ਕਰੋਨਾ ਵਾਇਰਸ ਸਬੰਧੀ ਜ਼ਰੂਰੀ ਜਾਣਕਾਰੀ ਕਰੋਨਾ ਵਾਇਰਸ ਇੱਕ ਮਹਾਂਮਾਰੀ ਹੈ, ਜਿਸ ਤੋਂ ਸਾਨੂੰ ਸਭ ਨੂੰ ਆਪਣਾ ਅਤੇ ਆਪਣੇ ਪਰਿਵਾਰ ਦਾ ਬਚਾਓ ਕਰਨਾ ਚਾਹੀਦਾ ਹੈ। ਸਰਕਾਰ ਵਲੋਂ ਜਾਰੀ ਕੀਤੀਆਂ ਜਾਂਦੀਆਂ ਹਦਾਇਤਾਂ ਦੀ ਪਾਲਣਾ ਕਰੇ। ਇਸ ਤਰ੍ਹਾਂ ਕਰਨ ਨਾਲ਼ ਤੁਸੀਂ ਆਪਣੀ, ਆਪਣੇ ਪਰਿਵਾਰ ਅਤੇ ਸਾਰੇ ਸਮਾਜ ਦੀ ਰਾਖੀ ਕਰੋ। ਜ਼ਿਆਦਾ ਜਾਣਕਾਰੀ ਲਈ ਕਲਿਕ ਕਰੋ

ਉਂਟਾਰੀਓ ਫ਼ਰੈਂਡਜ਼ ਕਲੱਬ ਵੱਲੋਂ ਮਿਨੀ ਕਹਾਣੀ ਜ਼ੂਮ ਮੀਟਿੰਗ ਬੇਹੱਦ ਸਫ਼ਲ ਰਹੀ

ਉਂਟਾਰੀਓ ਫ਼ਰੈਂਡਜ਼ ਕਲੱਬ ਵੱਲੋਂ ਮਿਨੀ ਕਹਾਣੀ ਜ਼ੂਮ ਮੀਟਿੰਗ ਬੇਹੱਦ ਸਫ਼ਲ ਰਹੀ

ਉਂਟਾਰੀਓ: ਉਂਟਾਰੀਓ ਫਰੈਂਡਜ਼ ਕਲੱਬ ਵੱਲੋਂ ਸ਼ਨੀਵਾਰ 10 ਅਕਤੂਬਰ 2020 ਨੂੰ ਮਿਨੀ ਕਹਾਣੀ ਮੈਂਬਰਜ਼ ਦੀ ਜ਼ੂਮ ਮੀਟਿੰਗ ਦਾ ਆਯੋਜਨ ਪ੍ਰਧਾਨ ਰਵਿੰਦਰ ਸਿੰਘ ਕੰਗ ਤੇ ਚੇਅਰਮੈਨ ਅਜੈਬ ਸਿੰਘ ਚੱਠਾ ਵੱਲੋਂ ਕੀਤਾ ਗਿਆ । ਮੀਟਿੰਗ ਦਾ ਵਿਸ਼ਾ ਸੀ ਕਿ ਅੱਛੀ ਕਹਾਣੀ ਸੁਨਾਉਣ ਦੀ ਕਲਾ ਕੀ ਹੋਣੀ ਚਾਹੀਦੀ ਹੈ । ਸੱਭ ਤੋਂ ਵਧੀਆ ਅੰਦਾਜ਼ ਨਾਲ ਸਮਾਜ ਨੂੰ ਸੇਧ ਦੇਣ ਵਾਲੀ ਕਹਾਣੀ ਸੁਨਾਉਣ ਵਾਲੇ ਕਹਾਣੀਕਾਰ ਨੂੰ ਸਰਟੀਫ਼ਿਕੇਟ ਦੇ ਕੇ ਸਨਮਾਨਿਤ ਕੀਤਾ ਜਾਏਗਾ ।

ਇਸ ਨਾਲ ਬਾਕੀ ਲੇਖਕਾਂ ਨੂੰ ਵੀ ਉਤਸ਼ਾਹ ਮਿਲੇਗਾ । ਮੀਟਿੰਗ ਦੀ ਖ਼ਾਸੀਅਤ ਇਹ ਹੁੰਦੀ ਹੈ ਕਿ ਮੀਟਿੰਗ ਸਮੇਂ ਤੇ ਸ਼ੁਰੂ ਹੋ ਕੇ ਸਮੇਂ ਤੇ ਖਤਮ ਕੀਤੀ ਜਾਂਦੀ ਹੈ । 9.30 ਵਜੇ ਮੀਟਿੰਗ ਸ਼ੁਰੂ ਹੋ ਗਈ ਸੀ । ਉਂਟਾਰੀਓ ਫ਼ਰੈਂਡਜ਼ ਕਲੱਬ ਦੇ ਪ੍ਰਧਾਨ ਰਵਿੰਦਰ ਸਿੰਘ ਕੰਗ ਨੇ ਸੱਭ ਮੈਂਬਰਜ਼ ਨੂੰ ਜੀ ਆਇਆਂ ਕਿਹਾ ਤੇ ਮੀਟਿੰਗ ਹੋਸਟ ਡਾਕਟਰ ਨਾਇਬ ਸਿੰਘ ਮੰਡੇਰ ਨੂੰ ਮੀਟਿੰਗ ਸ਼ੁਰੂ ਕਰਨ ਲਈ ਕਿਹਾ । ਜਿਹਨਾਂ ਨੇ ਬਿਹਤਰੀਨ ਤਰੀਕੇ ਨਾਲ ਹੋਸਟ ਦੀ ਜ਼ੁੰਮੇਵਾਰੀ ਨਿਭਾਈ । ਅੱਜ ਦੀ ਮੀਟਿੰਗ ਵਿੱਚ 10 ਕਹਾਣੀਕਾਰਾਂ ਨੂੰ 5 ਮਿੰਟ ਵਿੱਚ ਕਹਾਣੀ ਸੁਨਾਉਣ ਦਾ ਮੌਕਾ ਦਿੱਤਾ ਗਿਆ ।ਇਸ ਤਰਾਂ ਹਰ ਅਗਲੀ ਮੀਟਿੰਗ ਵਿੱਚ 10 ਹੋਰ ਕਹਾਣੀਕਾਰਾਂ ਨੂੰ ਮੌਕਾ ਦਿੱਤਾ ਜਾਏਗਾ । ਹਰ ਇਕ ਕਹਾਣੀਕਾਰ ਨੇ ਆਪਣੇ ਅੰਦਾਜ਼ ਵਿੱਚ 5 ਮਿੰਟ ਵਿੱਚ ਕਹਾਣੀ ਸੁਣਾਈ ।ਅਭਿਜੀਤ ਨੇ ਡੈਡੀ ਨੂੰ ਨਾ ਦੱਸਣਾ , ਵਰਿੰਦਰ ਰੰਧਾਵਾ ਨੇ ਮੁੱਹਬਤ , ਗੁਰਦੀਸ਼ ਗਰੇਵਾਲ ਨੇ ਜੁਆਇੰਟ ਫ਼ੈਮਿਲੀ ਭਾਵ ਸੰਯੁਕਤ ਪਰਿਵਾਰ , ਤਰਸੇਮ ਗੋਪੀਕਾ ਨੇ ਭਾਗਾਂਵਾਲੀ , ਰਜਿੰਦਰ ਕੌਰ ਨੇ ਮੈਂ ਤੇ ਫ਼ਰਿਸ਼ਤਾ , ਮਨਜੀਤ ਧੀਮਾਨ ਨੇ ਸਹਿਯੋਗ , ਗੁਰਪ੍ਰੀਤ ਸਹੋਤਾ ਨੇ ਯਾਦਗਾਰ ਰੱਖੜੀ , ਡਾਕਟਰ ਦਵਿੰਦਰ ਕੌਰ ਨੇ ਸੈਲਫ ਰਸਪੇਕਟ ਭਾਵ ਸਵੈ – ਸਤਿਕਾਰ ਜਾਂ ਅੱਣਖ , ਮਨਜੀਤ ਕੌਰ ਜੀਤ ਨੇ ਵਸੇਬਾ , ਸਨੇਹ ਦੀਪਕ ਰਿਸ਼ੀ ਨੇ ਸਹਿਮਤ ਜਾਂ ਬੇਅਕਲ ਮਿਨੀ ਕਹਾਣੀਆਂ ਆਪਣੇ ਆਪਣੇ ਅੰਦਾਜ਼ ਵਿੱਚ ਬਹੁਤ ਹੀ ਭਾਵਪੂਰਤ ਤਰੀਕੇ ਨਾਲ ਸੁਣਾ ਕੇ ਸੱਭ ਦੇ ਮਨਾ ਨੂੰ ਮੋਹ ਲਿਆ ।

ਡਾਕਟਰ ਨਾਇਬ ਸਿੰਘ ਮੰਡੇਰ ਨੇ ਦੱਸਿਆ ਕਿ ਮਿਨੀ ਕਹਾਣੀ ਗੁੰਦਵੇਂ ਸ਼ਬਦਾਂ ਵਿੱਚ ਤੇ ਇਕਹਿਰੀ ਪਰਤ ਵਿੱਚ ਸੁਨਾਉਣੀ ਚਾਹੀਦੀ ਹੈ । ਮਿਨੀ ਕਹਾਣੀ ਦੇ ਬਾਦ ਮਾਹੋਲ ਨੂੰ ਸੁਖਾਵਾਂ ਬਣਾਉਣ ਲਈ ਤੇ ਰੂਹ ਦੇ ਸਕੂਨ ਲਈ ਇਕ ਘੰਟੇ ਦਾ ਸੰਗੀਤਕ ਪ੍ਰੋਗ੍ਰਾਮ ਰੱਖਿਆ ਜਾਂਦਾ ਹੈ । ਓ ਐਫ ਸੀ ਪ੍ਰਧਾਨ ਸ: ਰਵਿੰਦਰ ਸਿੰਘ ਕੰਗ ਦ ਮਨਣਾ ਹੈ ਕਿ ਗੀਤ ਸੰਗੀਤ ਜ਼ਿੰਦਗੀ ਦਾ ਅਸਲ ਗਹਿਣਾ ਹੁੰਦਾ ਹੈ । ਸੰਗੀਤਕ ਪ੍ਰੋਗ੍ਰਾਮ ਵਿੱਚ ਸਰਨਜੀਤ ਕੌਰ ਅਨਹਦ , ਉਮਾ ਮਧੂ ਭਰਦਵਾਜ ,ਰਜਿੰਦਰ ਕੌਰ , ਕੁਲਵੰਤ ਕੌਰ ਚੰਨ , ਕੁਲਵਿੰਦਰ ਵਿਰਕ , ਅਭਿਜੀਤ ,ਡਾਕਟਰ ਅਮਨਪ੍ਰੀਤ ਕੰਗ , ਤਰਸੇਮ ਗੋਪੀਕਾ , ਗੁਰਪ੍ਰੀਤ ਸਹੋਤਾ , ਮੀਤਾ ਖੰਨਾ , ਰਿੰਟੂ ਭਾਟੀਆ ਮਨਜੀਤ ਸੇਖੋਂ , ਡਾਕਟਰ ਰਵਿੰਦਰ ਕੌਰ ਭਾਟੀਆ , ਰਿਪਨਜੋਤ ਸੋਨੀ ਬੱਗਾ ਨੇ ਬਹੁਤ ਸੋਹਣੇ ਗੀਤ ਪੇਸ਼ ਕਰਕੇ ਮਾਹੋਲ ਨੂੰ ਰੰਗੀਨ ਬਣਾ ਦਿੱਤਾ ।

ਅੱਜ ਦੀ ਮੀਟਿੰਗ ਬੇਹੱਦ ਸਫ਼ਲ ਰਹੀ ਤੇ ਮੈਂਬਰਜ਼ ਦੀ ਵੀ ਭਰਵੀਂ ਹਾਜ਼ਰੀ ਸੀ । ਮੀਟਿੰਗ ਵਿੱਚ ਪ੍ਰਬੰਧਕਾਂ ਤੇ ਮੈਂਬਰਜ਼ ਨੇ ਰਮਿੰਦਰ ਵਾਲੀਆ ਵੂਮੈਨ ਵਿੰਗ ਪ੍ਰਧਾਨ ਓ ਐਫ਼ ਸੀ ਦੇ ਕੰਮ ਦੀ ਭਰਪੂਰ ਸ਼ਲਾਘਾ ਕੀਤੀ ਤੇ ਕਿਹਾ ਕਿ ਕਹਾਣੀਕਾਰਾਂ ਨੂੰ ਇਸ ਗਰੁੱਪ ਵਿੱਚ ਜੋੜਣ ਦਾ , ਮੈਂਬਰਜ਼ ਨੂੰ ਮੀਟਿੰਗ ਮੈਸੇਜ ਕਰਨ ਦਾ ਤੇ ਮੀਟਿੰਗ ਰਿਪੋਰਟਿੰਗ ਲਿਖਣ ਵਿੱਚ ਇਹਨਾਂ ਦਾ ਬਹੁਤ ਯੋਗਦਾਨ ਹੈ । ਬਹੁਤ ਸੁਖਾਵੇਂ ਮਾਹੋਲ ਵਿੱਚ ਸਮੇਂ ਤੇ ਮੀਟਿੰਗ ਦੀ ਸਮਾਪਤੀ ਹੋਈ । ਮੀਟਿੰਗ ਦੀ ਸਮਾਪਤੀ ਤੇ ਚੇਅਰਮੈਨ ਅਜੈਬ ਸਿੰਘ ਚੱਠਾ ਨੇ ਮੀਟਿੰਗ ਵਿੱਚ ਹਾਜ਼ਰੀਨ ਮੈਂਬਰਜ਼ ਦਾ ਤੇ ਹੋਸਟ ਡਾਕਟਰ ਨਾਇਬ ਸਿੰਘ ਮੰਡੇਰ ਦਾ ਤਹਿ ਦਿਲ ਤੋਂ ਸ਼ੁਕਰੀਆ ਅਦਾ ਕੀਤਾ । ਮੀਟਿੰਗ ਬੇਹੱਦ ਸਫ਼ਲ ਰਹੀ ਇਸ ਲਈ ਪ੍ਰਬੰਧਕ ਤੇ ਮੈਂਬਰਜ਼ ਵਧਾਈ ਦੇ ਪਾਤਰ ਹਨ।

......................................Disclaimer.................................... We do not guarantee/claim that the information we have gathered is 100% correct. Many of the Images used in Articles are not our property. Most of the images used in articles are collected from social media profiles of Celebrities and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing. ..... For articles, the authors are sole responsible. ......... ਹਰ ਖ਼ਬਰ ਜਾਂ ਵਿਚਾਰ ਜਾਂ ਰਚਨਾ ਲਈ ਸਬੰਧਿਤ ਪੱਤਰਕਾਰ ਜਾਂ ਲਿਖਾਰੀ ਜਿੰਮੇਵਾਰ ਹੈ। ਅਦਾਰੇ ਦਾ ਉਸ ਨਾਲ਼ ਸਹਿਮਤ ਹੋਣਾ ਜ਼ਰੂਰੀ ਨਹੀਂ।

Leave a Reply

Your email address will not be published. Required fields are marked *

%d bloggers like this: