ਕੈਨੇਡਾ ਦੇ ਸੂਬੇ ਸਸਕੈਚਵਨ ਦੇ ਸ਼ਹਿਰ ਰਿਜਾਇਨਾ ਦੇ ਦੋ ਸਿੱਖਾਂ ਨੇ ਬਚਾਈ ਕਾਰ ਹਾਦਸੇ ਵਿੱਚ ਬਜ਼ੁਰਗ ਦੀ ਜ਼ਿੰਦਗੀ
ਕੈਨੇਡਾ ਦੇ ਸੂਬੇ ਸਸਕੈਚਵਨ ਦੇ ਸ਼ਹਿਰ ਰਿਜਾਇਨਾ ਦੇ ਦੋ ਸਿੱਖਾਂ ਨੇ ਬਚਾਈ ਕਾਰ ਹਾਦਸੇ ਵਿੱਚ ਬਜ਼ੁਰਗ ਦੀ ਜ਼ਿੰਦਗੀ
ਨਿਊਯਾਰਕ/ ਸਸਕੈਚਵਨ 11 ਅਕਤੂਬਰ ( ਰਾਜ ਗੋਗਨਾ )— ਬੀਤੇਂ ਦਿਨ ਕੈਨੇਡਾ ਦੇ ਸੂਬੇ ਸਸਕੈਚਵਨ ਦੇ ਸ਼ਹਿਰ ਰਿਜਾਇਨਾ ਦੀ ਪੁਲਿਸ ਤੇ ਸਥਾਨਕ ਮੀਡੀਆ ਨੇ ਦੋ ਸਿੱਖਾਂ ਦੀ ਇਸ ਗੱਲੋ ਭਰਪੂਰ ਸ਼ਲਾਂਘਾ ਕਰ ਰਿਹਾ ਹੈ ਕਿਉਂਕਿ ਉਹਨਾਂ ਨੇ ਬਲਦੀ ਹੋਈ ਕਾਰ ਜੋ ਹਾਦਸੇ ਦਾ ਸ਼ਿਕਾਰ ਹੋ ਗਈ ਸੀ ਵਿੱਚੋਂ ਇੱਕ ਬਜ਼ੁਰਗ ਨੂੰ ਬਾਹਰ ਕੱਢ ਕੇ ਉਸ ਨੂੰ ਬਚਾ ਲਿਆ ਹੈ ਅਗਰ ਇਹ ਨੋਜਵਾਨ ਇੰਝ ਨਾ ਕਰਦੇ ਤਾਂ ਬਜ਼ੁਰਗ ਨੇ ਅੱਗ ਵਿੱਚ ਝੁਲਸ ਜਾਣਾ ਸੀ।
ਇਹ ਦੋ ਸਿੱਖ ਨੌਜਵਾਨਾਂ ਚ’ ਸਨੀ ਬਾਜਵਾ ਅਤੇ ਬਿੱਲ ਸਿੰਘ ਹਨ।ਜੋ ਬੀਤੇਂ ਦਿਨ ਸ਼ਹਿਰ ਦੇ ਪੂਰਬੀ ਸਿਰੇ ‘ਤੇ ਆਪਣੇ ਘਰ ਜਾ ਰਹੇ ਸਨ ਜਦੋਂ ਉਨ੍ਹਾਂ ਨੇ ਰੋਡ ਤੇ ਅਜਿਹਾ ਕੁਝ ਦੇਖਿਆ ਜਿਸ’ ਤੇ ਸ਼ਾਇਦ ਹੀ ਉਹ ਵਿਸ਼ਵਾਸ ਨਾ ਕਰ ਸਕਣ।
ਇੱਕ ਕਾਰ ਜੋ ਤੇਜ਼ ਰਫਤਾਰ ਨਾਲ ਜਾ ਰਹੀ ਸੀ ਜਦੋਂ ਉਸ ਦੇ ਪਹੀਏ ਨਾਲ ਕੁਝ ਹਿੱਟ ਕੀਤਾ ਅਤੇ ਕੁਝ ਸਕਿੰਟਾਂ ਲਈ ਕਾਰ ਹਵਾ ਵਿਚ ਵੀ ਉੱਡੀ ਤੇ ਹਾਦਸੇ ਦਾ ਸ਼ਿਕਾਰ ਹੋ ਕੇ ਅੱਗ ਦੀ ਲਪੇਟ ਵਿੱਚ ਆ ਗਈ, ਦੋਵਾਂ ਨੇ ਪੁਲਿਸ ਕਾਲ ਕਰ ਦਿੱਤੀ ਪਰ ਪੁਲਿਸ ਨੇ ਜਦੋਂ ਤੱਕ ਆਉਣਾ ਸੀ ਉਦੋਂ ਤੱਕ ਅੱਗ ਨਾਲ ਬਜ਼ੁਰਗ ਨੇ ਝੁਲਸ ਕੇ ਮਰ ਜਾਣਾ ਸੀ ਸੋ ਇੰਨਾ ਸਿੱਖਾਂ ਨੇ ਆਪ ਹੀ ਮੱਦਦ ਕਰਨ ਦਾ ਫੈਸਲਾ ਲਿਆ ਤੇ ਬਜ਼ੁਰਗ ਨੂੰ ਬਚਾ ਲਿਆ।ਜਿੰਨਾਂ ਦੀ ਭਰਪੂਰ ਸ਼ਲਾਘਾ ਕੀਤੀ ਜਾ ਰਹੀ ਹੈ।
