ਕਸ਼ਮੀਰੀ ਅੱਤਵਾਦੀ ਬੰਦੂਕਾਂ ਸੁੱਟ ਕੇ ਮੁੱਖ–ਧਾਰਾ ’ਚ ਆਉਣ: ਜਨਰਲ ਬਿਪਿਨ ਰਾਵਤ
ਕਸ਼ਮੀਰੀ ਅੱਤਵਾਦੀ ਬੰਦੂਕਾਂ ਸੁੱਟ ਕੇ ਮੁੱਖ–ਧਾਰਾ ’ਚ ਆਉਣ: ਜਨਰਲ ਬਿਪਿਨ ਰਾਵਤ
ਜੰਮੂ–ਕਸ਼ਮੀਰ ’ਚੋਂ ਧਾਰਾ–370 ਖ਼ਤਮ ਹੋਇਆਂ ਨੂੰ ਅੱਜ ਪੂਰਾ ਇੱਕ ਮਹੀਨਾ ਹੋ ਗਿਆ ਹੈ। ਅਜਿਹੇ ਵੇਲੇ ਭਾਰਤੀ ਥਲ ਸੈਨਾ ਦੇ ਮੁਖੀ ਜਨਰਲ ਬਿਪਿਨ ਰਾਵਤ ਨੇ ਕਸ਼ਮੀਰ ਵਾਦੀ ਵਿੱਚ ਜੋ ਕੁਝ ਵੀ ਹੋਇਆ, ਉਸ ਨੂੰ ਬਿਲਕੁਲ ਦਰੁਸਤ ਠਹਿਰਾਉਂਦਿਆਂ ਜੰਮੂ–ਕਸ਼ਮੀਰ ਦੀ ਆਮ ਜਨਤਾ ਅਤੇ ਅੱਤਵਾਦੀਆਂ ਨੂੰ ਸੱਦਾ ਦਿੱਤਾ ਹੈ ਕਿ ਉਹ ਆਪਣੇ ਇਲਾਕੇ ਵਿੱਚ ਅਮਨ ਤੇ ਚੈਨ ਕਾਇਮ ਹੋਣ ਦੇਣ।
‘ਹਿੰਦੁਸਤਾਨ ਟਾਈਮਜ਼’ ਨਾਲ ਖ਼ਾਸ ਇੰਟਰਵਿਊ ਦੌਰਾਨ ਜਨ. ਰਾਵਤ ਨੇ ਕਿਹਾ ਕਿ ਹੁਣ ਜਦੋਂ ਕੁਝ ਦਹਿਸ਼ਤਗਰਦ ਅਨਸਰ ਕਸ਼ਮੀਰ ਵਾਦੀ ਵਿੱਚ ਹਿੰਸਾ ਦਾ ਇੱਕ ਨਵਾਂ ਦੌਰ ਸ਼ੁਰੂ ਕਰਨ ਜਾ ਰਹੇ ਸਨ; ਅਜਿਹੇ ਵੇਲੇ ਉੱਥੋਂ ਧਾਰਾ–370 ਖ਼ਤਮ ਕਰਨਾ ਸਰਕਾਰ ਦਾ ਬਿਲਕੁਲ ਠੀਕ ਫ਼ੈਸਲਾ ਸੀ। ਉੱਧਰ ‘ਫ਼ਾਈਨੈਂਸ਼ੀਅਲ ਐਕਸ਼ਨ ਟਾਸਕ ਫ਼ੋਰਸ’ ਵੱਲੋਂ ਪਾਕਿਸਤਾਨ ਨੂੰ ਬਲੈਕ–ਲਿਸਟ ਕੀਤਾ ਜਾ ਰਿਹਾ ਸੀ।
ਜਨਰਲ ਰਾਵਤ ਨੇ ਕਿਹਾ ਕਿ ‘ਅਜਿਹੇ ਵੇਲੇ ਮੈਂ ਸਰਕਾਰ ਨੂੰ ਆਖਿਆ ਕਿ ਉਹ ਆਪਣਾ ਫ਼ੈਸਲਾ ਲਾਗੂ ਕਰਨ, ਫ਼ੌਜ ਪੂਰੀ ਤਰ੍ਹਾਂ ਸਹਿਯੋਗ ਦੇਵੇਗੀ।’
ਜਨਰਲ ਰਾਵਤ ਨੇ ਦੋਹਰਾਇਆ ਕਿ ਜੰਮੂ–ਕਸ਼ਮੀਰ ਦੀ ਜਨਤਾ ਤੇ ਦਹਿਸ਼ਤਗਰਦਾਂ ਨੂੰ ਆਪਣੇ ਖੇਤਰ ਵਿੱਚ ਅਮਨ ਕਾਇਮ ਹੋਣ ਦਾ ਇੱਕ ਮੌਕਾ ਜ਼ਰੂਰ ਦੇਣਾ ਚਾਹੀਦਾ ਹੈ। ‘ਉਂਝ ਵੀ ਹਿੰਸਾ ਵਾਪਰਦਿਆਂ ਨੂੰ 30 ਸਾਲ ਹੋ ਚੁੱਕੇ ਹਨ ਤੇ ਪਿਛਲੇ ਇਨ੍ਹਾਂ ਦਹਾਕਿਆਂ ਦੌਰਾਨ ਸਾਨੂੰ ਸਭ ਨੂੰ ਬਹੁਤ ਔਖੇ ਸਮਿਆਂ ਵਿੱਚੋਂ ਲੰਘਣਾ ਪਿਆ ਹੈ। ਗੁੱਸਾ ਛੱਡ ਕੇ ਅਮਨ–ਚੈਨ ਕਾਇਮ ਹੋਣ ਦੇਣਾ ਚਾਹੀਦਾ ਹੈ।’
ਜਨਰਲ ਬਿਪਿਨ ਰਾਵਤ ਨੇ ਕਿਹਾ ਕਿ ਉਹ ਦਹਿਸ਼ਤਗਰਦਾਂ ਨੂੰ ਬਹੁਤ ਸ਼ਾਂਤੀਪੂਰਬਕ ਅਜਿਹੀ ਪੇਸ਼ਕਸ਼ ਕਰ ਰਹੇ ਹਨ। ‘ਅਸੀਂ ਦਹਿਸ਼ਤਗਰਦਾਂ ਦੇ ਪਿੱਛੇ ਨਹੀਂ ਜਾ ਰਹੇ ਕਿਉਂਕਿ ਅਸੀਂ ਮਾਹੌਲ ਖ਼ਰਾਬ ਕਰਨ ਲਈ ਬੰਦੂਕਾਂ ਦੀ ਜੰਗ ਨਹੀਂ ਚਾਹੁੰਦੇ। ਮੈਂ ਨਹੀਂ ਚਾਹੁੰਦਾ ਕਿ ਆਮ ਲੋਕਾਂ ਦੀਆਂ ਘੇਰਾਬੰਦੀਆਂ ਕੀਤੀਆਂ ਜਾਣ, ਤਲਾਸ਼ੀਆਂ ਲਈਆਂ ਜਾਣ। ਸਾਨੂੰ ਦੋਵੇਂ ਹੱਥਾਂ ਨਾਲ ਤਾੜੀ ਵਜਾਉਣੀ ਚਾਹੀਦੀ ਹੈ ਤੇ ਬੰਦੂਕਾਂ ਸੁੱਟਣ ਬਾਰੇ ਸੋਚਣਾ ਚਾਹੀਦਾ ਹੈ। ਸਾਡੀ ਨਵੀ਼ ਪੀੜ੍ਹੀ ਨੇ ਹਾਲੇ ਤੱਕ ਅਮਨ–ਚੈਨ ਨਹੀਂ ਵੇਖਿਆ।’
Disclaimer
We do not guarantee/claim that the information we have gathered is 100% correct. Most of the information used in articles are collected from social media and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing.