Sun. Jan 26th, 2020

ਆਪਣੇ ਦਮ ‘ਤੇ ਲੋਹਾ ਮਨਵਾਉਣ ਵਾਲੀਆਂ 80 ਅਮਰੀਕੀ ਔਰਤਾਂ ‘ਚ ਭਾਰਤੀ ਮਹਿਲਾਵਾਂ ਵੀ ਛਾਈਆਂ

ਆਪਣੇ ਦਮ ‘ਤੇ ਲੋਹਾ ਮਨਵਾਉਣ ਵਾਲੀਆਂ 80 ਅਮਰੀਕੀ ਔਰਤਾਂ ‘ਚ ਭਾਰਤੀ ਮਹਿਲਾਵਾਂ ਵੀ ਛਾਈਆਂ

ਆਪਣੇ ਦਮ ‘ਤੇ ਕਾਮਯਾਬ ਅਮਰੀਕਾ ਦੀਆਂ ਸਭ ਤੋਂ ਵੱਧ ਅਮੀਰ 80 ਔਰਤਾਂ ਵਿੱਚ ਤਿੰਨ ਭਾਰਤੀ ਮਹਿਲਾਵਾਂ ਵੀ ਸ਼ਾਮਲ ਹਨ। ਫੋਰਬਸ ਨੇ ਮੰਗਲਵਾਰ ਨੂੰ ਅਮਰੀਕਾ ਦੀਆਂ ਰਿਚੇਸਟ ਸੈਲਫ ਮੇਡ ਵੂਮਨ-2019 ਦੀ ਸੂਚੀ ਜਾਰੀ ਕੀਤੀ ਹੈ। ਇਨ੍ਹਾਂ ਵਿੱਚ ਭਾਰਤੀ ਮੂਲ ਦੀਆਂ ਜੈਅਸ਼੍ਰੀ ਉਲਾਲ, ਨੀਰਜਾ ਸੇਠੀ ਤੇ ਨੇਹਾ ਨਰਖੇੜੇ ਸ਼ਾਮਲ ਹਨ।

ਜੈਅਸ਼੍ਰੀ ਉਲਾਲ ਕੋਲ ਅਰਿਸਤਾ ਨੈੱਟਵਰਕਸ ਦੀ ਮੁਖੀ ਹੈ। ਕੰਪਿਊਟਰ ਨੈੱਟਵਰਕਿੰਗ ਫਰਮ ਅਰਿਸਤਾ ਨੈੱਟਵਰਕਸ ਦੀ 58 ਸਾਲਾ ਪ੍ਰਧਾਨ ਤੇ ਸੀਈਓ ਜੈਅਸ਼੍ਰੀ ਉਲਾਲ ਕੋਲ ਕੰਪਨੀ ਦੇ 5% ਸ਼ੇਅਰ ਹੀ ਹਨ। ਉਨ੍ਹਾਂ ਦੀ ਕੁੱਲ ਆਮਦਨ 140 ਕਰੋੜ ਡਾਲਰ (9660 ਕਰੋੜ ਰੁਪਏ) ਹੈ।

ਆਈਟੀ ਕੰਸਲਟਿੰਗ ਐਂਡ ਆਊਟਸੋਰਸਿੰਗ ਫਰਮ ਸਿੰਟੇਲ ਦੀ ਸਹਿ-ਸੰਸਥਾਪਕ ਨੀਰਜਾ ਸੇਠੀ (64) ਅਮਰੀਕਾ ਦੀਆਂ ਸਭ ਤੋਂ ਅਮੀਰ ਔਰਤਾਂ ਦੀ ਸੂਚੀ ਵਿੱਚ 23ਵੇਂ ਸਥਾਨ ‘ਤੇ ਹੈ। ਉਨ੍ਹਾਂ ਦੀ ਕੁੱਲ ਆਮਦਨ 100 ਕਰੋੜ ਡਾਲਰ (6900 ਕਰੋੜ ਰੁਪਏ) ਹੈ।

ਸਟ੍ਰੀਮਿੰਗ ਡੇਟਾ ਟੈਕਨਾਲੋਜੀ ਕੰਪਨੀ ਕਾਫਲੂਐਂਟ ਦੀ ਸੀਈਓ ਤੇ ਸਹਿ-ਸੰਸਥਾਪਕ 34 ਸਾਲਾ ਨੇਹਾ ਨਰਖੇੜੇ ਦੀ 60ਵੀਂ ਰੈਂਕਿੰਗ ਹੈ। ਉਨ੍ਹਾਂ ਦੀ ਕੁੱਲ ਆਮਦਨ 36 ਕਰੋੜ ਡਾਲਰ (2484 ਕਰੋੜ ਰੁਪਏ) ਹੈ। ਢਾਈ ਅਰਬ ਡਾਲਰ ਕੀਮਤ ਦੀ ਉਨ੍ਹਾਂ ਦੀ ਕੰਪਨੀ ਦੇ ਗਾਹਕ ਗੋਲਮੈਨ ਸੈਕਸ਼, ਨੈੱਟਫਲਿਕਸ ਤੇ ਉਬਰ ਜਿਹੀਆਂ ਕੰਪਨੀਆਂ ਹਨ।

ਜ਼ਿਕਰਯੋਗ ਹੈ ਕਿ ਸੂਚੀ ਵਿੱਚ ਪਹਿਲਾ ਨੰਬਰ ਏਬੀਸੀ ਸਪਲਾਈ ਕੰਪਨੀ ਦੀ ਮੁਖੀ ਡਾਇਨੇ ਹੈਂਡਰਿਕਸ ਦਾ ਹੈ। 72 ਸਾਲਾ ਹੈਂਡਰਿਕਸ ਦੀ ਕੁੱਲ ਆਮਦਨ ਸੱਤ ਅਰਬ ਡਾਲਰ ਯਾਨੀ 48,300 ਕਰੋੜ ਰੁਪਏ ਹੈ। ਏਬੀਸੀ ਨਿਰਮਾਣ ਕਾਰਜਾਂ ਲਈ ਲੋੜੀਂਦੇ ਸਮਾਨ ਦੀ ਹੋਲਸੇਲ ਡਿਸਟ੍ਰੀਬਿਊਟਰ ਫਰਮ ਹੈ।

ਦੂਜੇ ਥਾਂ ‘ਤੇ ਈ-ਬੇਅ ਦੀ ਸੀਈਓ ਮੇਗ ਵ੍ਹਾਈਟਮੈਨ (62) ਹੈ। ਉਨ੍ਹਾਂ ਦੀ ਕੁੱਲ ਆਮਦਨ 3.8 ਅਰਬ ਡਾਲਰ (26,220 ਕਰੋੜ ਰੁਪਏ) ਹੈ। ਤੀਜਾ ਥਾਂ ਲਿਟਿਸ ਸੀਜ਼ਰਜ਼ ਪੀਜ਼ਾ ਦੀ ਸਹਿ ਸੰਸਥਾਪਕ ਮੇਰੀਅਨ ਏਲਿਚ ਦਾ ਹੈ। 86 ਸਾਲਾ ਏਲਿਚ ਦੀ ਕੁੱਲ ਆਮਦਨ 3.7 ਅਰਬ ਡਾਲਰ (25,530 ਕਰੋੜ ਰੁਪਏ) ਹੈ।

Disclaimer

We do not guarantee/claim that the information we have gathered is 100% correct. Most of the information used in articles are collected from social media and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing.

Leave a Reply

Your email address will not be published. Required fields are marked *

%d bloggers like this: