Thu. Apr 9th, 2020

ਕਈ ਰੋਗਾਂ ਲਈ ਲਾਹੇਵੰਦ ਕੱਚਾ ਪਪੀਤਾ

ਕਈ ਰੋਗਾਂ ਲਈ ਲਾਹੇਵੰਦ ਕੱਚਾ ਪਪੀਤਾ

ਅਸੀਂ ਸਾਰੇ ਜਾਣਦੇ ਹਾਂ ਕਿ ਪਪੀਤਾ ਸਾਡੀ ਸਿਹਤ ਲਈ ਬਹੁਤ ਫ਼ਾਇਦੇਮੰਦ ਹੈ। ਜਦੋਂ ਕੋਈ ਬਿਮਾਰ ਹੁੰਦਾ ਹੈ ਤਾਂ ਡਾਕਟਰ ਉਸ ਨੂੰ ਪਪੀਤਾ ਖਾਣ ਦੀ ਸਲਾਹ ਦਿੰਦੇ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਕੱਚਾ ਪਪੀਤਾ ਵੀ ਸਿਹਤ ਲਈ ਲਾਹੇਵੰਦ ਹੈ। ਇਸ ‘ਚ ਮੌਜੂਦ ਵਿਟਾਮਿਨਜ਼ ਕਈ ਬਿਮਾਰੀਆਂ ਨੂੰ ਦੂਰ ਰੱਖਣ ‘ਚ ਮਦਦ ਕਰਦੇ ਹਨ। ਇਸ ਦਾ ਸੇਵਨ ਚਟਨੀ, ਸਬਜ਼ੀ, ਸਲਾਦ ਤੇ ਪਰੌਂਠੇ ਦੇ ਤੌਰ ‘ਤੇ ਵੀ ਕੀਤਾ ਜਾ ਸਕਦਾ ਹੈ। ਆਓ, ਜਾਣਦੇ ਹਾਂ ਕੱਚੇ ਪਪੀਤੇ ਦੇ ਫ਼ਾਇਦਿਆਂ ਬਾਰੇ :

ਸ਼ੂਗਰ ਦੇ ਮਰੀਜ਼ਾਂ ਲਈ ਕੱਚਾ ਪਪੀਤਾ ਰਾਮਬਾਣ ਇਲਾਜ ਹੈ। ਇਸ ਦਾ ਸੇਵਨ ਖ਼ੂਨ ‘ਚੋਂ ਸ਼ੂਗਰ ਦੀ ਮਾਤਰਾ ਨੂੰ ਘੱਟ ਕਰਦਾ ਹੈ ਤੇ ਇੰਸੁਲਿਨ ਦੀ ਮਾਤਰਾ ਨੂੰ ਵਧਾਉਂਦਾ ਹੈ। ਸ਼ੂਗਰ ਦੇ ਮਰੀਜ਼ ਕੱਚੇ ਪਪੀਤੇ ਨੂੰ ਆਪਣੀ ਖ਼ੁਰਾਕ ‘ਚ ਜ਼ਰੂਰ ਸ਼ਾਮਿਲ ਕਰਨ। ਇਸ ਨਾਲ ਸ਼ੂਗਰ ਕੰਟਰੋਲ ‘ਚ ਰਹਿੰਦੀ ਹੈ।

ਕੱਚੇ ਪਪੀਤੇ ਦਾ ਨਿਯਮਿਤ ਤੌਰ ‘ਤੇ ਸੇਵਨ ਕਰਨ ਨਾਲ ਕੋਲਨ ਤੇ ਪ੍ਰੋਸਟੇਟ ਗਲੈਂਡ ਦੇ ਕੈਂਸਰ ਦਾ ਖ਼ਤਰਾ ਘੱਟ ਹੁੰਦਾ ਹੈ। ਇਸ ‘ਚ ਮੌਜੂਦ ਐਂਟੀ ਆਕਸੀਡੈਂਟ, ਫੀਟੋਨਿਊਐਂਟਰਸ ਤੇ ਫਲੋਵੋਨਾਇਡਜ਼ ਸਾਡੇ ਸਰੀਰ ‘ਚ ਕੈਂਸਰ ਦੀ ਕੋਸ਼ਿਕਾਵਾਂ ਨੂੰ ਬਣਨ ਤੋਂ ਰੋਕਦੇ ਹਨ।

ਅੱਜ ਹਰ ਤੀਸਰਾ ਸ਼ਖ਼ਸ ਭਾਰ ਘੱਟ ਕਰਨ ਦੀ ਕੋਸ਼ਿਸ਼ ‘ਚ ਹੈ। ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਕੱਚਾ ਪਪੀਤਾ ਭਾਰ ਘੱਟ ਕਰਨ ‘ਚ ਵੀ ਕਾਰਗਰ ਹੈ। ਇਸ ਦੇ ਸੇਵਨ ਨਾਲ ਸਰੀਰ ‘ਚ ਜਮ੍ਹਾਂ ਵਾਧੂ ਫੈਟ ਨਿਕਲ ਜਾਂਦਾ ਹੈ। ਇਸ ਲਈ ਕੱਚੇ ਪਪੀਤੇ ਨੂੰ ਕੱਦੂਕਸ ਕਰ ਕੇ ਦਹੀਂ ‘ਚ ਮਿਲਾ ਕੇ ਖਾ ਸਕਦੇ ਹੋ। ਜੇ ਤੁਸੀਂ ਪਪੀਤੇ ਨੂੰ ਸਲਾਦ ਵਜੋਂ ਖਾਣਾ ਚਾਹੁੰਦੇ ਹੋ ਤਾਂ ਵੀ ਇਹ ਬਹੁਤ ਫ਼ਾਇਦੇਮੰਦ ਹੈ।

ਕੱਚੇ ਪਪੀਤੇ ਦਾ ਸੇਵਨ ਜੋੜਾਂ ਦੇ ਦਰਦ ਨੂੰ ਦੂਰ ਕਰਨ ‘ਚ ਵੀ ਬਹੁਤ ਫ਼ਾਇਦੇਮੰਦ ਹੈ। ਇਸ ਲਈ ਤੁਸੀਂ 2 ਲੀਟਰ ਪਾਣੀ ਉਬਾਲੋ। ਇਸ ਤੋਂ ਬਾਅਦ ਪਪੀਤੇ ਨੂੰ ਧੋ ਕੇ, ਇਸ ਦੇ ਬੀਜ ਕੱਢ ਕੇ ਪਾਣੀ ‘ਚ 5 ਮਿੰਟ ਤਕ ਉਬਾਲੋ। ਹੁਣ ਦੋ ਚਮਚ ਗ੍ਰੀਨ ਟੀ ਦੀਆਂ ਪੱਤੀਆਂ ਪਾਓ ਤੇ ਥੋੜ੍ਹੀ ਦੇਰ ਤਕ ਉਬਲਣ ਦਿਓ। ਇਸ ਉਪਰੰਤ ਇਸ ਨੂੰ ਛਾਣ ਕੇ ਬੋਤਲ ‘ਚ ਪਾ ਲਓ। ਦਿਨ ‘ਚ 2-3 ਵਾਰ ਇਸ ਪਾਣੀ ਨੂੰ ਪੀਵੋ।

ਕੱਚੇ ਪਪੀਤੇ ਦਾ ਸੇਵਨ ਸਾਡੇ ਲਿਵਰ ਜਾਂ ਜਿਗਰ ਨੂੰ ਸਿਹਤਮੰਦ ਰੱਖਣ ‘ਚ ਮਦਦ ਕਰਦਾ ਹੈ। ਇਹ ਲਿਵਰ ਨੂੰ ਮਜ਼ਬੂਤੀ ਦਿੰਦਾ ਹੈ। ਜਦੋਂ ਕਿਤੇ ਲਿਵਰ ‘ਚ ਕੁਝ ਸ਼ਿਕਾਇਤ ਹੋਵੇ ਤਾਂ ਕੱਚੇ ਪਪੀਤੇ ਨੂੰ ਆਪਣੀ ਖ਼ੁਰਾਕ ‘ਚ ਸ਼ਾਮਿਲ ਕਰੋ। ਇਸ ਨਾਲ ਫ਼ਾਇਦਾ ਮਿਲੇਗਾ।

ਜਿਹੜੀਆਂ ਮਹਿਲਾਵਾਂ ਆਪਣੇ ਬੱਚਿਆਂ ਨੂੰ ਆਪਣਾ ਦੁੱਧ ਪਿਲਾਉਂਦੀਆਂ ਹਨ, ਉਨ੍ਹਾਂ ਨੂੰ ਜ਼ਿਆਦਾ ਨਿਊਟ੍ਰੀਐਂਟਸ ਦੀ ਜ਼ਰੂਰਤ ਹੁੰਦੀ ਹੈ। ਅਜਿਹੇ ‘ਚ ਕੱਚੇ ਪਪੀਤੇ ਦਾ ਸੇਵਨ ਬਹੁਤ ਵਧੀਆ ਰਹਿੰਦਾ ਹੈ, ਕਿਉਂਕਿ ਇਹ ਸਰੀਰ ‘ਚ ਸਾਰੇ ਐਂਜਾਈਮ ਦੀ ਕਮੀ ਨੂੰ ਪੂਰਾ ਕਰ ਕੇ ਦੁੱਧ ਵਧਾਉਣ ‘ਚ ਮਦਦ ਕਰਦਾ ਹੈ।

Disclaimer

We do not guarantee/claim that the information we have gathered is 100% correct. Most of the information used in articles are collected from social media and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing.

Leave a Reply

Your email address will not be published. Required fields are marked *

%d bloggers like this: