Fri. Aug 23rd, 2019

‘ਰਾਊਡੀ ਰਾਠੌਰ’ ਦਾ ਬਣੇਗਾ ਸੀਕਵਲ

‘ਰਾਊਡੀ ਰਾਠੌਰ’ ਦਾ ਬਣੇਗਾ ਸੀਕਵਲ

ਹਿੰਦੀ ਸਿਨੇਮਾ ‘ਚ ਇਨ੍ਹੀਂ ਦਿਨੀਂ ਹਿੱਟ ਫਿਲਮਾਂ ਦੇ ਸੀਕਵਲ ਬਣਾਉਣ ਦਾ ਚਲਣ ਜ਼ੋਰਾਂ ‘ਤੇ ਹੈ। ਇਸ ਸਾਲ ‘ਸੜਕ’, ‘ਸ਼ੁਭ ਮੰਗਲ ਸਾਵਧਾਨ’ ਅਤੇ ‘ਗੋ ਗੋਆ ਗੌਨ’ ਦਾ ਸੀਕਵਲ ਬਣਨ ਦੀਆਂ ਖ਼ਬਰਾਂ ਹਨ। ਇਸ ਲਿਸਟ ਵਿਚ ਅਕਸ਼ੈ ਕੁਮਾਰ ਅਤੇ ਸੋਨਾਕਸ਼ੀ ਸਿਨਹਾ ਅਭਿਨੀਤ ‘ਰਾਊਡੀ ਰਾਠੌਰ’ ਦਾ ਨਾਂ ਵੀ ਜੁੜਨ ਜਾ ਰਿਹਾ ਹੈ। ਸਾਲ 2012 ਵਿਚ ਰਿਲੀਜ਼ ਪ੍ਰਭੂਦੇਵਾ ਨਿਰਦੇਸ਼ਿਤ ‘ਰਾਊਡੀ ਰਾਠੌਰ’ ਬਾਕਸ ਆਫਿਸ ‘ਤੇ ਸਫਲ ਰਹੀ ਸੀ। ਫਿਲਮੀ ਗਲਿਆਰਿਆਂ ਦੀਆਂ ਖ਼ਬਰਾਂ ਮੁਤਾਬਕ, ਕਰੀਬ ਸੱਤ ਸਾਲ ਬਾਅਦ ਫਿਲਮ ਦੀ ਸੀਕਵਲ ‘ਤੇ ਕੰਮ ਸ਼ੁਰੂ ਹੋ ਗਿਆ ਹੈ।

ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ ਸ਼ੁਰੂ ਹੋਵੇਗੀ। ਜ਼ਿਕਰਯੋਗ ਹੈ ਕਿ ਫਿਲਮ ਵਿਚ ਅਕਸ਼ੈ ਕੁਮਾਰ ਨੇ ਇੰਸਪੈਕਟਰ ਵਿਕਰਮ ਸਿੰਘ ਰਾਠੌਰ ਅਤੇ ਇਕ ਸਤਾਨਕ ਠੱਗ ਸ਼ਿਵਾ ਦਾ ਡਬਲ ਰੋਲ ਨਿਭਾਇਆ ਸੀ। ਇਹ ਫਿਲਮ ਐੱਸਐੱਸ ਰਾਜਾਮੌਲੀ ਦੀ 2006 ਵਿਚ ਆਈ ਤੇਲਗੂ ਫਿਲਮ ‘ਵਿਕਰਮਾਰਕੁਡੂ’ ਦਾ ਅਧਿਕਾਰਤ ਰੀਮੇਕ ਸੀ। ਅਕਸ਼ੈ ਕੁਮਾਰ ਫਿਲਹਾਲ ਰੋਹਿਤ ਸ਼ੈੱਟੀ ਦੀ ਫਿਲਮ ‘ਸੂਰਿਆਵੰਸ਼ੀ’ ਦੀ ਸ਼ੂਟਿੰਗ ਬੈਂਕਾਕ ‘ਚ ਕਰ ਰਹੇ ਹਨ। ਉਸ ਤੋਂ ਇਲਾਵਾ ਕਰੀਨਾ ਕਪੂਰ ਖ਼ਾਨ ਨਾਲ ‘ਗੁੱਡ ਨਿਊਜ਼’ ਅਤੇ ‘ਹਾਊਸਫੁੱਲ 4’ ਦੀ ਸ਼ੂਟਿੰਗ ਪੂਰੀ ਕਰ ਚੁੱਕੇ ਹਨ। ਉਹ ਤਮਿਲ ਹਾਰਰ ਕਾਮੇਡੀ ਫਿਲਮ ‘ਮੁਨੀ 2 : ਕੰਚਨਾ’ ਦੇ ਰੀਮੇਕ ‘ਲਕਸ਼ਮੀ ਬੰਬ’ ਵਿਚ ਵੀ ਕੰਮ ਕਰ ਰਹੇ ਹਨ।

Leave a Reply

Your email address will not be published. Required fields are marked *

%d bloggers like this: