ਇਰਾਕ ‘ਚੋਂ ਇਸਲਾਮਿਕ ਸਟੇਟ ਦਾ ਸਫਾਇਆ

ss1

ਇਰਾਕ ‘ਚੋਂ ਇਸਲਾਮਿਕ ਸਟੇਟ ਦਾ ਸਫਾਇਆ

ਇਰਾਕ 'ਚੋਂ ਇਸਲਾਮਿਕ ਸਟੇਟ ਦਾ ਸਫਾਇਆ

ਮੋਸੂਲ: ਇਰਾਕ ਦੇ ਸ਼ਹਿਰ ਮੋਸੂਲ ਤੋਂ ਅੱਤਵਾਦੀ ਸੰਗਠਨ ਇਸਲਾਮਿਕ ਸਟੇਟ (ਆਈ.ਐਸ.) ਦਾ ਸਫ਼ਾਇਆ ਹੋ ਗਿਆ ਹੈ। ਇਰਾਕੀ ਪ੍ਰਧਾਨ ਮੰਤਰੀ ਹੈਦਰ ਅਲ-ਆਬਦੀ ਨੇ ਇਸ ਲਈ ਇਰਾਕੀ ਸੈਨਾ ਨੂੰ ਮੁਬਾਰਕਬਾਦ ਦਿੱਤੀ ਹੈ। ਸਰਕਾਰ ਵੱਲੋਂ ਜਾਰੀ ਬਿਆਨ ਅਨੁਸਾਰ ਮੋਸੂਲ ਦੀ ਆਜ਼ਾਦੀ ਦਾ ਐਲਾਨ ਕਰਨ ਸਮੇਂ ਆਬਦੀ ਸ਼ਹਿਰ ਵਿੱਚ ਮੌਜੂਦ ਸਨ। ਉਨ੍ਹਾਂ ਨੇ ਬਹਾਦਰ ਲੜਾਕੂਆਂ ਤੇ ਇਰਾਕੀ ਜਨਤਾ ਨੂੰ ਇਸ ਮਹਾਨ ਜਿੱਤ ਦੀ ਵਧਾਈ ਦਿੱਤੀ।
ਇਸ ਤੋਂ ਪਹਿਲਾਂ ਇਰਾਕੀ ਮੀਡੀਆ ਨੇ ਰਿਪੋਰਟ ਦਿੱਤੀ ਸੀ ਕਿ ਸੁਰੱਖਿਆ ਬਲ ਟਿਗਰਿਸ ਨਦੀ ਦੇ ਕੰਢੇ ਤੱਕ ਪਹੁੰਚ ਗਏ ਹਨ। ਉੱਥੇ ਇਰਾਕੀ ਝੰਡਾ ਲਹਿਰਾ ਦਿੱਤਾ ਗਿਆ ਹੈ। ਮੋਸੂਲ ਦਾ ਆਜ਼ਾਦ ਹੋਣਾ ਆਈ.ਐਸ. ਤੇ ਉਸ ਦੇ ਸਰਗਨਾ ਅਬੂ ਬਕਰ ਬਗਦਾਦੀ ਦੀ ਹੁਣ ਤਕ ਦੀ ਸਭ ਤੋਂ ਵੱਡੀ ਹਾਰ ਹੈ। ਤਿੰਨ ਸਾਲ ਪਹਿਲੇ ਇਸਲਾਮਿਕ ਸਟੇਟ ਨੇ ਇਸ ਸ਼ਹਿਰ ‘ਤੇ ਕਬਜ਼ਾ ਕਰ ਲਿਆ ਸੀ। ਪਿਛਲੇ ਸਾਲ ਅਕਤੂਬਰ ‘ਚ ਇਰਾਕੀ ਫ਼ੌਜ ਨੇ ਅਮਰੀਕਾ ਦੀ ਅਗਵਾਈ ਵਾਲੀ ਗਠਜੋੜ ਸੈਨਾ ਨਾਲ ਮਿਲ ਕੇ ਮੋਸੂਲ ਦੀ ਜੰਗ ਛੇੜੀ ਸੀ।
 ਹਵਾਈ ਹਮਲਿਆਂ ਤੇ ਜ਼ਮੀਨੀ ਜੰਗ ਤੋਂ ਬਾਅਦ ਜਨਵਰੀ ‘ਚ ਸ਼ਹਿਰ ਦਾ ਪੂਰਬੀ ਹਿੱਸਾ ਆਈ.ਐਸ. ਤੋਂ ਮੁਕਤ ਕਰਵਾ ਲਿਆ ਗਿਆ ਸੀ। ਇਸ ਜੰਗ ‘ਚ ਹਾਲਾਂਕਿ ਮੋਸੂਲ ਸ਼ਹਿਰ ਨੂੰ ਭਾਰੀ ਤਬਾਹੀ ਝੱਲਣੀ ਪਈ ਹੈ। ਇਸ ਪ੍ਰਾਚੀਨ ਸ਼ਹਿਰ ਦੇ ਕਈ ਹਿੱਸੇ ਪੂਰੀ ਤਰ੍ਹਾਂ ਬਰਬਾਦ ਹੋ ਗਏ, ਹਜ਼ਾਰਾਂ ਨਾਗਰਿਕ ਮਾਰੇ ਗਏ ਤੇ 10 ਲੱਖ ਲੋਕਾਂ ਨੂੰ ਇਹ ਇਲਾਕਾ ਛੱਡਣਾ ਪਿਆ ਸੀ।
Share Button

Leave a Reply

Your email address will not be published. Required fields are marked *