Thu. Feb 20th, 2020

ਪੀ.ਏ.ਯੂ. ਵੱਲੋਂ ਅਮਰੀਕਾ ਦੀ ਯੂਨੀਵਰਸਿਟੀ ਨਾਲ ਸੰਧੀ

ਪੀ.ਏ.ਯੂ. ਵੱਲੋਂ ਅਮਰੀਕਾ ਦੀ ਯੂਨੀਵਰਸਿਟੀ ਨਾਲ ਸੰਧੀ

ਨਿਊਯਾਰਕ/ਲੁਧਿਆਣਾ 11 ਦਸੰਬਰ (ਰਾਜ ਗੋਗਨਾ)- ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਲੁਧਿਆਣਾ ਨੇ ਅਮਰੀਕਾ ਦੀ ਕੈਲੀਫੋਰਨੀਆ ਰਾਜ ਯੂਨੀਵਰਸਿਟੀ, ਫਰਿਜ਼ਨੋ ਨਾਲ ਇਕ ਸੰਧੀ ਕੀਤੀ। ਇਸ ਸੰਧੀ ਤਹਿਤ ਫਸਲ ਵਿਕਾਸ, ਬਾਇਓ ਟੈਕਨਾਲੋਜੀ, ਕੁਦਰਤੀ ਸਰੋਤ, ਪਾਣੀ ਅਤੇ ਸਿੰਚਾਈ ਟੈਕਨਾਲੋਜੀ ਅਤੇ ਖੇਤੀ ਕਾਰੋਬਾਰ ਆਦਿ ਖੇਤਰਾਂ ‘ਚ ਦੁਵੱਲੇ ਸਹਿਯੋਗ ਲਈ ਸਹਿਮਤੀ ਬਣੀ। ਦੋਵੇਂ ਸੰਸਥਾਵਾਂ ਵਿਗਿਆਨੀਆਂ ਅਤੇ ਟੈਕਨਾਲੋਜੀਆਂ ਦੇ ਤਬਾਦਲੇ ਤੋਂ ਇਲਾਵਾ ਖੋਜ ਸਮੱਗਰੀ, ਵਿਗਿਆਨਕ ਸੰਦਾਂ ਦੇ ਨਾਲ-ਨਾਲ ਖੋਜ ਪ੍ਰਾਜੈਕਟਾਂ ਦੇ ਤਬਾਦਲੇ ਲਈ ਵੀ ਇਕ ਸਾਂਝੇ ਮਤ ਉਪਰ ਸਹਿਮਤ ਹੋਈਆਂ। ਪੀ.ਏ.ਯੂ. ਦੇ ਵਾਈਸ ਚਾਂਸਲਰ ਡਾ. ਬਲਦੇਵ ਸਿੰਘ ਢਿੱਲੋਂ ਅਤੇ ਫਰਿਜ਼ਨੋ ਯੂਨੀਵਰਸਿਟੀ ਦੇ ਪ੍ਰਧਾਨ ਡਾ. ਜੋਸੇਫ ਕਾਸਤਰੋ ਨੇ ਇਸ ਸਮਝੌਤੇ ਦੇ ਦਸਤਾਵੇਜ਼ਾਂ ‘ਤੇ ਦਸਤਖਤ ਕੀਤੇ।

ਇਸ ਮੌਕੇ ਡਾ. ਸੌਲ ਜਿਮੇਨਜ਼ ਸੈਂਡੋਵਲ ਦੀ ਅਗਵਾਈ ‘ਚ 9 ਮੈਂਬਰੀ ਵਫਦ ਨੇ ਪੀ.ਏ.ਯੂ. ਦਾ ਦੌਰਾ ਕੀਤਾ ਅਤੇ ਸੀਨੀਅਰ ਅਧਿਕਾਰੀਆਂ ਤੋਂ ਬਿਨਾਂ ਵਿਭਾਗਾਂ ਦੇ ਮੁਖੀਆਂ ਅਤੇ ਹੋਰ ਵਿਗਿਆਨੀਆਂ ਨਾਲ ਗੱਲਬਾਤ ਕੀਤੀ। ਇਸ ਵਫਦ ਵਿਚ ਡਾ. ਡੈਨਿਸ ਨੇਫ, ਡਾ. ਸਕਾਟ ਮੂਰ ਤੋਂ ਇਲਾਵਾ ਅਗਾਂਹਵਧੂ ਕਿਸਾਨ ਗੁਰਜਿੰਦਰ ਸਿੰਘ ਚਹਿਲ ਅਤੇ ਚਰਨਜੀਤ ਸਿੰਘ ਬਾਠ ਵੀ ਸ਼ਾਮਲ ਸਨ। ਵਫਦ ਦੇ ਮੈਂਬਰ ਨੇ ਯੂਨੀਵਰਸਿਟੀ ਦੇ ਬਾਗਾਂ, ਸਬਜ਼ੀ ਫਾਰਮਾਂ, ਪੁਰਾਤਨ ਅਜਾਇਬ ਘਰ, ਫਾਰਮ ਮਸ਼ੀਨਰੀ ਹਾਲ, ਭੋਜਨ ਇੰਕੁਬੇਸ਼ਨ ਕੇਂਦਰ ਦਾ ਦੌਰਾ ਕੀਤਾ। ਵਫਦ ਦੇ ਮੈਂਬਰ ਨੂੰ ਯੂਨੀਵਰਸਿਟੀ ਵੱਲੋਂ ਪ੍ਰਕਾਸ਼ਿਤ ਖੇਤੀ ਸਾਹਿਤ ਭੇਂਟ ਕੀਤਾ ਗਿਆ।ਇਸ ਦੌਰਾਨ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਦੇ ਮਾਈਕ੍ਰੋ ਬਾਇਲੌਜੀ ਵਿਭਾਗ ਦੇ ਮੁਖੀ ਡਾ. ਗੁਰਵਿੰਦਰ ਸਿੰਘ ਕੋਛੜ ਨਾਲ ਸ. ਚਰਨਜੀਤ ਸਿੰਘ ਬਾਠ ਦੀ ਇਕ ਵਿਸ਼ੇਸ਼ ਮਿਲਣੀ ਹੋਈ। ਜਿਸ ਦੌਰਾਨ ਦੋਵਾਂ ਨੇ ਕੈਲੀਫੋਰਨੀਆ ਵਿਚ ਅੰਗੂਰਾਂ ਤੋਂ ਵਾਈਨ ਬਣਾਉਣ ‘ਤੇ ਵਿਚਾਰ-ਵਟਾਂਦਰੇ ਕੀਤੇ। ਇਸ ਮੌਕੇ ਗੁਰਜਤਿੰਦਰ ਸਿੰਘ ਰੰਧਾਵਾ ਵੀ ਹਾਜ਼ਰ ਸਨ।

Disclaimer

We do not guarantee/claim that the information we have gathered is 100% correct. Most of the information used in articles are collected from social media and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing.

Leave a Reply

Your email address will not be published. Required fields are marked *

%d bloggers like this: