ਕਰੋਨਾ ਵਾਇਰਸ ਸਬੰਧੀ ਜ਼ਰੂਰੀ ਜਾਣਕਾਰੀ ਕਰੋਨਾ ਵਾਇਰਸ ਇੱਕ ਮਹਾਂਮਾਰੀ ਹੈ, ਜਿਸ ਤੋਂ ਸਾਨੂੰ ਸਭ ਨੂੰ ਆਪਣਾ ਅਤੇ ਆਪਣੇ ਪਰਿਵਾਰ ਦਾ ਬਚਾਓ ਕਰਨਾ ਚਾਹੀਦਾ ਹੈ। ਸਰਕਾਰ ਵਲੋਂ ਜਾਰੀ ਕੀਤੀਆਂ ਜਾਂਦੀਆਂ ਹਦਾਇਤਾਂ ਦੀ ਪਾਲਣਾ ਕਰੇ। ਇਸ ਤਰ੍ਹਾਂ ਕਰਨ ਨਾਲ਼ ਤੁਸੀਂ ਆਪਣੀ, ਆਪਣੇ ਪਰਿਵਾਰ ਅਤੇ ਸਾਰੇ ਸਮਾਜ ਦੀ ਰਾਖੀ ਕਰੋ। ਜ਼ਿਆਦਾ ਜਾਣਕਾਰੀ ਲਈ ਕਲਿਕ ਕਰੋ
Sat. Aug 8th, 2020

ਕਪਿਲ ਸ਼ਰਮਾ ਤੇ ਗਿੰਨੀ ਘਰ ਆਈ ਨੰਨ੍ਹੀ ਪਰੀ

ਕਪਿਲ ਸ਼ਰਮਾ ਤੇ ਗਿੰਨੀ ਘਰ ਆਈ ਨੰਨ੍ਹੀ ਪਰੀ

ਕਾਮੇਡੀਅਨ ਤੇ ਫ਼ਿਲਮ ਅਦਾਕਾਰ ਕਪਿਲ ਸ਼ਰਮਾ ਲਈ ਅੱਜ ਖ਼ੁਸ਼ੀ ਦਾ ਦਿਨ ਹੈ। ਕਪਿਲ ਸ਼ਰਮਾ ਦੀ ਪਤਨੀ ਗਿੰਨੀ ਚਤਰਥ ਨੇ ਅੱਜ ਇੱਕ ਬੇਟੀ ਨੂੰ ਜਨਮ ਦਿੱਤਾ ਹੈ। ਕਪਿਲ ਸ਼ਰਮਾ ਨੇ ਟਵੀਟ ਕਰ ਕੇ ਇਸ ਬਾਰੇ ਜਾਣਕਾਰੀ ਦਿੱਤੀ। ਗੁਰੂ ਰੰਧਾਵਾ ਤੇ ਭੁਵਨ ਬਾਮ ਨੇ ਕਪਿਲ ਸ਼ਰਮਾ ਨੂੰ ਪਿਤਾ ਬਣਨ ’ਤੇ ਸਭ ਤੋਂ ਪਹਿਲਾਂ ਵਧਾਈ ਦਿੱਤੀ ਹੈ।

ਗੁਰੂ ਰੰਧਾਵਾ ਨੇ ਟਵੀਟ ’ਤੇ ਕਪਿਲ ਸ਼ਰਮਾ ਨੂੰ ਵਧਾਈ ਦਿੰਦਿਆਂ ਲਿਖਿਆ ਹੈ – ‘ਵਧਾਈ ਭਾਅ ਜੀ, ਹੁਣ ਮੈਂ ਆਫ਼ਿਸ਼ੀਅਲੀ ਚਾਚਾ ਬਣ ਗਿਆ।’ ਇੱਥੇ ਵਰਨਣਯੋਗ ਹੈ ਕਿ ਕਪਿਲ ਸ਼ਰਮਾ ਨੇ ਗਿੰਨੀ ਚਤਰਥ ਨਾਲ 2018 ’ਚ ਵਿਆਹ ਰਚਾਇਆ ਸੀ।

ਕਪਿਲ ਸ਼ਰਮਾ ਤੇ ਪਤਨੀ ਗਿੰਨੀ ਚਤਰਥ ਨੇ ਆਉਣ ਵਾਲੇ ਨਿੱਕੇ ਮੈਂਬਰ ਲਈ ਪਹਿਲਾਂ ਤੋਂ ਕਾਫ਼ੀ ਤਿਆਰੀਆਂ ਕਰ ਲਈਆਂ ਸਨ। ਕਪਿਲ ਸ਼ਰਮਾ ਨੇ ਅਕਤੂਬਰ ’ਚ ਬੇਬੀ ਸ਼ਾਵਰ ਪਾਰਟੀ ਰੱਖੀ ਸੀ। ਉਸ ਵਿੱਚ ਕਈ ਵੱਡੀਆਂ ਹਸਤੀਆਂ ਤੇ ‘ਦਿ ਕਪਿਲ ਸ਼ਰਮਾ ਸ਼ੋਅ’ ਲਈ ਕੰਮ ਕਰਦੇ ਉਨ੍ਹਾਂ ਦੇ ਸਾਥੀ ਕਲਾਕਾਰ ਵੀ ਮੌਜੂਦ ਸਨ।

