Fri. Dec 6th, 2019

ਆਪਣੀ ਗਾਇਕੀ ਨਾਲ ਹਰ ਇੱਕ ਨੂੰ ਮੋਹ ਲੈਣ ਵਾਲੀ ਗਾਇਕਾ ਮਲਵੀਨ ਗਰੋਵਰ

ਆਪਣੀ ਗਾਇਕੀ ਨਾਲ ਹਰ ਇੱਕ ਨੂੰ ਮੋਹ ਲੈਣ ਵਾਲੀ ਗਾਇਕਾ ਮਲਵੀਨ ਗਰੋਵਰ

ਜਦੋਂ ਸੰਗੀਤ ਦੀ ਗੱਲ ਤੁਰਦੀ ਹੈ ਤਾਂ ਸੰਗੀਤ ਪ੍ਰੇਮੀਆਂ ਦੇ ਦਿਲ ਅੰਦਰ ਸੰਗੀਤਕ ਧੁੰਨਾ ਉੱਠ ਖਲੋਂਦੀਆਂ ਹਨ। ਸੰਗੀਤ ਇੱਕ ਰੱਬੀ ਸੁਗਾਤ ਹੈ ਜਿਸ ਨੂੰ ਇਹ ਸੁਗਾਤ ਮਿਲ ਗਈ ਉਹ ਤਰ ਗਿਆ ਉਂਝ ਤਾਂ ਭਾਵੇਂ ਪੂਰੀ ਦੁਨੀਆ ਸੰਗੀਤ ਦੀ ਦਿਵਾਨੀ ਹੈ। ਪਰ ਪੰਜਾਬੀ ਸੰਗੀਤ ਜਿਸ ਦੀ ਦੁਨੀਆ ਅੰਦਰ ਵੱਖਰੀ ਪਹਿਚਾਣ ਹੈ। ਦੁਨੀਆ ਪੱਧਰ ਤੇ ਲੋਕ ਪੰਜਾਬੀ ਸੰਗੀਤ ਤੇ ਮਸਤੀ ਕਰਦੇ ਆਮ ਵੇਖੇ ਜਾਦੇ ਹਨ।
ਸੰਗੀਤ ਦੀ ਦੁਨੀਆ ਵਿੱਚ ਅਨੇਕਾਂ ਹੀ ਕਲਾਕਾਰਾਂ ਨੇ ਆਪਣੀ ਧਾਕ ਜਮਾਉਣੀ ਚਾਹੀ ! ਪਰ ਸੰਗੀਤ ਦੇ ਇਸ ਅੰਬਰ ਨੂੰ ਕੋਈ ਹੀ ਛੂਹ ਸਕਿਆਂ। ਸੰਗੀਤ ਸਬਦ ” ਸੰ” ਅਤੇ ”ਗੀਤ” ਦਾ ਜੋੜ ਹੈ । ਜਿਸ ਦਾ ਅਰਥ ਉੱਤਮ ਗਾਣਾ ਸੁਧਾਰਨ ਤੌਰ ਤੇ ਗਾਉਣ ਨੂੰ ਹੀ ਸੰਗੀਤ ਕਲਾਂ ਸਮਝਿਆਂ ਜਾਦਾ ਹੈ । ਪਰ ਸਹੀ ਸੰਗੀਤਕ ਮਆਨਿਆ ਵਿੱਚ ਗਾਉਣਾ ਤੇ ਵਜਾਉਣਾ ਅਤੇ ਨੱਚਣਾ ਤਿੰਨੋਂ ਵੱਖ ਵੱਖ ਸੰਗੀਤ ਕਲਾਂ ਦੇ ਸੁੱਚੇ ਮੋਤੀ ਵਿੱਚ ਪਰੋਏ ਹੋਏ ਹਨ। ਵਿਸ਼ਵ ਪ੍ਰਸਿੱਧ ਜਰਮਨ ਦੇ ਫਿਲਾਸਫ਼ਰ ਹੀਰਾਲ ਨੇ ਕਿਹਾ ਹੈ ਕਿ ਸਾਰੀਆਂ ਕੋਮਲ ਕਲਾਵਾਂ ਸੰਗੀਤ ਅਵਸਥਾ ਨੂੰ ਪ੍ਰਾਪਤ ਕਰਨ ਦਾ ਯਤਨ ਕਰਦੀਆਂ ਹਨ ।
ਵਿਸ਼ਵ ਸੁੰਦਰੀ ਦਾ ਭੁਲੇਖਾ ਪਾਉਣ ਵਾਲੀ ਸੁੰਗੜ ਸਿਆਣੀ ਮਿਲਾਪੜੇ ਸੁਭਾਅ ਦੀ ਮਾਲਕ ਨੀਲੀਆਂ ਨਸ਼ੀਲੀਆਂ ਬਲੌਰੀ ਅੱਖਾਂ ਤੇ ਹੱਸੂ ਹੱਸੂ ਕਰਦਾ ਚਿਹਰਾ , ਗੋਰਾ ਰੰਗ ਤੇ ਸੋਹਣੀ ਸੂਰਤ ਦੀ ਮਾਲਕ ਆਪਣੇ ਦਮ ਤੇ ਕੁਝ ਕਰ ਗੁਜ਼ਰਨ ਵਾਲੀ ਲਿਆਕਤ ਤੇ ਸੁਰ ਅਤੇ ਮਿਠਾਸ ਦੀ ਮਲਿਕਾ ਸੰਗੀਤ ਨੂੰ ਇਬਾਦਤ ਮੰਨਣ ਵਾਲੀ ਗਾਇਕਾਂ ਮਲਵੀਨ ਗਰੋਵਰ ਆਪਣੀ ਜਾਦੂਈ ਗਾਇਕੀ ਨਾਲ ਪੂਰੀ ਦੁਨੀਆ ਚ ਆਪਣੀ ਵੱਖਰੀ ਪਹਿਚਾਣ ਬਣਾ ਰਹੀ ਹੈ।
ਜੇਕਰ ਮਲਵੀਨ ਗਰੋਵਰ ਦੇ ਪਿਛੋਕੜ ਦੀ ਗੱਲ ਕਰੀਏ ਤਾਂ ਉਨਾਂ ਦਾ ਜਨਮ ਪੰਜਾਬੀ ਪਰਿਵਾਰ ਨਾਲ ਸਬੰਧਿਤ ਹਰਿਆਣਾ ਦੇ ਹਿਸਾਰ ਵਿੱਚ ਪਿਤਾ ਉੱਘੇ ਬਿਜ਼ਨਸਮੈਨ ਬਿਕਰਮ ਸਿੰਘ ਗਰੋਵਰ ਅਤੇ ਮਾਤਾ ਮਿਸ ਇੰਦੂ ਦੀ ਕੁੱਖੋਂ ਹੋਇਆ। ਪਰਿਵਾਰ ਵਿੱਚ ਪਹਿਲਾ ਤੋਂ ਹੀ ਸੰਗੀਤਕ ਮਹੌਲ ਸੀ। ਮਲਵੀਨ ਦੀ ਮਾਤਾ ਮਿਸ ਇੰਦੂ ਇੱਕ ਸਥਾਪਿਤ ਗਾਇਕਾ ਸਨ ਤੇ ਪਿਤਾ ਜੀ ਨੇ ਕਈ ਹਿੰਦੀ ਪੰਜਾਬੀ ਫਿਲਮਾਂ ਵਿੱਚ ਕੰਮ ਕੀਤਾ ਹੈ। ਅਫਸੋਸ ਮਲਵੀਨ ਨੂੰ ਮਾਤਾ ਦਾ ਪਿਆਰ ਨਾ ਮਿਲ ਸਕਿਆ ਕਿਉਂਕਿ ਉਨਾਂ ਦੇ ਮਾਤਾ ਮਲਵੀਨ ਨੂੰ ਬਚਪਨ ਵਿੱਚ ਹੀ ਸਦਾ ਲਈ ਛੱਡ ਕੇ ਰੱਬ ਨੂੰ ਪਿਆਰੇ ਹੋ ਗਏ ਸਨ। ਦੋ ਭਰਾਵਾਂ ਦੀ ਇਕਲੌਤੀ ਤੇ ਲਾਡਲੀ ਛੋਟੀ ਭੈਣ ਮਲਵੀਨ ਦਾ ਪਾਲਣ ਪੋਸਟ ਮਾਤਾ ਅਤੇ ਪਿਤਾ ਵਾਲੀਆਂ ਦੋਨੋ ਜ਼ਿੰਮੇਵਾਰੀਆਂ ਨਿਭਾਅ ਕੇ ਕੀਤਾ।
ਸੰਗੀਤ ਵਿੱਚ ਮਲਵੀਨ ਦੀ ਲਗਨ ਨੂੰ ਦੇਖਦਿਆਂ ਉਨਾਂ ਦੇ ਪਿਤਾ ਨੇ ਉਸ ਦਾ ਪੂਰਾ ਸਾਥ ਦਿੱਤਾ ਜਿਸ ਦੇ ਸਦਕਾ ਅੱਜ ਮਲਵੀਨ ਗਾਇਕੀ ਦੇ ਅੰਬਰ ਨੂੰ ਛੂਹਣ ਜਾ ਰਹੀ ਹੈ। ਬਚਪਨ ਵਿੱਚ ਪੰਜਾਬੀ ਗਾਇਕੀ ਦੇ ਬਾਬਾ ਬੋਹੜ ਗੁਰਦਾਸ ਮਾਨ , ਹਰਭਜਨ ਮਾਨ, ਸਤਵਿੰਦਰ ਬਿੱਟੀ, ਅਮਰ ਨੂਰੀ, ਪ੍ਰਕਾਸ ਕੌਰ ਸਮੇਤ ਪੰਜਾਬ ਦੀ ਕੋਇਲ ਵਜੋਂ ਜਾਣੀ ਜਾਦੀ ਸੁਰਿੰਦਰ ਕੌਰ ਦੇ ਗਾਣੇ ਘਰ ਵਿੱਚ ਸੁਣ ਕੇ ਗਾਉਣ ਦੀ ਐਸੀ ਚੇਟਕ ਲੱਗੀ ਕਿ ਸਕੂਲ ਦੀਆਂ ਬਾਲ ਸਭਾਵਾਂ, ਸੱਭਿਆਚਾਰ ਪੋ੍ਰਗਰਾਮਾਂ ਵਿੱਚ ਗਾਉਣ ਲੱਗ ਪਈ । ਕਾਲਜ ਦੀਆਂ ਸਟੇਜਾਂ ਤੇ ਖੂਬ ਰੰਗ ਬੰਨਿਆਂ। ਟੀਚਰਾਂ ਦੀ ਹੱਲਾਸ਼ੇਰੀ ਅਤੇ ਪੜਾਈ ਦੌਰਾਨ ਮਿਲੇ ਐਵਾਰਡਾਂ ਕਾਰਨ ਅੱਜ ਸਥਾਪਿਤ ਗਾਇਕੀ ਨੂੰ ਪ੍ਰਣਾਈ ਗਈ ਹੈ। ਫੋਟੋਗ੍ਰਾਫੀ, ਡਰਾਇੰਗ, ਟਰੈਵਲਿੰਗ ,ਸਕੇਟਿੰਗ ਕਰਨ ਦੀ ਸ਼ੌਕੀਨ ਮਲਵੀਨ ਨੇ ਆਪਣੇ ਸੁਪਨੇ ਨੂੰ ਸਰ ਕਰਦਿਆਂ ਗਾਇਕੀ ਵਿੱਚ ਚੰਗਾ ਨਾਮਣਾ ਖੱਟ ਲਿਆ ਹੈ। ਮਲਵੀਨ ਨੇ ਸੰਗੀਤ ਦੀ ਸਿੱਖਿਆਂ ਪੰਜਾਬ ਦੇ ਜਿਲਾ ਸੰਗਰੂਰ ਅੰਦਰ ਪੈਂਦੇ ਸਹੀਦ ਊਧਮ ਸਿੰਘ ਨਗਰ (ਸੁਨਾਮ) ਵਿਖੇ ਸੰਗੀਤ ਦੀਆਂ ਗਹਿਰਾਈਆਂ ਦੀ ਤਾਲੀਮ ਮੈਡਮ ਡੌਲ਼ੀ ਤੋਂ ਲੈ ਕੇ ਸਰੋਤਿਆਂ ਦੀ ਕਚਹਿਰੀ ਵਿੱਚ ਆਪਣਾ ਪਹਿਲਾ ਗੀਤ ” ਸੋਹਣਿਆ” ਲੈ ਕੇ ਹਾਜਰ ਹੋਈ ਤਾਂ ਸੰਗੀਤ ਦੀਆਂ ਦੁਨੀਆ ਵਿੱਚ ਮਲਵੀਨ ਗਰੋਵਰ ਦੇ ਨਾਮ ਦਾ ਡੰਕਾ ਵੱਜਣਾ ਸ਼ੁਰੂ ਹੋ ਗਿਆ। ਇਸ ਗੀਤ ਨੂੰ ਲਿਖਿਆਂ ਵੀ ਖੁਦ ਮਲਵੀਨ ਨੇ ਹੀ ਹੈ। ਆਪਣੀ ਪੜਾਈ ਬਾਰੇ ਦੱਸਦਿਆਂ ਮਲਵੀਨ ਨੇ ਕਿਹ ਕ ਮੈਂ ਆਂਪਣੀ ਮੁੱਢਲੀ ਪੜਾਈ ਮੈਟ੍ਰਿਕ , ਬਾਰਵੀਂ ਦੀ ਪੜਾਈ ਪਿੰਡ ਦੇ ਸਕੂਲ ਤੋਂ ਕਰਨ ਉਪਰੰਤ , ਐਮ ਬੀ ਏ ਗੁਰੂਜਮੇਸਵਰ ਯੂਨੀਵਰਸਿਟੀ ਤੋਂ ਕੀਤੀ ਤੇ ਅੱਜ ਕੱਲ ਮਿਊਜ਼ਕ ਦੀ ਡਿਗਰੀ ਲੈਣ ਲਈ ਉਤਾਵਲੀ ਹੈ।
ਚੰਡੀਗੜ ਵਿੱਚ ਹੋਏ ਮਿਸ ਪੰਜਾਬਣ ਤੇ ਮਿਸ ਇੰਡੀਆ ਮੁਕਾਬਲੇ ਵਿੱਚ ਮੈਡਲ ਲੈ ਕੇ ਇਹ ਖਿਤਾਬ ਆਪਣੇ ਨਾਮ ਕੀਤੇ। ਅੱਜ ਕੱਲ ਦੀ ਗਾਇਕੀ ਵਾਰੇ ਗੱਲਬਾਤ ਕਰਦਿਆਂ ਕਿਹਾ ਕਿ ਉਸ ਨੇ ਗੁੰਡਾਗਰਦੀ,ਨਸ਼ਿਆਂ ਤੇ ਲੱਚਰਤਾਂ ਨੂੰ ਦਰਸਾਉਂਦੇ ਗੀਤ ਨਾ ਗਾਉਣ ਦੀ ਸੌਂਹ ਖਾਧੀ ਹੈ। ਤਾਂ ਕਿ ਸਮਾਜ ਨੂੰ ਇੱਕ ਚੰਗੀ ਸੇਧ ਮਿਲ ਸਕੇ। ਉਹ ਆਪਣੇ ਗੀਤਾਂ ਵਿੱਚ ਹਮੇਸ਼ਾਂ ਪੰਜਾਬੀ ਸੱਭਿਆਚਾਰ ਅਤੇ ਰਿਸ਼ਤਿਆਂ ਨੂੰ ਤਰਜੀਹ ਦੇਵੇਗੀ।
ਪ੍ਰਮਾਤਮਾ ਅੱਗੇ ਅਰਦਾਸ ਕਰਦੇ ਹਾਂ ਕਿ ਮਲਵੀਨ ਪੰਜਾਬੀ ਮਾਂ ਬੋਲੀ ਦੀ ਸੇਵਾ ਕਰਕੇ , ਦਿਨ ਦੁੱਗਣੀ ਰਤ ਚੌਗਣੀ ਤਰੱਕੀ ਕਰੇ।

ਗੁਰਭਿੰਦਰ ਸਿੰਘ ਗੁਰੀ
99157-27311

Disclaimer

We do not guarantee/claim that the information we have gathered is 100% correct. Most of the information used in articles are collected from social media and from other Internet sources. If you feel any offense regarding Information and pictures shared by us, you are free to send us a message below that blog post. We will act immediately and delete that offensive thing.

Leave a Reply

Your email address will not be published. Required fields are marked *

%d bloggers like this: