Thu. Oct 17th, 2019

ਅਨੇਕਾਂ ਲਈ ਪ੍ਰੇਰਣਾ–ਸਰੋਤ ਨੇ 63 ਸਾਲਾ ਨੇਤਰਹੀਣ ਅਮਰਜੀਤ ਸਿੰਘ ਚਾਵਲਾ

​​​​​​​ਅਨੇਕਾਂ ਲਈ ਪ੍ਰੇਰਣਾ–ਸਰੋਤ ਨੇ 63 ਸਾਲਾ ਨੇਤਰਹੀਣ ਅਮਰਜੀਤ ਸਿੰਘ ਚਾਵਲਾ

ਮੁੰਬਈ ਦੇ 63 ਸਾਲਾ ਸ੍ਰੀ ਅਮਰਜੀਤ ਸਿੰਘ ਚਾਵਲਾ ਖ਼ੁਦ ਭਾਵੇਂ ਨੇਤਰਹੀਣ ਹਨ ਪਰ ਉਨ੍ਹਾਂ ਆਪਣਾ ਹੌਸਲਾ ਕਦੇ ਨਹੀਂ ਢਹਿਣ ਦਿੱਤਾ ਤੇ ਲੋਕ ਉਨ੍ਹਾਂ ਨੂੰ ‘ਸਪੋਰਟੀ ਸਿੱਖਾ’ ਦੇ ਨਾਂਅ ਨਾਲ ਜਾਣਦੇ ਹਨ। ਉਨ੍ਹਾਂ ਕੱਲ੍ਹ ਐਤਵਾਰ ਨੂੰ 21 ਕਿਲੋਮੀਟਰ ਲੰਮੀ ਇੱਕ ਦੌੜ ਮੁਕੰਮਲ ਕੀਤੀ, ਜੋ ‘ਟਾਲ਼ੀ ਜਾ ਸਕਣ ਵਾਲੀ ਨੇਤਰਹੀਣਤਾ’ ਦੇ ਮਾਮਲੇ ’ਤੇ ਆਮ ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਆਯੋਜਿਤ ਕੀਤੀ ਗਈ ਸੀ।

ਸ੍ਰੀ ਚਾਵਲਾ ਆਉਂਦੀ 25 ਅਗਸਤ ਨੂੰ ਕਾਰਗਿਲ ਕੌਮਾਂਤਰੀ ਮੈਰਾਥਨ ਵਿੱਚ ਵੀ ਭਾਗ ਲੈਣਗੇ। ਇੰਝ ਸ੍ਰੀ ਚਾਵਲਾ ਆਪਣੀਆਂ ਸਰਗਰਮ ਗਤੀਵਿਧੀਆਂ ਸਦਕਾ ਅਨੇਕਾਂ ਲੋਕਾਂ ਲਈ ਪ੍ਰੇਰਣਾ ਸਰੋਤ ਬਣੇ ਹੋਏ ਹਨ।

ਸ੍ਰੀ ਚਾਵਲਾ ਜਦੋਂ ਹਾਲੇ ਸਿਰਫ਼ 13 ਸਾਲਾਂ ਦੇ ਸਨ, ਤਦ ਉਨ੍ਹਾਂ ਨੂੰ ਅੱਖਾਂ ਦਾ ‘ਮੈਕਿਊਲਰ ਡੀਜੈਨਰੇਸ਼ਨ’ ਰੋਗ ਹੋਣ ਦੀ ਜਾਣਕਾਰੀ ਮਿਲੀ ਸੀ। ਅੱਖਾਂ ਦੀ ਜੋਤ ਆਮ ਤੌਰ ਉੱਤੇ ਇਸੇ ਰੋਗ ਕਾਰਨ ਜਾਂਦੀ ਹੈ।

ਫਿਰ ਅਗਲੇ 27 ਸਾਲਾਂ ਵਿੱਚ ਹੌਲੀ–ਹੌਲੀ ਸ੍ਰੀ ਚਾਵਲਾ ਦੀਆਂ ਅੱਖਾਂ ਦੀ ਜੋਤ ਪੂਰੀ ਤਰ੍ਹਾਂ ਚਲੀ ਗਈ ਤੇ ਉਹ ਨੇਤਰਹੀਣ ਹੋ ਗਏ। ਉਨ੍ਹਾਂ ਆਪਣਾ ਖੇਡ ਕਰੀਅਰ 48 ਸਾਲਾਂ ਦੀ ਉਮਰ ਵਿੱਚ ਆ ਕੇ ਚੁਣਿਆ।

ਅਨੇਕਾਂ ਲਈ ਪ੍ਰੇਰਣਾ–ਸਰੋਤ ਨੇ 63 ਸਾਲਾ ਨੇਤਰਹੀਣ ਅਮਰਜੀਤ ਸਿੰਘ ਚਾਵਲਾ

ਉਨ੍ਹਾਂ ਮੁੰਬਈ ਵਿਖੇ ਅੰਗਹੀਣਾਂ ਲਈ ਆਯੋਜਿਤ ਰਾਸ਼ਟਰੀ ਪੱਧਰ ਦੇ ਤੈਰਾਕੀ ਮੁਕਾਬਲੇ ਦੌਰਾਨ 50 ਮੀਟਰ ਫ਼੍ਰੀਸਟਾਈਲ ਵਿੱਚ ਸੋਨ ਤਮਗ਼ਾ ਜਿੱਤਿਆ ਸੀ। ਇਸ ਤੋਂ ਇਲਾਵਾ ਉਹ ਇੱਕੋ–ਇੱਕ ਅਜਿਹੇ ਨੇਤਰਹੀਣ ਵਿਅਕਤੀ ਹਨ, ਜਿਨ੍ਹਾਂ ਨੇ ਤਿੱਬਤ ਦੇ 19,830 ਫ਼ੁੱਟ ਉੱਚੇ ਡੌਲਮਾ ਦੱਰੇ ਉੱਤੇ ਚੜ੍ਹਾਈ ਕੀਤੀ ਸੀ।

ਸੁਆਲਾਂ ਦੇ ਜੁਆਬ ਦਿੰਦਿਆਂ ਉਨ੍ਹਾਂ ਦੱਸਿਆ ਕਿ ਉਹ ਕੋਈ ਨਿਯਮਤ ਅਭਿਆਸ ਨਹੀਂ ਕਰ ਸਕਦੇ ਕਿਉਂਕਿ ਉਨ੍ਹਾਂ ਨੂੰ ਦੌੜਨ ਵੇਲੇ ਵੀ ਕਿਸੇ ਸਹਾਇਕ ਦੀ ਜ਼ਰੂਰਤ ਰਹਿੰਦੀ ਹੈ। ਰੋਜ਼ਾਨਾ ਉਨ੍ਹਾਂ ਨੂੰ ਅਜਿਹਾ ਕੋਈ ਸਹਾਇਕ ਨਹੀ਼ ਮਿਲਦਾ।

Leave a Reply

Your email address will not be published. Required fields are marked *

You may have missed

ਪੰਜਾਬ ਦੇ ਸਕੂਲਾਂ ਵਿੱਚ ਜ਼ਬਰਦਸਤੀ ਹਿੰਦੀ ਇਕਾਂਗੀ ਨਾਟਕ ਖਿਡਾਏ ਜਾਣ ਦੇ ਜਾਰੀ ਹੋਏ ਤੁਗਲਕੀ ਫ਼ਰਮਾਨ ਦੀ ਮਾਲਵਾ ਲਿਖਾਰੀ ਸਭਾ ਸੰਗਰੂਰ (ਰਜਿ:) ਨੇ ਕੀਤੀ ਸਖ਼ਤ ਨਿਖੇਧੀ ਸੰਗਰੂਰ, 17 ਅਕਤੂਬਰ (ਕਰਮ ਸਿੰਘ ਜਖ਼ਮੀ): ਮਾਲਵਾ ਲਿਖਾਰੀ ਸਭਾ ਸੰਗਰੂਰ (ਰਜਿ:) ਨੇ ਸਿੱਖਿਆ ਵਿਭਾਗ ਪੰਜਾਬ ਵੱਲੋਂ ਪੰਜਾਬ ਦੇ ਸਕੂਲਾਂ ਵਿੱਚ ਜ਼ਬਰਦਸਤੀ ਹਿੰਦੀ ਇਕਾਂਗੀ ਨਾਟਕ ਖਿਡਾਏ ਜਾਣ ਦੇ ਜਾਰੀ ਹੋਏ ਤੁਗਲਕੀ ਫ਼ਰਮਾਨ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਸਖ਼ਤ ਸ਼ਬਦਾਂ ਵਿੱਚ ਨਿਖੇਧੀ ਕੀਤੀ ਹੈ। ਸਿੱਖਿਆ ਵਿਭਾਗ ਪੰਜਾਬ ਵੱਲੋਂ ਪੰਜਾਬ ਦੇ ਸਕੂਲ ਮੁਖੀਆਂ ਨੂੰ ਇਹ ਆਦੇਸ਼ ਜਾਰੀ ਕੀਤੇ ਗਏ ਹਨ ਕਿ ਉਨ੍ਹਾਂ ਨੇ ਆਪਣੇ ਸਕੂਲਾਂ ਵਿੱਚ ਥੀਏਟਰ ਦੀ ਸ਼ੁਰੂਆਤ ਕਰਵਾਉਂਦੇ ਹੋਏ ਇਕਾਂਗੀਆਂ ਦਾ ਮੰਚਨ ਕਰਵਾਉਣਾ ਹੈ। ਇਹ ਇਕਾਂਗੀ ਨਾਟਕ ਸਿਰਫ਼ ਹਿੰਦੀ ਵਿੱਚ ਹੀ ਖੇਡੇ ਜਾਣਗੇ ਅਤੇ ਇਹ ਨਵੰਬਰ ਮਹੀਨੇ ਦੇ ਪਹਿਲੇ ਹਫ਼ਤੇ ਹੋਣੇ ਜ਼ਰੂਰੀ ਹਨ। ਵਿਚਾਰ ਚਰਚਾ ਵਿੱਚ ਹਿੱਸਾ ਲੈਂਦਿਆਂ ਡਾ. ਮੀਤ ਖਟੜਾ, ਡਾ. ਇਕਬਾਲ ਸਿੰਘ, ਡਾ. ਸੁਖਵਿੰਦਰ ਸਿੰਘ ਪਰਮਾਰ, ਦਲਬਾਰ ਸਿੰਘ ਚੱਠੇ ਸੇਖਵਾਂ, ਕਰਮ ਸਿੰਘ ਜ਼ਖ਼ਮੀ, ਰਜਿੰਦਰ ਸਿੰਘ ਰਾਜਨ, ਜਗਜੀਤ ਸਿੰਘ ਲੱਡਾ, ਸੁਖਵਿੰਦਰ ਸਿੰਘ ਲੋਟੇ, ਸੁਖਵਿੰਦਰ ਕੌਰ ਸਿੱਧੂ, ਕੁਲਵੰਤ ਖਨੌਰੀ, ਗੁਰਪ੍ਰੀਤ ਸਿੰਘ ਸਹੋਤਾ, ਸਤਪਾਲ ਸਿੰਘ ਲੌਂਗੋਵਾਲ, ਸਰਬਜੀਤ ਸਿੰਘ ਸੰਧੂ, ਸੁਖਵਿੰਦਰ ਕੌਰ ਹਰਿਆਓ, ਧਰਮਵੀਰ ਸਿੰਘ, ਮੀਤ ਸਕਰੌਦੀ, ਸੁਰਜੀਤ ਸਿੰਘ ਮੌਜੀ, ਲਾਭ ਸਿੰਘ ਝੱਮਟ, ਲਵਲੀ ਬਡਰੁੱਖਾਂ, ਗੋਬਿੰਦ ਸਿੰਘ ਤੂਰਬਨਜਾਰਾ, ਸਰਬਜੀਤ ਸੰਗਰੂਰਵੀ ਅਤੇ ਜੱਗੀ ਮਾਨ ਆਦਿ ਸਾਹਿਤਕਾਰਾਂ ਨੇ ਕਿਹਾ ਕਿ ਮਾਂ ਬੋਲੀ ਪੰਜਾਬੀ ਨਾਲ ਇਹ ਧੱਕੇਸ਼ਾਹੀ ਸਹਿਣ ਨਹੀਂ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਪੰਜਾਬੀ ਭਾਸ਼ਾ ਨੂੰ ਨੁੱਕਰੇ ਲਾਉਣ ਦੀ ਨੀਤੀ ਤਿਆਗ ਕੇ ਇਸ ਦਾ ਬਣਦਾ ਮਾਣ ਸਤਿਕਾਰ ਬਹਾਲ ਕਰਨ ਵੱਲ ਧਿਆਨ ਦੇਵੇ।

%d bloggers like this: