Thu. Oct 17th, 2019

ਜਬਲਪੁਰ ਦਾ ਬੈਲਨਸਿੰਗ ਰੋਕਸ ਭਾਵ ਸੰਤੁਲਿਤ ਪੱਥਰ …!

ਜਬਲਪੁਰ ਦਾ ਬੈਲਨਸਿੰਗ ਰੋਕਸ ਭਾਵ ਸੰਤੁਲਿਤ ਪੱਥਰ …!

ਸੰਸਾਰ ਅੰਦਰ ਬਹੁਤ ਸਾਰੀਆਂ ਅਜਿਹੀਆਂ ਚੀਜ਼ਾਂ/ ਘਟਨਾਵਾਂ ਮੌਜੂਦ ਹਨ ਜਿਨਾਂ ਨੂੰ ਦੇਖ ਕੇ ਮਨੁੱਖੀ ਮਨ ਅਚਰਜ ਵਿਚ ਪੈ ਜਾਂਦਾ ਹੈ ਇਹਨਾਂ ਚੀਜ਼ਾਂ/ ਘਟਨਾਵਾਂ ਨੂੰ ਜਾਨਣ ਦੇ ਪ੍ਰਤੀ ਆਮ ਲੋਕਾਂ ਦੀ ਰੂਚੀ ਵੱਧ ਜਾਂਦੀ ਹੈ ਲੋਕ ਇਹਨਾਂ ਚੀਜ਼ਾਂ/ ਘਟਨਾਵਾਂ ਪਿੱਛੇ ਲੁਕੇ ਰਹੱਸਾਂ ਨੂੰ ਜਾਨਣ ਲਈ ਇੱਛੁਕ ਹੁੰਦੇ ਹਨ ਖ਼ਬਰੇ! ਤਾਹੀਓਂ ਬਹੁਤ ਸਾਰੇ ਲੋਕ ਨਿੱਤ ਨਵੀਂਆਂ ਥਾਂਵਾਂ ਉੱਪਰ ਘੁੰਮਣ ਲਈ ਜਾਂਦੇ ਹਨ ਅਸਲ ਵਿਚ ਇਹ ਮਨੁੱਖੀ ਸੁਭਾਅ ਦਾ ਹਿੱਸਾ ਹੈ ਕਿ ਉਹ ਨਵੇਂ ਅਤੇ ਅਦਭੁੱਤ ਘਟਨਾਕ੍ਰਮਾਂ ਪ੍ਰਤੀ ਆਕ੍ਰਸ਼ਿਤ ਹੁੰਦਾ ਹੈ|
ਖ਼ੈਰ! ਕਿਸੇ ਵੱਡੇ ਪੱਥਰ ਉੱਤੇ ਪਿਆ ਵੱਡਾ ਪੱਥਰ ਆਮ ਗੱਲ ਹੋ ਸਕਦੀ ਹੈ ਪਰ! ਜਦੋਂ ਉੱਪਰ ਪਏ ਬਹੁਤ ਵੱਡੇ ਪੱਥਰ ਦਾ ਮਾਮੂਲੀ ਜਿਹਾ ਹਿੱਸਾ ਹੇਠਲੇ ਪੱਥਰ ਉੱਪਰ ਟਿਕਿਆ ਹੋਵੇ ਅਤੇ ਉੱਪਰਲਾ ਪੱਥਰ ਇੱਕ ਹਜ਼ਾਰ ਸਾਲ ਤੋਂ ਵੀ ਵੱਧ ਸਮੇਂ ਤੋਂ ਉਵੇਂ ਹੀ ਪਿਆ ਹੋਵੇ ਤਾਂ ਸੱਚਮੁਚ ਹੈਰਾਨੀ ਹੁੰਦੀ ਹੈ ਅਜਿਹੇ ਹੈਰਾਨੀ ਭਰੇ ਘਟਨਾਕ੍ਰਮ ਦਾ ਗਵਾਹ ਹੈ ਜਬਲਪੁਰ ਦਾ ਬੈਲਨਸਿੰਗ ਰੋਕਸ ਭਾਵ ਸੰਤੁਲਿਤ ਪੱਥਰ|
ਮੱਧਪ੍ਰਦੇਸ਼ ਦਾ ਦੂਜਾ ਵੱਡਾ ਸ਼ਹਿਰ ਹੈ ਜਬਲਪੁਰ ਇਸ ਸ਼ਹਿਰ ਦੇ ਕਸਬਾ ਮਦਨ- ਮਹਿਲ ਵਿਖੇ ਬੈਲਨਸਿੰਗ ਰੋਕਸ ‘ਸੰਤੁਲਿਤ ਪੱਥਰ’ ਸੈਲਾਨੀਆਂ ਲਈ ਖਿੱਚ ਦਾ ਕੇਂਦਰ ਹੈ ਹਰ ਰੋਜ਼ ਸੈਂਕੜੇ ਯਾਤਰੂ ਇਸ ਸੰਤੁਲਿਤ ਪੱਥਰ ਨੂੰ ਦੇਖਣ ਲਈ ਆਉਂਦੇ ਹਨ ‘ਬੈਲਨਸਿੰਗ ਰੋਕਸ’ ਵਾਲੀ ਥਾਂ ਦਾ ਪ੍ਰਬੰਧ ਨਗਰ- ਨਿਗਮ ਵੱਲੋਂ ਕੀਤਾ ਜਾਂਦਾ ਹੈ ਇੱਥੇ ਇੱਕ ਸੁਰੱਖਿਆ ਮੁਲਾਜ਼ਮ ਤਾਇਨਾਤ ਹੈ ਅਤੇ ‘ਸੰਤੁਲਿਤ ਪੱਥਰ’ ਨੂੰ ਦੇਖਣ ਦੀ ਕੋਈ ਟਿਕਟ ਨਹੀਂ ਰੱਖੀ ਗਈ ਕੋਈ ਵੀ ਸੈਲਾਨੀ, ਕਿਸੇ ਵੀ ਵਕਤ ‘ਬੈਲਨਸਿੰਗ ਰੋਕਸ’ ਨੂੰ ਦੇਖ ਸਕਦਾ ਹੈ ਕਿਉਂਕਿ ਇਹ ਜਗਾ 24 ਘੰਟੇ ਖੁੱਲੀ ਰਹਿੰਦੀ ਹੈ|
ਕਮਾਲ ਦੀ ਗੱਲ ਇਹ ਹੈ ਕਿ ਬੈਲਨਸਿੰਗ ਰੋਕਸ ‘ਸੰਤੁਲਿਤ ਪੱਥਰ’ ਦਾ ਬਹੁਤ ਮਾਮੂਲੀ ਜਿਹਾ ਹਿੱਸਾ ਹੇਠਾਂ ਦੂਜੇ ਪੱਥਰ ਉੱਪਰ ਟਿਕਿਆ ਹੋਇਆ ਹੈ ਵਿਗਿਆਨੀਆਂ ਅਨੁਸਾਰ ਇਹ ‘ਗਰੁਤਵਾਕ੍ਰਸ਼ਨ’ ਸ਼ਕਤੀ ਕਰਕੇ ਟਿਕਿਆ ਹੋਇਆ ਹੈ ਇਹ ਅਜਿਹੀ ਸ਼ਕਤੀ ਹੁੰਦੀ ਹੈ ਜਿਸ ਨਾਲ ਕੋਈ ਚੀਜ਼ ਆਪਣੇ ਭਾਰ ਅਤੇ ਜ਼ਮੀਨ ਨਾਲ ਖਿੱਚ ਕਰਕੇ ਆਪਣੇ ਅਸਲ ਸਰੂਪ ਵਿਚ ਟਿਕੀ ਰਹਿੰਦੀ ਹੈ ਇਹ ਪੱਥਰ ਵੀ ਆਪਣੇ ਵਜ਼ਨ ਅਤੇ ਜ਼ਮੀਨੀ ਖਿੱਚ ਕਰਕੇ ਕਈ ਸਾਲਾਂ ਤੋਂ ਇਉਂ ਹੀ ਟਿਕਿਆ ਹੋਇਆ ਹੈ|
ਜਬਲਪੁਰ ਰੇਲਵੇ ਸਟੇਸ਼ਨ ਤੋਂ ਮਦਨ- ਮਹਿਲ ਤਕਰੀਬਨ 7 ਕਿਲੋਮੀਟਰ ਦੂਰ ਪੈਂਦਾ ਹੈ ਉਂਝ, ਮਦਨ- ਮਹਿਨ ਵਿਖੇ ਵੀ ਰੇਲਵੇ ਸਟੇਸ਼ਨ ਹੈ ਪਰ ਦਿੱਲੀਓਂ ਚੱਲੀਆਂ ਗੱਡੀਆਂ ਇੱਥੇ ਨਹੀਂ ਰੁਕਦੀਆਂ ਇੱਥੇ ਲੋਕਲ ਗੱਡੀਆਂ ਦਾ ਠਹਿਰਾਓ ਹੁੰਦਾ ਹੈ ਸੈਲਾਨੀ ਮਦਨ- ਮਹਿਲ ਲਈ ਰੇਲਵੇ ਸਟੇਸ਼ਨ ਤੋਂ ਆਟੋ- ਰਿਕਸ਼ਾ ਲੈਂਦੇ ਹਨ|

ਡਾ. ਨਿਸ਼ਾਨ ਸਿੰਘ ਰਾਠੌਰ
75892- 33437

Leave a Reply

Your email address will not be published. Required fields are marked *

You may have missed

ਪੰਜਾਬ ਦੇ ਸਕੂਲਾਂ ਵਿੱਚ ਜ਼ਬਰਦਸਤੀ ਹਿੰਦੀ ਇਕਾਂਗੀ ਨਾਟਕ ਖਿਡਾਏ ਜਾਣ ਦੇ ਜਾਰੀ ਹੋਏ ਤੁਗਲਕੀ ਫ਼ਰਮਾਨ ਦੀ ਮਾਲਵਾ ਲਿਖਾਰੀ ਸਭਾ ਸੰਗਰੂਰ (ਰਜਿ:) ਨੇ ਕੀਤੀ ਸਖ਼ਤ ਨਿਖੇਧੀ ਸੰਗਰੂਰ, 17 ਅਕਤੂਬਰ (ਕਰਮ ਸਿੰਘ ਜਖ਼ਮੀ): ਮਾਲਵਾ ਲਿਖਾਰੀ ਸਭਾ ਸੰਗਰੂਰ (ਰਜਿ:) ਨੇ ਸਿੱਖਿਆ ਵਿਭਾਗ ਪੰਜਾਬ ਵੱਲੋਂ ਪੰਜਾਬ ਦੇ ਸਕੂਲਾਂ ਵਿੱਚ ਜ਼ਬਰਦਸਤੀ ਹਿੰਦੀ ਇਕਾਂਗੀ ਨਾਟਕ ਖਿਡਾਏ ਜਾਣ ਦੇ ਜਾਰੀ ਹੋਏ ਤੁਗਲਕੀ ਫ਼ਰਮਾਨ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਸਖ਼ਤ ਸ਼ਬਦਾਂ ਵਿੱਚ ਨਿਖੇਧੀ ਕੀਤੀ ਹੈ। ਸਿੱਖਿਆ ਵਿਭਾਗ ਪੰਜਾਬ ਵੱਲੋਂ ਪੰਜਾਬ ਦੇ ਸਕੂਲ ਮੁਖੀਆਂ ਨੂੰ ਇਹ ਆਦੇਸ਼ ਜਾਰੀ ਕੀਤੇ ਗਏ ਹਨ ਕਿ ਉਨ੍ਹਾਂ ਨੇ ਆਪਣੇ ਸਕੂਲਾਂ ਵਿੱਚ ਥੀਏਟਰ ਦੀ ਸ਼ੁਰੂਆਤ ਕਰਵਾਉਂਦੇ ਹੋਏ ਇਕਾਂਗੀਆਂ ਦਾ ਮੰਚਨ ਕਰਵਾਉਣਾ ਹੈ। ਇਹ ਇਕਾਂਗੀ ਨਾਟਕ ਸਿਰਫ਼ ਹਿੰਦੀ ਵਿੱਚ ਹੀ ਖੇਡੇ ਜਾਣਗੇ ਅਤੇ ਇਹ ਨਵੰਬਰ ਮਹੀਨੇ ਦੇ ਪਹਿਲੇ ਹਫ਼ਤੇ ਹੋਣੇ ਜ਼ਰੂਰੀ ਹਨ। ਵਿਚਾਰ ਚਰਚਾ ਵਿੱਚ ਹਿੱਸਾ ਲੈਂਦਿਆਂ ਡਾ. ਮੀਤ ਖਟੜਾ, ਡਾ. ਇਕਬਾਲ ਸਿੰਘ, ਡਾ. ਸੁਖਵਿੰਦਰ ਸਿੰਘ ਪਰਮਾਰ, ਦਲਬਾਰ ਸਿੰਘ ਚੱਠੇ ਸੇਖਵਾਂ, ਕਰਮ ਸਿੰਘ ਜ਼ਖ਼ਮੀ, ਰਜਿੰਦਰ ਸਿੰਘ ਰਾਜਨ, ਜਗਜੀਤ ਸਿੰਘ ਲੱਡਾ, ਸੁਖਵਿੰਦਰ ਸਿੰਘ ਲੋਟੇ, ਸੁਖਵਿੰਦਰ ਕੌਰ ਸਿੱਧੂ, ਕੁਲਵੰਤ ਖਨੌਰੀ, ਗੁਰਪ੍ਰੀਤ ਸਿੰਘ ਸਹੋਤਾ, ਸਤਪਾਲ ਸਿੰਘ ਲੌਂਗੋਵਾਲ, ਸਰਬਜੀਤ ਸਿੰਘ ਸੰਧੂ, ਸੁਖਵਿੰਦਰ ਕੌਰ ਹਰਿਆਓ, ਧਰਮਵੀਰ ਸਿੰਘ, ਮੀਤ ਸਕਰੌਦੀ, ਸੁਰਜੀਤ ਸਿੰਘ ਮੌਜੀ, ਲਾਭ ਸਿੰਘ ਝੱਮਟ, ਲਵਲੀ ਬਡਰੁੱਖਾਂ, ਗੋਬਿੰਦ ਸਿੰਘ ਤੂਰਬਨਜਾਰਾ, ਸਰਬਜੀਤ ਸੰਗਰੂਰਵੀ ਅਤੇ ਜੱਗੀ ਮਾਨ ਆਦਿ ਸਾਹਿਤਕਾਰਾਂ ਨੇ ਕਿਹਾ ਕਿ ਮਾਂ ਬੋਲੀ ਪੰਜਾਬੀ ਨਾਲ ਇਹ ਧੱਕੇਸ਼ਾਹੀ ਸਹਿਣ ਨਹੀਂ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਪੰਜਾਬੀ ਭਾਸ਼ਾ ਨੂੰ ਨੁੱਕਰੇ ਲਾਉਣ ਦੀ ਨੀਤੀ ਤਿਆਗ ਕੇ ਇਸ ਦਾ ਬਣਦਾ ਮਾਣ ਸਤਿਕਾਰ ਬਹਾਲ ਕਰਨ ਵੱਲ ਧਿਆਨ ਦੇਵੇ।

%d bloggers like this: