ਮੇਰੀ ਕਾਇਨਾਤ

ss1

ਮੇਰੀ ਕਾਇਨਾਤ

ਲਿਖਦੀ ਸਾਂ ਤੇਰੇ ਲਈ
ਤੂੰ ਹੀ ਮੇਰੀ ਕਲਮ
ਤੂੰ ਹੀ ਮੇਰੀ ਸਿਆਹੀ ਸੀ
ਤੂੰ ਹੀ ਮੇਰੇ ਲਫਜ਼
ਤੂੰ ਹੀ ਮੇਰੀ ਗਵਾਹੀ ਸੀ
ਮੇਰੇ ਜ਼ਜਬਾਤ ਸੀ ਤੇਰੇ ਨਾਲ
ਦਿਨ ਰਾਤ ਸੀ ਤੇਰੇ ਨਾਲ
ਹੁਣ ਤਾਂ ਸੋਚਾਂ ਦੇ ਪੰਨਿਆ ਤੇ
ਖਾਲੀਪਨ ਹੈ, ਚੁੱਪ ਹੈ,
ਭਟਕਣ ਹੈ ਤੇ ਦਿਲ ਵਿੱਚ
ਦਰਦ ਹੀ ਦਰਦ
ਸੋਚਿਆ ਇਹ ਦਰਦ ਮੈਂ ਹੁਣ
ਆਪਣੇ ਅੰਦਰ ਹੀ ਰੱਖ ਲਵਾਂਗੀ
ਕਿਉਂ ਕਿ ਜੇ ਇਸ ਦਰਦ ਦੀ ਤਪਸ਼
ਮੇਰੀਆਂ ਅੱਖਾਂ ਰਾਹੀਂ
ਹੰਝੂ ਬਣ ਕੇ ਬਾਹਰ ਆ ਗਈ ਤਾਂ
ਦਰਦ ਦਾ ਲਾਵਾ ਤੇ ਹੰਝੂਆਂ ਦਾ ਹੜ੍ਹ
ਸਾਰੀ ਕਾਇਨਾਤ ਨੂੰ ਲੈ ਡੁੱਬੇਗਾ
ਫਿਰ ਸੋਚਦੀ ਹਾਂ ਕਿ
ਮੇਰੀ ਕਾਇਨਾਤ ਤਾਂ ਤੂੰ ਹੀ ਸੀ
ਮੈਨੂੰ ਕਿਸੇ ਹੋਰ ਕਾਇਨਾਤ ਨਾਲ
ਕੋਈ ਮਤਲਬ ਨਹੀਂ
ਕੋਈ ਮਤਲਬ ਨਹੀਂ।

ਰਮਨਦੀਪ ਕੌਰ ਨਿਰਮਾਣ

Share Button

Leave a Reply

Your email address will not be published. Required fields are marked *