ਰੁਪਏ ਦਾ ਸਿੱਕਾ ਬਣਾਉਣ ਲਈ 1 ਰੁਪਏ 11 ਪੈਸੇ ਖਰਚ

ਰੁਪਏ ਦਾ ਸਿੱਕਾ ਬਣਾਉਣ ਲਈ 1 ਰੁਪਏ 11 ਪੈਸੇ ਖਰਚ

ਦੇਸ਼ ‘ਚ ਲਗਾਤਾਰ ਵਧ ਰਹੀ ਮਹਿੰਗਾਈ ਤੋਂ ਬਾਅਦ ਸਿੱਕਿਆਂ ਦੇ ਮੁਲ ‘ਚ ਲਗਾਤਾਰ ਗਿਰਾਵਟ ਆ ਰਹੀ ਹੈ। ਸਿੱਕੇ ਦੀ ਲਾਗਤ ਬਾਰੇ ਜਾਣ ਕੇ ਤੁਸੀਂ ਹੈਰਾਨ ਹੋ ਜਾਓਗੇ, ਕਿਉਂਕਿ ਸਿੱਕੇ ਦੀ ਲਾਗਤ ਉਸ ਦੀ ਕੀਮਤ ਤੋਂ ਜ਼ਿਆਦਾ ਹੈ। ‘ਇੰਡੀਆ ਟੂਡੇ’ ਨੇ ਸੂਚਨਾ ਦੇ ਅਧਿਕਾਰ ਤਹਿਤ ਸਿੱਕਿਆਂ ਦੀ ਕੀਮਤਾਂ ਨੂੰ ਲੈ ਕੇ ਜਾਣਕਾਰੀ ਮੰਗੀ ਸੀ।
ਸਿੱਕੇ ਬਣਾਉਣ ਦੀ ਲਾਗਤ ਨੂੰ ਲੈ ਕੇ ਆਰਟੀਆਈ ਦੇ ਜਵਾਬ ‘ਚ ਆਰਬੀਆਈ ਨੇ ਜਾਣਕਾਰੀ ਦਿੱਤੀ ਹੈ ਜਿਸ ਨੂੰ ਜਾਣ ਕੇ ਤੁਸੀਂ ਵੀ ਹੈਰਾਨ ਹੋ ਜਾਓਗੇ। ਸਵਾਲ ਦਾ ਜਵਾਬ ਭਾਰਤੀ ਸਰਕਾਰ ਦੀ ਟਕਸਾਲ, ਮੁੰਬਈ ਨੇ ਦੇਣ ਤੋਂ ਮਨਾ ਕੀਤਾ। ਮੁੰਬਈ ਟਕਸਾਲ ‘ਚ 10 ਰੁਪਏ, 5 ਰੁਪਏ, 2 ਰੁਪਏ ਤੇ 1 ਰੁਪਏ ਦੇ ਸਿੱਕਿਆਂ ਨੂੰ ਢਾਲਿਆ ਜਾਂਦਾ ਹੈ। ਟਕਸਾਲ ਨੇ ਗੁਪਤ ਨਿਯਮਾਂ ਦਾ ਹਵਾਲਾ ਦਿੰਦੇ ਹੋਏ ਆਰਟੀਆਈ ਦਾ ਜਵਾਬ ਦੇਣ ਤੋਂ ਮਨਾ ਕੀਤਾ ਸੀ।
ਜਦਕਿ ਇੱਕ ਆਰਟੀਆਈ ਹੈਦਰਾਬਾਦ ‘ਚ ਮੌਜੂਦ ਟਕਸਾਲ ‘ਚ ਵੀ ਭੇਜੀ ਗਈ ਸੀ। ਉੱਥੇ ਵੀ 10 ਰੁਪਏ, 5 ਰੁਪਏ, 2 ਰੁਪਏ ਤੇ 1 ਰੁਪਏ ਦੇ ਸਿੱਕਿਆਂ ਨੂੰ ਢਾਲਿਆ ਜਾਂਦਾ ਹੈ। ਹੈਦਰਾਬਾਦ ਟਕਸਾਲ ਮੁਤਾਬਕ 1 ਰੁਪਏ ਦਾ ਸਿੱਕਾ ਬਣਾਉਣ ਲਈ ਔਸਤ ਲਾਗਤ 1 ਰੁਪਏ 11 ਪੈਸੇ ਆਉਂਦੀ ਹੈ ਜੋ ਰੁਪਏ ਦੀ ਕੀਮਤ ਤੋਂ ਕਿਤੇ ਜ਼ਿਆਦਾ ਹੈ। ਉਧਰ 2 ਰੁਪਏ ਦੇ ਸਿੱਕੇ ਨੂੰ ਢਾਲਣ ‘ਚ 1.28 ਰੁਪਏ ਤੇ 5 ਰੁਪਏ ਦੇ ਕਿੱਸੇ ਨੂੰ ਢਾਲਣ ਲਈ 3.69 ਰੁਪਏ ਤੇ 10 ਰੁਪਏ ਦੇ ਸਿੱਕੇ ਨੂੰ ਢਾਲਣ ਲਈ 5.54 ਰੁਪਏ ਦੀ ਲਾਗਤ ਆਉਂਦੀ ਹੈ।

Share Button

Leave a Reply

Your email address will not be published. Required fields are marked *

%d bloggers like this: