Fri. Dec 6th, 2019

ਬਾਬਾ ਜਸਵੰਤ ਕੰਵਲ ਦੀ ਜਨਮ ਸ਼ਤਾਬਦੀ

ਬਾਬਾ ਜਸਵੰਤ ਕੰਵਲ ਦੀ ਜਨਮ ਸ਼ਤਾਬਦੀ
ਭਾਗ – ਤੀਜਾ

ਬਾਬਾ ਕੰਵਲ ਕਹਿੰਦਾ ਹੈ
⁃ ਮਨੁੱਖ ਦੀ ਮਾਨਸਿਕ ਭੁੱਖ ਨੇ ਉਸ ਨੂੰ ਪੁੱਠੀਆਂ ਆਦਤਾਂ ਪਾ ਛੱਡੀਆਂ ਨੇ । ਮਨੁੱਖ ਵੇਦ ਬਾਣੀ ਤੇ ਸ਼ਬਦ ਬਾਣੀ ਸੁਣ ਸਮਝਕੇ ਵੀ ਖ਼ੁਦਗ਼ਰਜ਼ੀ ਦੇ ਪੁੱਠੇ ਰਾਹ ਨਹੀਂ ਛੱਡ ਸਕਿਆ । —— ਜਿਹੜਾ ਬੁਰੇ ਭਲੇ ਦਾ ਅਹਿਸਾਸ ਰੱਖਦਾ ਵੀ ਚਿੱਕੜ ਵਿੱਚ ਵੜਦਾ ਐ, ਉਸ ਦੀ ਮਨੋਦਸ਼ਾ ਨਰਕ ਕੁੰਡ ਹੀ ਸੁਧਾਰ ਸਕਦਾ ਏ ।
⁃ ਕੰਮ ਹੀ ਮਨੁੱਖ ਦਾ ਕੌਮੀ ਕਲਿਆਣ ਹੈ । ਸ਼ਹਿਦ ਦੀਆਂ ਮੱਖੀਆਂ ਤੇ ਕੀੜੀਆਂ ਨੂੰ ਤੱਕੋ, ਆਪਣੇ ਰੋਜ਼ਗਾਰ ਵਿੱਚ ਕਿਵੇਂ ਰੁਝੀਆ ਰਹਿੰਦੀਆਂ ।
⁃ ਵਿਹਲ, ਉਦਾਸੀ ਤੇ ਅਵਾਰਗੀ ਆਦਿ ਖ਼ੁਦਕੁਸ਼ੀ ਦੀਆ ਦੋਸਤ ਹਨ । ਵਿਹਲ ਅਸਲੋਂ ਕੌਮੀ ਲਾਹਨਤ, ਜਿਹੜੀ ਕੌਮੀ ਘੱਟ ਗਿਣਤੀ ਨੂੰ ਵੀ ਵਾਰਾ ਨਹੀਂ ਖਾਂਦੀ । ਜੀਹਦਾ ਬਣਿਆਂ ਵਿਹਲੜ ਯਾਰ ਸਮਝੋ ਡੁੱਬਾ ਵਿੱਚ ਮੰਝਧਾਰ ।
⁃ ਮਿਹਨਤ ਉਹ ਜਾਦੂਗਰ ਹੈ, ਜਿਹੜੀ ਕਿਸਮਤ ਤੋਂ ਰੰਗ ਦਿਖਾਉਂਦੀ ਹੈ । ਬਾਸੀ ਟੁਕੜੇ ਖਾਣ ਵਾਲੇ ਗ਼ਰੀਬਾਂ ਅੱਗੇ ਇਹੀ ਸ਼ਾਹੀ ਖਾਣੇ ਪਰੋਸਦੀ ਹੈ ਤੇ ਧੁਆਂਖੀਆਂ ਝੁਗੀਆ ਨੂੰ ਮਹਿਲਾਂ ਚ ਬਦਲਦੀ ਹੈ ।
⁃ ਕਈ ਵਾਰ ਖਾਹਿਸ਼ਾਂ ਦੀ ਬਹੁਲਤਾ ਬਰਬਾਦੀ ਦਾ ਕਾਰਨ ਬਣਦੀ ਹੈ ਜਿਵੇਂ ਨਿੱਕੀਆਂ ਨਿੱਕੀਆਂ ਲਹਿਰਾਂ ਵੀ ਕਦੇ ਤੂਫ਼ਾਨ ਰੂਪ ਹੋ ਕੇ ਵੱਡੇ ਜਹਾਜ਼ ਡੁਬੋ ਦਿੰਦੀਆਂ ਹਨ ।
⁃ ਜੇ ਤੁਸੀਂ ਆਪਣਾ ਭੇਤ ਦੱਸੇ ਬਿਨਾ ਨਹੀਂ ਰਹਿ ਸਕਦੇ ਤਾਂ ਦਰਖ਼ਤਾਂ ਨੂੰ ਦੱਸ ਦਿਓ । ਜੇਕਰ ਫਿਰ ਵੀ ਨਹੀਂ ਰਹਿ ਸਕਦੇ ਤਾਂ ਗੂੰਗੇ ਕੋਲ ਚਲੇ ਜਾਓ । ਇਸ ਤੋਂ ਅੱਗੇ ਭੇਤ ਦਾ ਜੀਊਂਦੇ ਰਹਿਣਾ ਅਸੰਭਵ ਹੈ।
