Tue. Jul 23rd, 2019

ਗੂਗਲ ਨੇ ਐਮਬੀਏ ਦੇ ਵਿਦਿਆਰਥੀ ਨੂੰ ਦਿੱਤਾ 40 ਲੱਖ ਤਨਖ਼ਾਹ ਦਾ ਆਫ਼ਰ

ਗੂਗਲ ਨੇ ਐਮਬੀਏ ਦੇ ਵਿਦਿਆਰਥੀ ਨੂੰ ਦਿੱਤਾ 40 ਲੱਖ ਤਨਖ਼ਾਹ ਦਾ ਆਫ਼ਰ

ਗੂਗਲ ਨੇ ਕਾਲਜ ਕੈਂਪਸ ਦੇ ਇੱਕ ਐਮਬੀਏ ਦੇ ਵਿਦਿਆਰਥੀ ਨੂੰ ਪਲੇਸਮੈਂਟ ਚ 40 ਲੱਖ ਰੁਪਏ ਦਾ ਸਾਲਾਨਾ ਪੈਕਜ ਦਾ ਆਫ਼ਰ ਦਿੱਤਾ ਹੈ। ਦੇਸ਼ ਦੇ ਸਿਖਰ ਸਿੱਖਿਆ ਸੰਸਥਾਨਾਂ ਚ ਸ਼ਾਮਲ ਮਨੇਜਮੈਂਟ ਡਿਵੈਲਪਮੈਂਟ ਇੰਸਟੀਊਡ (ਐਮਡੀਆਈ) ਦਾ ਇਹ ਵਿਦਿਆਰਥੀ ਗੁਰੂਗ੍ਰਾਮ ਦਾ ਰਹਿਣ ਵਾਲਾ ਹੈ।
ਦਰਅਸਲ ਮਨੇਜਮੈਂਟ ਡਿਵੈਲਪਮੈਂਟ ਇੰਸਟੀਊਡ ਚ ਵਿਸ਼ਵ ਦੀਆਂ 106 ਨਾਮੀ ਕੰਪਨੀਆਂ ਨੇ 345 ਵਿਦਿਆਰਥੀਆਂ ਨੂੰ ਕੈਂਪਸ ਪਲੇਸਮੈਂਟ ਦੁਆਰਾ ਨੌਕਰੀ ਦਾ ਆਫ਼ਰ ਦਿੱਤਾ ਗਿਆ ਹੈ।
ਇਸ ਸੰਸਥਾਨ ਤੇ 345 ਵਿਦਿਆਰਥੀਆਂ ਨੂੰ ਔਸਤਨ 20 ਲੱਖ ਰੁਪਏ ਤਨਖ਼ਾਹ ਦਾ ਆਫ਼ਰ ਕੀਤਾ ਗਿਆ ਹੈ। ਪਿਛਲੇ ਸਾਲ ਔਸਤਨ ਤਨਖਾ਼ਹ 19.17 ਲੱਖ ਰੁਪਏ ਸੀ। ਢਾਈ ਦਿਨ ਚਲੇ ਕੈਂਪਸ ਪਲੇਸਮੈਂਟ ਚ ਵਿਦਿਆਰਥੀਆਂ ਨੂੰ ਇਹ ਆਫ਼ਰ ਦਿੱਤੇ ਗਏ ਹਨ।
ਸਭ ਤੋਂ ਜ਼ਿਆਦਾ 16 ਵਿਦਿਆਰਥੀਆਂ ਨੂੰ ਡੇਲਾਇਟ ਯੂਐਸਆਈ ਨੇ ਆਫ਼ਰ ਦਿੱਤਾ ਹੈ। ਇਸ ਮਗਰੋਂ ਜੇਪੀ ਮਾਰਗਨ ਚੇਜ ਨੇ 15, ਕੇਪੀਐਮਜੀ ਤੇ ਓਯੋ ਰੂਮ ਨੇ 12 ਅਤੇ ਏਅਰਟੈਲ, ਅਮਰੀਕਨ ਐਕਸਪ੍ਰੈਸ ਤੇ ਬੈਨ ਕੈਪੇਬਿਲਟੀ ਸੈਂਟਰ ਨੇ 11 ਵਿਦਿਆਰਥੀਆਂ ਨੂੰ ਨੌਕਰੀਆਂ ਦਿੱਤੀਆਂ ਹਨ।
ਇਸ ਸਾਲ ਪਲੇਸਮੈਂਟ ਕਰਨ ਵਾਲੀਆਂ ਕੰਪਨੀਆਂ ਚ ਕੁੱਲ 36 ਕੰਪਨੀਆਂ ਨੇ ਪਹਿਲੀ ਵਾਰ ਇਸ ਕੈਂਪਸ ਪਲੇਸਮੈਂਟ ਚ ਸ਼ਾਮਲ ਹੋਈਆਂ। ਇਨ੍ਹਾਂ ਕੰਪਨੀਆਂ ਬੀਪੀਐਨ, ਐਮੇਜ਼ੋਨ, ਪਾਰਿਬਸ, ਡਾ. ਰੇੱਡੀ ਲੈਬ, ਐਵਰੇਸਟ ਗਰੁੱਪ, ਫ਼ਲਿੱਪਕਾਰਟ, ਗੂਗਲ, ਜੇਐਸਡਬਲਿਊ ਗਰੁੱਪ, ਲੋਢਾ ਸਮੂਹ, ਮੈਰਿਕੋ, ਪੀਐਂਡਜੀ, ਰਿਵਿਹੋ, ਸ਼ੈਲ ਆਦਿ ਮੁੱਖ ਸਨ।
ਕੁੱਲ 237 ਵਿਦਿਆਰਥੀਆਂ ਨੇ ਪ੍ਰਬੰਧਨ ਚ 60 ਨੇ ਐਚਆਰ ਚ ਤੇ 45 ਨੇ ਆਲਮੀ ਪ੍ਰਬੰਧਨ ਚ ਮਿਲਿਆ ਇੰਟਰਵਿਊ ਪਾਸ ਕੀਤਾ ਹੈ। ਸਾਰੇ ਕੋਰਸ਼ਾਂ ਚ ਵਿਦਿਆਰਥੀਆਂ ਨੂੰ ਔਸਤਨ 20 ਲੱਖ ਰੁਪਏ ਦੀ ਤਨਖ਼ਾਹ ਮਿਲੀ ਹੈ।

Leave a Reply

Your email address will not be published. Required fields are marked *

%d bloggers like this: