ਕਵਿਤਾ

ss1

ਕਵਿਤਾ

ਮੇਰੇ ਖੇਤਾਂ ਵਿੱਚ ਹੁਣ ਸੋਨਾ ਨਹੀਂ
ਕੈਂਸਰ ਉੱਗਦਾ ਹੈ
ਹਰ ਸਾਲ ਵਧਾ ਦਿੰਦਾ ਇਸਦਾ ਝਾੜ
ਮਿੱਠਾ ਜ਼ਹਿਰ ਯੂਰੀਆ
ਹੁਣ ਨਹੀਂ ਜੰਮਦੇ
ਸਾਡੀਆਂ ਸਵਾਣੀਆਂ ਦੇ ਘਰ
ਰੁਸਤਮੇਂ ਹਿੰਦ
ਹੁਣ ਤਾਂ ਨਸਾਰੂ ਜੰਮਦੇ ਨੇ
ਦੋ ਦੋ ਕਿਲੋ ਗੁੜ ਖਾਣ ਵਾਲਿਆ
ਦੀ ਅੰਸ
ਹੁਣ ਚਾਹ ਵੀ ਸ਼ੂਗਰ ਫਰੀ ਪੀਂਦੀ ਹੈ
ਹੁਣ ਸਾਡੇ ਟਿਊਬਵੈੱਲ ਵਿੱਚੋਂ
ਸਰਬਤ ਨਹੀ ਸਿਰਕਾ ਆਉਂਦਾ ਹੈ।
ਹੁਣ ਸਾਡੀਆਂ ਨਸਾਂ ਵਿੱਚ
ਚੱਕਰ ਲਾਉਂਦਾ ਹੈ
ਮੋਨੋਕ੍ਰੋਟੋਫਾਸ ਦਾ ਜਹਿਰ
ਮੁਗਧਰ ਚੱਕਣ ਵਾਲੇ
ਹੁਣ ਡਰਦੇ ਨੇ ਆਪਣੇ ਹੀ ਭਾਰ ਤੋ
ਹੁਣ ਮੇਰਿਆਂ ਪਿੰਡਾ ਵਿੱਚ ਰੱਬ ਨਹੀਂ
ਰਾਜਨੀਤੀ ਵਸਦੀ ਹੈ।
ਹੁਣ ਜਮੀਨ ਜੱਟ ਦੀ ਮਾਂ ਨਹੀ ਰਹੀ
ਰਖੇਲ ਬਣ ਗਈ ਹੈ
ਇੱਕ ਹਰੀ ਕ੍ਰਾਂਤੀ ਨੇ
ਸਾਡੇ ਮੂੰਹ ਸਦਾ ਲਈ
ਕਾਲੇ ਪੀਲੇ ਕਰ ਦਿੱਤੇ ਨੇ।

ਦੇਵ ਕੁਰਾਈਵਾਲਾ
9417343452
Share Button

Leave a Reply

Your email address will not be published. Required fields are marked *