ਕੁਝ ਦਿਨ ਪਹਿਲਾਂ ਕਪਿਲ ਸ਼ਰਮਾ ਆਪਣੀ ਪਤਨੀ ਗਿੰਨੀ ਨੂੰ ਬੇਬੀ ਮੂਨ ਲਈ ਕੈਨੇਡਾਵੀ ਲੈ ਕੇ ਗਏ ਸਨ। ਇੱਕ ਹਾਲੀਆ ਇੰਟਰਵਿਊ ਦੌਰਾਨ ਜਦੋਂ ਕਪਿਲ ਸ਼ਰਮਾ ਤੋਂ ਪੁੱਛਿਆ ਗਿਆ ਕਿ ਉਹ ਹੋਣ ਵਾਲੇ ਬੱਚੇ ਲਈ ਕੀ ਤਿਆਰੀਆਂ ਕਰ ਰਹੇ ਹਨ, ਤਾਂ ਉਨ੍ਹਾਂ ਕਿਹਾ ਸੀ – ‘ਮੈਂ ਕੀ ਤਿਆਰੀ ਕਰਾਂ, ਮੈਨੂੰ ਕੋਈ ਆਈਡੀਆ ਨਹੀਂ ਹੈ ਇਸ ਬਾਰੇ ਪਰ ਮੇਰਾ ਪੂਰਾ ਪਰਿਵਾਰ ਇਸ ਲਈ ਉਤਸ਼ਾਹਿਤ ਹੈ।‘

ਕਪਿਲ ਸ਼ਰਮਾ ਨੇ ਤਦ ਇਹ ਵੀ ਆਖਿਆ ਸੀ,‘ਅਸੀਂ ਸਾਰੇ ਨਵੇਂ ਮੈਂਬਰ ਦੀ ਆਮਦ ਲਈ ਬਹੁਤ ਉਤਸ਼ਾਹਿਤ ਹਾਂ। ਭਾਵੇਂ ਲੜਕਾ ਹੋਵੇ ਤੇ ਚਾਹੇ ਲੜਕੀ, ਅਸੀਂ ਬੱਸ ਇਹੋ ਚਾਹੁੰਦੇ ਹਾਂ ਕਿ ਬੱਚਾ ਤੰਦਰੁਸਤ ਹੋਵੇ। ਤਿਆਰੀਆਂ ਦੀ ਗੱਲ ਕਰੀਏ, ਤਾਂ ਗਿੰਨੀ ਤੇ ਮੈਂ ਕੁਝ ਚੀਜ਼ਾਂ ਖ਼ਰੀਦੀਆਂ ਹਨ ਤੇ ਅਸੀਂ ਉਸ ਲਈ ਬਹੁਤ ਐਕਸਾਈਟਡ ਹਾਂ।’

ਅੰਮ੍ਰਿਤਸਰ ਦੇ ਜੰਮਪਲ਼ ਕਪਿਲ ਸ਼ਰਮਾ ਨੇ ਕਿਹਾ ਸੀ – ‘ਅਸੀਂ ਹਾਲੇ ਲੜਕਾ ਜਾਂ ਲੜਕੀ ਦੇ ਹਿਸਾਬ ਨਾਲ ਕੁਝ ਨਹੀਂ ਖ਼ਰੀਦ ਰਹੇ ਪਰ ਹਾਂ ਅਸੀਂ ਨਾਰਮਲ ਚੀਜ਼ਾਂ ਖ਼ਰੀਦ ਰਹੇ ਹਾਂ, ਜੋ ਦੋਵਾਂ ਦੇ ਹੀ ਕੰਮ ਆ ਸਕਣ।’

......................................Disclaimer.................................... We do not guarantee/claim that the information we have gathered is 100% correct. Many of the Images used in Articles are not our property. Most of the images used in articles are collected from social media profiles of Celebrities and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing. ..... For articles, the authors are sole responsible. ......... ਹਰ ਖ਼ਬਰ ਜਾਂ ਵਿਚਾਰ ਜਾਂ ਰਚਨਾ ਲਈ ਸਬੰਧਿਤ ਪੱਤਰਕਾਰ ਜਾਂ ਲਿਖਾਰੀ ਜਿੰਮੇਵਾਰ ਹੈ। ਅਦਾਰੇ ਦਾ ਉਸ ਨਾਲ਼ ਸਹਿਮਤ ਹੋਣਾ ਜ਼ਰੂਰੀ ਨਹੀਂ।

Leave a Reply

Your email address will not be published. Required fields are marked *

%d bloggers like this: