਗਈ।

ਜਗਦੀਪ ਢੇਸੀ ਮੁਤਾਬਕ ਉਸ ਨੂੰ ਪਤਾ ਹੀ ਨਹੀਂ ਲੱਗਾ ਕਿ ਉਸ ਦੀ ਕਾਰ ਹੇਠਾਂ ਕੋਈ ਮਾਰਿਆ ਗਿਆ ਹੈ। ਉਸ ਨੂੰ ਇੰਨਾ ਜ਼ਰੂਰ ਲੱਗਾ ਸੀ ਕਿ ਉਸ ਦੀ ਕਾਰ ਕਿਸੇ ਚੀਜ਼ ਉੱਤੇ ਚੜ੍ਹੀ ਹੈ ਪਰ ਉਸ ਨੇ ਉਸ ਨੂੰ ਐਂਵੇਂ ਕੋਈ ਚੀਜ਼ ਸਮਝਿਆ। ਉਹ ਘਰ ਚਲਾ ਗਿਆ।

ਪੁਲਿਸ ਨੇ ਇੱਕ ਘੰਟੇ ਬਾਅਦ ਹੀ ਆ ਕੇ ਉਸ ਦਾ ਬੂਹਾ ਖੜਕਾ ਕੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਉੱਧਰ ਪੁਲਿਸ ਅਧਿਕਾਰੀਆਂ ਦਾ ਦੋਸ਼ ਇਹ ਹੈ ਕਿ – ‘ਜਗਦੀਪ ਢੇਸੀ ਨੇ ਕਾਫ਼ੀ ਸ਼ਰਾਬ ਪੀਤੀ ਹੋਈ ਸੀ। ਉਸ ਨੇ ਰੁਕ ਕੇ ਪੁਲਿਸ ਦੀ ਉਡੀਕ ਕਰਨੀ ਵਾਜਬ ਨਹੀਂ ਸਮਝੀ; ਸਗੋਂ ਉੱਥੋਂ ਪੱਤਰਾ ਵਾਚ ਗਿਆ। ਜੇ ਉਹ ਉੱਥੇ ਰੁਕ ਜਾਂਦਾ, ਤਾਂ ਸ਼ਾਇਦ ਪੌਲ ਰੈਡਕਲਿਫ਼ ਬਚ ਵੀ ਜਾਂਦਾ।’

......................................Disclaimer.................................... We do not guarantee/claim that the information we have gathered is 100% correct. Many of the Images used in Articles are not our property. Most of the images used in articles are collected from social media profiles of Celebrities and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing. ..... For articles, the authors are sole responsible. ......... ਹਰ ਖ਼ਬਰ ਜਾਂ ਵਿਚਾਰ ਜਾਂ ਰਚਨਾ ਲਈ ਸਬੰਧਿਤ ਪੱਤਰਕਾਰ ਜਾਂ ਲਿਖਾਰੀ ਜਿੰਮੇਵਾਰ ਹੈ। ਅਦਾਰੇ ਦਾ ਉਸ ਨਾਲ਼ ਸਹਿਮਤ ਹੋਣਾ ਜ਼ਰੂਰੀ ਨਹੀਂ।

Leave a Reply

Your email address will not be published. Required fields are marked *

%d bloggers like this: