ਦਿੱਲੀ ਕੂਚ ਕਰ ਰਹੇ ਕਿਸਾਨਾਂ ਉਤੇ U.P. ਵਿੱਚ ਲਾਠੀਚਾਰਜ
ਦਿੱਲੀ ਕੂਚ ਕਰ ਰਹੇ ਕਿਸਾਨਾਂ ਉਤੇ U.P. ਵਿੱਚ ਲਾਠੀਚਾਰਜ
ਯੋਗੀ ਸਰਕਾਰ ਦੀਆਂ ਅਰਥੀਆਂ ਸਾੜ ਕੇ ਘਟਨਾ ਦੀ ਨਿੰਦਾ
ਬਰਤਾਨਵੀ ਪ੍ਰਧਾਨ ਮੰਤਰੀ 26 ਜਨਵਰੀ ਨੂੰ ਭਾਰਤ ਨਾ ਆਉਣ ਲਈ ਦਬਾਅ ਪਾਉਣ ਬਰਤਾਨਵੀ ਪੰਜਾਬੀ
ਨਵੀਂ ਦਿੱਲੀ/ ਕੁੰਡਲੀ ਚੌਕ (ਕੰਵਲਜੀਤ ਸਿੰਘ ਸੰਧੂ ਜੋਧਾਨਗਰੀ): ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਪੰਜਾਬ ਦੇ ਸੂਬਾ ਪ੍ਰਧਾਨ ਸਤਨਾਮ ਸਿੰਘ ਪੰਨੂੰ ਅਤੇ ਜਨਰਲ ਸਕੱਤਰ ਸਰਵਣ ਸਿੰਘ ਪੰਧੇਰ ਨੇ ਕਿਹਾ ਕਿ ਯੋਗੀ ਸਰਕਾਰ ਵੱਲੋਂ U.P. ਦੇ ਦਿੱਲੀ ਕੂਚ ਕਰ ਰਹੇ ਕਿਸਾਨਾਂ ਨੂੰ ਭਾਰੀ ਪੁਲਸ ਫੋਰਸ ਲੈ ਕੇ ਰੋਕਿਆ ਗਿਆ ਤੇ ਲਾਠੀਚਾਰਜ ਕੀਤਾ ਗਿਆ।
ਮੁਰਾਦਾਬਾਦ ਟੋਲ ਬੈਰੀਅਰ ਕੋਲ ਘੇਰ ਕੇ ਉਹਨਾਂ ਦੀ ਆਵਾਜ਼ ਦਬਾਉਣ ਲਈ ਜੈਮਰ ਲਾਏ ਗਏ ਅਤੇ ਉਹਨਾਂ ਨੂੰ ਦੇਰ ਰਾਤ ਤੱਕ ਕੁਝ ਵੀ ਖਾਣ-ਪੀਣ ਤੱਕ ਨਹੀਂ ਦਿੱਤਾ ਗਿਆ। ਜਿਸ ਦੇ ਰੋਸ ਵਜੋਂ ਜਥੇਬੰਦੀ ਵੱਲੋਂ ਸਿੰਘੂ-ਕੁੰਡਲੀ ਬਾਰਡਰ ਦਿੱਲੀ, ਜੰਡਿਆਲਾ ਗੁਰੂ ਸਮੇਤ ਪੰਜਾਬ ਵਿੱਚ ਅਨੇਕਾਂ ਥਾਵਾਂ ਉਤੇ ਯੋਗੀ ਸਰਕਾਰ ਦੀਆਂ ਅਰਥੀਆਂ ਫੂਕੀਆਂ ਗਈਆਂ। ਮੋਦੀ ਹਕੂਮਤ ਦੇ ਸੱਦੇ ਉਤੇ 26 ਜਨਵਰੀ ਨੂੰ ਬਰਤਾਨੀਆ ਦੇ ਪ੍ਰਧਾਨ ਮੰਤਰੀ ਪਹੁੰਚ ਰਹੇ ਹਨ ਉਸ ਮੌਕੇ ਦਿੱਲੀ ਪਹੁੰਚ ਰਹੇ ਹਨ, ਜਿਸ ਮੌਕੇ ਕਿਸਾਨਾਂ ਮਜ਼ਦੂਰਾਂ ਦਾ ਅੰਦੋਲਨ ਸਿਖਰਾਂ ਉਤੇ ਚੱਲ ਰਿਹਾ ਹੈ।ਇਸ ਲਈ ਬਰਨਾਤਵੀ ਪੰਜਾਬੀਆਂ ਨੂੰ ਉਹਨਾਂ ਤੇ ਦਬਾਅ ਪਾਉਣਾ ਚਾਹੀਦਾ ਹੈ ਕਿ ਉਹ ਇਸ ਮੌਕੇ ਉਤੇ ਨਾ ਆਉਣ। ਦੇਸ਼ ਵਿਦੇਸ਼ ਵਿੱਚ ਲੋਕ- ਆਵਾਜ਼ ਬੁਲੰਦ ਕੀਤੀ ਜਾਵੇ ਤਾਂ ਕਿ ਮੋਦੀ ਹਕੂਮਤ ਤੇ ਕੌਮਾਂਤਰੀ ਦਬਾਅ ਪਾਇਆ ਜਾ ਸਕੇ।
ਕਾਂਗਰਸੀ ਐਮ.ਪੀ. ਡਿੰਪਾ ਵੱਲੋਂ ਇੱਕ ਪੱਤਰਕਾਰਾ ਨਾਲ ਦੁਰਵਿਹਾਰ ਕਰਨ ਦੀ ਜ਼ੋਰਦਾਰ ਨਿੰਦਾ ਕੀਤੀ ਗਈ। 22 ਦਸਬੰਰ ਤੋਂ ਸਾਹਿਬਜਾਦਿਆਂ ਦੀ ਯਾਦ ਵਿੱਚ ਸ਼ਹੀਦੀ ਸਮਾਗਮ ਦਿੱਲੀ ਵਿੱਚ ਸਿੰਘਾਂ ਕੁੰਡਲੀ ਬਾਰਡਰ ਉਤੇ ਸ਼ੁਰੂ ਹੋਏ। 27 ਦਸਬੰਰ ਨੂੰ ਪੰਜਾਬ ਪੱਧਰੀ ਸਾਕਾ ਸਰਹਿੰਦ ਸ਼ਹੀਦੀ ਦਿਹਾੜਾ ਮਨਾਵਾਂਗੇ। ਮੋਰਚਾ ਮੰਗਾਂ ਮੰਨਣ ਤੱਕ ਜਾਰੀ ਰਹੇਗਾ। 25ਦਸਬੰਰ ਨੂੰ ਪੰਜਾਬ ਵਿੱਚੋਂ ਵੱਡਾ ਜੱਥਾ ਕਰੇਗਾ ਦਿੱਲੀ ਮੋਰਚੇ ਲਈ ਕੂਚ। ਇਸ ਮੋਰਚੇ ਨੂੰ ਇੰਦਰਜੀਤ ਸਿੰਘ ਕੱਲੀਵਾਲਾ ਸਾਹਿਬ ਸਿੰਘ ਸੁਰਿੰਦਰ ਸਿੰਘ ਬਲਜਿੰਦਰ ਤਲਵੰਡੀ ਖਿਲਾਰਾ ਸਿੰਘ ਰਣਜੀਤ ਸਿੰਘ ਹਰਫੂਲ ਸਿੰਘ ਬਚਿੱਤਰ ਸਿੰਘ ਲਖਵਿੰਦਰ ਸਿੰਘ ਧਰਮ ਸਿੰਘ ਗੁਰਬਖਸ਼ ਸਿੰਘ ਮੇਜਰ ਸਿੰਘ ਅਮਨਦੀਪ ਸਿੰਘ ਬਲਵਿੰਦਰ ਸਿੰਘ ਗੁਰਦੇਵ ਸਿੰਘ ਹਰਬੰਸ ਸਿੰਘ ਨਰਿੰਦਰਪਾਲ ਸਿੰਘ ਗੁਰਮੇਲ ਸਿੰਘ ਮੰਗਲ ਸਿੰਘ ਆਦਿ ਨੇ ਵੀ ਸੰਬੋਧਨ ਕੀਤਾ।