⁃ ਬਚਪਨ ਬੇਫ਼ਿਕਰ ਅਗਿਆਨਤਾ ਹੈ । ਇਹ ਨਿਆਣੀ ਉਮਰ ਵਿੱਚ ਉਹ ਰੀਝਾਂ ਬਣਾਂਦਾ ਰਹਿੰਦਾ, ਜਿਹੜੀਆਂ ਜਵਾਨੀ ਦੇ ਮੁੱਖ ਤੇ ਚਿਤਰੀਆਂ ਜਾਂਦੀਆਂ ਹਨ ।
⁃ ਸਫਲ ਮੌਤ ਜ਼ਿੰਦਗੀ ਦੀ ਪੂਰਨਤਾ ਹੈ ।
⁃ ਗਿਆਨ, ਜੀਵਨ ਗੁੰਝਲ਼ਾ ਦਾ ਹੱਲ ਹੈ । ਗਿਆਨ ਉਹ ਦਾਰੂ ਹੈ, ਜਿਸ ਨਾਲ ਬਿਮਾਰ ਜ਼ਿੰਦਗੀ ਸਦੀਵੀ ਆਰੋਗ ਹੋ ਜਾਂਦੀ ਹੈ । ਇਹ ਮੂਲ ਦੀ ਪਛਾਣ ਹੈ ।
⁃ ਦੁੱਖ ਦੇਣ ਵਾਲਾ ਹੀ ਜੇ ਦੁੱਖ ਸੁਣ ਲੈਂਦਾ, ਜ਼ਿੰਦਗੀ ਦਾ ਸਾਰਾ ਗਿਲਾ ਹੀ ਮੁੱਕ ਜਾਂਦਾ ।
⁃ ਚੱਲਣ ਵਾਲੇ ਦਾ ਕਿਸੇ ਨੇ ਕਦੇ ਰਾਹ ਨਹੀਂ ਰੋਕਿਆ । ਚੰਨ ਤੱਕ ਰਸਾਈ ਅਸੰਭਵ ਨਹੀਂ, ਯਤਨਾਂ ਦੀ ਲੋੜ ਹੈ ।
⁃ ਬਗ਼ਾਵਤ ਉਂਨਾਂ ਚਿਰ ਨਹੀਂ ਉਠਦੀ ਜਿੰਨਾਂ ਚਿਰ ਜਬਰ ਰੂਹ ਦੀ ਪੀੜਾ ਨਹੀਂ ਬਣ ਜਾਂਦਾ ।
⁃ ਮਾਂ ਇਸ ਧਰਤੀ ਦੀ ਮਾਲਣ ਹੈ ਤੇ ਬੱਚੇ ਟਹਿਕਦੇ ਫੁੱਲ । ਜੇ ਧਰਤੀ ਸਵਰਗ ਬਣਾਉਣੀ ਚਾਹੁੰਦੇ ਹੋ , ਬੱਚਿਆਂ ਵੱਲ ਧਿਆਨ ਦਿਓ ।
⁃ ਵਿਛੋੜੇ ਦੀ ਸ਼ਕਲ ਹਨੇਰੇ ਅਤੇ ਪਤਝੜ ਵਰਗੀ ਡਰਾਉਣੀ ਹੈ, ਪਰ ਇਸ ਦੀ ਕੰਡ ਪਿੱਛੇ ਬਹਾਰ ਕਲੀਆਂ ਚਾਨਣ ਚੁੱਕੀ ਰੱਖਦੀਆਂ ਹਨ ।

ਪ੍ਰੋ ਸ਼ਿੰਗਾਰਾ ਸਿੰਘ ਢਿੱਲੋਂ

Disclaimer

We do not guarantee/claim that the information we have gathered is 100% correct. Most of the information used in articles are collected from social media and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing.

Leave a Reply

Your email address will not be published. Required fields are marked *

%d bloggers like this: