Tue. Apr 23rd, 2019

ਇਹ ਭਾਰਤੀ ਸ਼ਬਦ ਸ਼ਾਮਲ ਹੋਇਆ ਆਕਸਫ਼ੋਰਡ ਡਿਕਸ਼ਨਰੀ ਵਿੱਚ

ਇਹ ਭਾਰਤੀ ਸ਼ਬਦ ਸ਼ਾਮਲ ਹੋਇਆ ਆਕਸਫ਼ੋਰਡ ਡਿਕਸ਼ਨਰੀ ਵਿੱਚ

ਇੱਕ ਨਵਾਂ ਭਾਰਤੀ ਸ਼ਬਦ ਆਕਸਫੋਰਡ ਡਿਕਸ਼ਨਰੀ ‘ਚ ਸ਼ਾਮਿਲ ਹੋਇਆ ਹੈ, ਇਹ ਸ਼ਬਦ ਹੈ ‘ਚੱਡੀਜ਼’ (CHUDDIES) ਭਾਵ ਕਛਹਿਰਾ ਜਾਂ ‘ਅੰਡਰ–ਪੈਂਟਸ’। ਭਾਰਤੀ ਉੱਪ–ਮਹਾਂਦੀਪ ਦੇ ਬਹੁਤ ਸਾਰੇ ਅਜਿਹੇ ਹੋਰ ਸ਼ਬਦ ਵੀ ਇਸ ਡਿਕਸ਼ਨਰੀ ਵਿੱਚ ਪਹਿਲਾਂ ਹੀ ਸ਼ਾਮਲ ਕੀਤੇ ਜਾ ਚੁੱਕੇ ਹਨ। ਅਜਿਹਾ ਇੰਗਲੈਂਡ ਤੇ ਭਾਰਤ ਦੀ ਸਦੀਆਂ ਪੁਰਾਣੀ ਨੇੜਤਾ ਕਾਰਨ ਹੈ।

ਸ਼ਬਦ ‘ਚੱਡੀਜ਼’ ਬਰਤਾਨਵੀ ਹਕੂਮਤ ਦੌਰਾਨ ਵੀ ਬਹੁਤ ਵਾਰ ਅਨੇਕ ਗਜ਼ਟਾਂ ਤੇ ਪ੍ਰਕਾਸ਼ਨਾਵਾਂ ਵਿੱਚ ਆ ਚੁੱਕਾ ਹੈ ਪਰ ਇਸ ਭਾਰਤੀ ਸ਼ਬਦ ਨੇ ਉਦੋਂ ਕੌਮਾਂਤਰੀ ਪੱਧਰ ਉੱਤੇ ਸਭ ਦਾ ਧਿਆਨਖਿੱਚਿਆ ਸੀ, ਜਦੋਂ 1990ਵਿਆਂ ਦੌਰਾਨ ਇਸ ਦੀ ਵਰਤੋਂ ਬੀਬੀਸੀ ਟੈਲੀਵਿਜ਼ਨ ਤੋਂ ਪ੍ਰਸਾਰਿਤ ਹੋਣ ਵਾਲੇ ਬਰਤਾਨਵੀ–ਏਸ਼ੀਆਈ ਕਾਮੇਡੀ ਲੜੀਵਾਰ ‘ਗੁੱਡਨੇਸ ਗ੍ਰੇਸ਼ੀਅਸ ਮੀ’ ਵਿੱਚ ਕੀਤੀ ਗਈ ਸੀ। ਅਦਾਕਾਰ ਸੰਜੀਵ ਭਾਸਕਰ ਨੇ ਇਸ ਦੀ ਵਰਤੋਂ ਕੀਤੀ ਸੀ।

ਉਸ ਤੋਂ ਬਾਅਦ ਇਹ ਸ਼ਬਦ ਆਮ ਬੋਲਚਾਲ ਦੀ ਭਾਸ਼ਾ ਵਿੱਚ ਵੀ ਵਰਤਿਆ ਜਾਣ ਲੱਗ ਪਿਆ ਸੀ। ਹੁਣ ਤੱਕ ਇਸੇ ਆਕਸਫ਼ੋਰਡ ਡਿਕਸ਼ਨਰੀ ਵਿੱਚ 2,000 ਦੇ ਲਗਭਗ ਭਾਰਤੀ ਸ਼ਬਦ ਸ਼ਾਮਲ ਕੀਤੇ ਜਾ ਚੁੱਕੇ ਹਨ। ਇਨ੍ਹਾਂ ਵਿੱਚ ਉਹ ਸਾਰੇ ਸ਼ਬਦ ਹਨ, ਜੋ ਬ੍ਰਿਟਿਸ਼ ਰਾਜ ਵੇਲੇ ਵਰਤੇ ਜਾਂਦੇ ਸਨ।

ਉਨ੍ਹਾਂ ਵਿੱਚੋਂ ਕੁਝ ਸ਼ਬਦ ਹਨ: ਲੂਟ, ਬੰਗਲੋ, ਅਵਤਾਰ, ਮੰਤਰਾ, ਚਟਣੀ, ਕੌਟ, ਡੈਕੋਇਟ, ਡੁੰਗਰੀ, ਗੁਰੂ, ਪੰਡਿਤ, ਖ਼ਾਕੀ, ਜੰਗਲ, ਨਿਰਵਾਣ, ਪੱਕਾ, ਪਜਾਮਾ, ਵਰਾਂਡਾ, ਮਹਾਰਾਜਾ ਆਦਿ।

Share Button

Leave a Reply

Your email address will not be published. Required fields are marked *

%d bloggers like this: