ਲਾਸ਼

ਲਾਸ਼

ਵੇਖ ਪੁੱਤਰ ਦੀ ਲਾਸ਼ ਟੰਗੀ ਨੂੰ,
ਡਿੱਗ ਪਈ ਸੀ ਗੱਸ਼ ਖਾਕੇ ਮਾਂ ।
ਇਹ ਕੀ ਸੱਲ ਤੂੰ ਲਾ ਗਿਆ ਪੁੱਤਰਾ,
ਝੱਲੇਗੀ ਕਿੰਝ ਤੇਰੀ ਮਾਂ ।

ਕਰਜ਼ ਸੀ ਸਿਰ ਤੇ ਚੜਿਆ ਕਾਰੀ,
ਦੱਸਿਆ ਸੀ ਤੂੰ ਪਿਛਲੀ ਵਾਰੀ।
ਉਤਾਰ ਦਿਆਂਗਾ ਕਹਿੰਦਾ ਸੀ ਤੂੰ
ਹੌਲੀ ਹੌਲੀ ਕਰਕੇ ਮਾਂ ।
ਇਹ ਕੀ ਸੱਲ ਤੂੰ ਲਾ ਗਿਆ ਪੁੱਤਰਾ,
ਝੱਲੇਗੀ ਕਿੰਝ ਤੇਰੀ ਮਾਂ ।

ਚੁੰਮ ਚੁੰਮ ਮੱਥਾ ਪੁੱਤਰ ਦਾ ਰੋਈ,
ਸਦਮੇ ਦੇ ਵਿੱਚ ਕਮਲੀ ਹੋਈ ।
ਸੀਨੇ ਦੇ ਨਾਲ ਲਾ ਕੇ ਕਹਿੰਦੀ,
ਪੁੱਤਰਾ ਛੱਡਕੇ ਜਾਂਵੀਂ ਨਾਂ।
ਇਹ ਕੀ ਸੱਲ ਤੂੰ ਲਾ ਗਿਆ ਪੁੱਤਰਾ,
ਝੱਲੇਗੀ ਕਿੰਝ ਤੇਰੀ ਮਾਂ ।

ਕਈ ਦਿਨਾਂ ਤੋਂ ਸੀ ਤੱਕਦੀ ਤੈਨੂੰ ,
ਚਿਹਰਾ ਬੁਝਿਆ ਸੀ ਲੱਗਦਾ ਮੈਨੂੰ ।
ਗੱਲੀਂ ਗੱਲੀਂ  ਪੁੱਛਦੀ ਸੀ ਮੈਂ ,
ਰਾਜ ਤੂੰ ਪੁੱਤਰਾ ਦੱਸਿਆ ਨਾਂ ।
ਇਹ ਕੀ ਸੱਲ ਤੂੰ ਲਾ ਗਿਆ ਪੁੱਤਰਾ,
ਝੱਲੇਗੀ ਕਿੰਝ ਤੇਰੀ ਮਾਂ ।

ਦੋਸ਼ ਦਿਆਂ ਕੀ ਰੁੱਖ ਨੂੰ ਪੁੱਤਰਾ,
ਜਾਂ ਫਿਰ ਆਪਣੀ ਕੁੱਖ ਨੂੰ ਪੁੱਤਰਾ।
ਚੰਗੀ ਕਿਸਮਤ ਜੇ ਹੁੰਦੀ ਮੇਰੀ,
ਘਰਦਾ ਦੀਵਾ ਬੁੱਝਦਾ ਨਾਂ ।
ਇਹ ਕੀ ਸੱਲ ਤੂੰ ਲਾ ਗਿਆ ਪੁੱਤਰਾ,
ਝੱਲੇਗੀ ਕਿੰਝ ਤੇਰੀ ਮਾਂ ।
ਝੱਲੇਗੀ ਕਿੰਝ ਤੇਰੀ ਮਾਂ ।

ਬਲਜਿੰਦਰ ਸਿੰਘ ਸਿੱਧੂ
    ਪਿੰਡ: ਗੁੱਲਾਮ ਪੱਤਰਾ
    ਫ਼ੋਨ ਨੰ: 9501015085

Share Button

Leave a Reply

Your email address will not be published. Required fields are marked *

%d bloggers like this: